Ephesiami 2:19 - Sumi Naga CL (Re-edited) Bible (BSI)

¹⁹ Ikehu nongu ye tüsümi eno kupokichemi kumovae, ikemu Alhou kibolomi eno küpülümi sasü kümtsa aghakütsami shiluvae.

BAIBEL (BSI)

¹⁹ Tishiaye, nongu Judakumomi ye inami eno kichekupomi kumovae ikemu Alhou wu timiqo sasu aghakhumike eno Alhou kibolomike.

Sümi Tiqhelimi Bible

¹⁹ Tishiaye, nongu ye tüsümi eno inamiqo kumovae, ikemu Alhou’w timiqo gholo aghakütsamiqo eno pa kibo lo kihiküsümiqo ghí ke,

Ephesiami 2:19 ပူးပေါင်းရင်းမြစ်များ

MATTHEW 10:25

Akhopeu ye pa kükütsüu kimihi shilu keu no lukümkhae, tihutoi aqüaxeu ghi tishike. Timiqo no akibo mpeu vilo Beelzebul ipi kucheni aye, pa kibolomi kütami vilou ye kishi aje küsa tsünani kelae.

Galatiami 6:10

Tishiaye ningu no ado kivi ithuluke kümtsü lo timi kümtsü lau akivi kümla shini, eno akhotoshi khunoqo aküpülü lo kibolomi shive akeno panongu lau mlani nolo.

Ephesiami 2:12

tipa ghuloki lo nongu ye Khristo launo kütüta shi ache, Israelmi gholo kuloji mlano inami shi ache, eno Alhouw Puloshoqhi piqhi püakeu lono tüsümi shi ayeghi lo lajupu küha eno Alhou kühano achekeu kümsülu lo.

Ephesiami 3:15

Pa vecheo kungugha eno ayeghi lo akibo kümtsü je kutsü cheni.

Ephesiami 3:6

Tuqhou hipau ye Jewkumomi ghi amheghi kiyighimi; aphimpi lakhi lo kuloji küqha kemi; eno atsakiviu vecheo Khristo Jisü gholo Alhou shoqhi küsajelu kemiae.

FILIPIAMI 3:20

Ikemu ningu ye kungugha ghakütsami, eno ningu ye Xakuluu, Ampeu Jisü Khristo tilauno ighini keu huqhe cheni,

IBRIMI 11:13

Hipaqo kümtsü aküpülü lono thivae. Panongu ye piqhi püakeu ithumlave, ikemu putou no ithulu no kuchou kepi ikhiluve, eno ayeghi lo inami eno hapheve kemiae pi ikhiluve.

IBRIMI 13:14

Kughengu ayeghi lo ningu ye haumoni keu phughi kühae, ikemu ningu ye ighini ye akeu phughi phucheni.

1 Peter 2:11

Kimiye chekemiqo, I no nongu hakite anike kupokichemi eno haküghütsüve kemi akehu ashi lo pitipüza keu lhoaye khikhi nongu ngulho sasü aghüshi acheni keno tipaqo launo putosü lulo.

1 John 3:1

Apu no kiu toi keu kikimiye pesü ningu tsüve akeno kiqi julo, ningu pesü Alhou nuli kepi kuvetsü no kuchou nomu ningu ye tishi luvae. Ayeghilomi no ningu ithimo keu kiqi ye panongu no Alhou ithimo kehue.