Ephesiami 2:15 - Sumi Naga CL (Re-edited) Bible (BSI)

¹⁵ ti ye Ayezah lo azakütsü eno akhuaye jeli kümtsü shipühave tsükeu lono ke, tishianguno pa no timi mqo kini pesü pa lau timi kithe lakhi shi kughulhophe no külashi tsü,

BAIBEL (BSI)

¹⁵ Pano Judami yezahlo shilo pikeu yeh eno kithikiyi yeh jeli kumtsu lakhavetsuke, tishikeu lono pa gholo kimepe akeu vechewo ashiayeh muqo kini pesu timi akithe muqo lakhi lhotsuniyeke, tishi puzu alashitsuke.

Sümi Tiqhelimi Bible

¹⁵ tiye pa phimpi lo ayeza eno tipau yeza zakütsü ngò yezashiqo kümtsü qhive keu vechewo no ke. Pa kimiji ye pa likhi pa vechewo timi jeli kini akeu lono timi jeli kithé lakhi lhophe niye ke, eno tishi keu lono külashiluve,

Ephesiami 2:15 ပူးပေါင်းရင်းမြစ်များ

ISAIAH 9:6

Kughengu ni lau anu punutsü ani, anu lakhi ningu tsü anie; Yepeka kükagha ye Pa u lo anani, Pa je ye Akümzapu Mijekütsüu, Akughushu Lhou, Alholo Apu, Külakishi Yepeu kutsü nani.

2 Kor. 5:17

Tighenguno khukhumu Khristo gholo xükime luve aye, pa ye lhoxü kithe shivae. Aqau ye wovae; julo, akitheu ighivae.

Galatiami 3:10

Khunono Ayezah pelu keu shou pükhü cheni keno pano ye müsüinivae; kughengu ishi yepüani, “Khunono Ayezah Kaku lo yepüakeu kümtsü pape moni eno tipaqo mla moni keno müsüinivae.”

Galatiami 3:28

Ikehu Jewmi ngo Greekmi dolo, aqemi ngo ililai kemi dolo, kiptimi ngo totimi dolo kütüqü keu kühae, kughengu nongu kümtsü Khristo Jisü gholo lakhi shivae.

Galatiami 6:15

Kughengu aphighüyiko ghana ghamo namu kiumu akiqi kühae, ikemu lhoxü kithe shiluve keu no akhotou ke.

Ephesiami 2:10

Kughengu Alhou ye ningu pelo Khristo Jisü gholono Pa no azünatha kughu püake toi akümla kivi mlalu eno tipa lalo cheche peniye ningu pulhosüe, ikehu ningu ye Paw kütshakügha kümla ke.

Ephesiami 2:14

Kughengu Khristo ampi no niw külakishiu ke, pa no ashiaye kini pesü lakhi shive tsüno pa phimpi pesü ningu dolo kijethape kimthikile chekeu tupi hephove tsü,

Ephesiami 2:16

eno kros vecheo ningu amqo kinikujo peküqhape aphimpi lakhi lono Alhou lau alupekili luve peniye, eno kimthikile chekeu kishekhave tsüniye ke.

Ephesiami 4:16

Pa launo aghi aphimpi kuchopu anhü vecheo ghokünape kime küqhatsü no thuwulu cheni. Kughou aphiau lakhikhi no pütüta kümlapu achipi lono shini keno aphimpi ye kikimiye lono pa ampi shiqhelu cheni.

Kolosiami 2:14

ti ye ayezah kiqi lo ningu pi-ashe yekithi püakeu no ningu shou kükhaküla akeu ikhive tsüke. Pa no kros lo ti yedave tsükeu lono ikhive tsüe.

Kolosiami 2:20

Khristo gholono nongu no ayeghi lo aghawuqo lau thive aghi aye, kushiye itehi ghi ayeghi laumi toi ayezah qhoqhü ghi—

Kolosiami 3:10

eno alhoaye kithe pepu luvae, ti ye Lhoküsüu no Pa ithitoilu penike Pa kimihi shitsü acheni.

Kolosiami 3:11

Hipau loye Greekmi eno Jewmi, aphighüyiko ghave kemi eno ghamo kemi, ayekümthami, tüghashi toi xükemi, aqemi eno ililai kemi kühae; ikemu Khristo no thokha ke, eno kümtsü lo ani.

Kolosiami 3:15

Khristow aloino keu no nongu mlo lo ayepe pelo, hipau ghenguno aphimpi lakhi lo nongu kuluve ake. Eno shikimthi qhiyi lo.

IBRIMI 7:16

pa ye ayezah bekütha kiqi lono ajilo kiyighi chineu kumoe, ikemu kütsave mlakeu küxü küka vecheo achineu shilue.

IBRIMI 8:13

Hipa gholau no puloshoqhi akitheu tsa pi püzü Alhou no puloshoqhi atüghüu pesü adou shivetsüe. Eno kiu no adou eno aqa shive ani keno ti ye pai hauve nani.

IBRIMI 9:23

Kungughalo thime kimihi ye hitoike khuaye pesü shikimthe che, ikemu kungughalo thimeqo ye hinguno akiviu ghakishi pesü shiche.