Ephesiami 1:17 - Sumi Naga CL (Re-edited) Bible (BSI)

¹⁷ Ikehu ajuküvü Papu, ni Mpeu Jisü Khristo Lhou no alokütsü ngo piyeküsü ghungu pesü nongu tsüno Pa kighithi lo thuwulu peni;

BAIBEL (BSI)

¹⁷ Ningu Mipeu Jisu Khristo Lhou, Akimthe jekipi Apu pelo alokutsu ngo piyesukutsu ngugha nongu tsupenike inikhu cheni, tishianguno nongu pelo Alhou ithilupenike.

Sümi Tiqhelimi Bible

¹⁷ Ni ye ningu Mpeu Jisü Khristo Lhou, ajuküvü Apù pelo alokütsü ngò piyeküsü Ghungu nongu tsü penike inikhu acheni, tishianguno nongu pelo akivishi pa ithi peniye ke.

Ephesiami 1:17 ပူးပေါင်းရင်းမြစ်များ

YEKIKITHI ATUGHIU 29:11

Aküka kumto kuloghi, ajuküvü, tokulu, akükanguagha ye Ow ke, O Ampeu, kughengu atsütsü eno ayeghi lo akeu thime kümtsü Ow ke. Ayekipe ghi Ow, eno O pesü kümtsü shou yepeu shiküzüe.

JOB 42:5

I kini lo likhino I no chilu kemu itehi ye I nhethi no No ithuluvae;

LESHELE 24:10

Ajuküvü kükau ye khuu kea? Aqokitikhi Mpeu, Pa ye ajuküvü kükau ke!

LESHELE 24:7

O khaghoqo, nongu kütsü peqhelo! O mulho hukikhaqo, nongu kütsü peqhelo, ajuküvü kükau no iloghi pelo.

LESHELE 29:3

Ampeu sütsa ye azüghi shou ani; ajuküvü Lhou no tsütsüsüe, Ampeu ye azüghi shou ani.

IPEKULU 28:3

No ye atshamgha shikithimi khunoqo lau I no kütshakügha ghungu tsüpüani keno panoqo pelo Aaron phimini mla penike pütsalo, tishianguno pa pelo pa küxü ikhiphepe I chinemi shipenie.

AHOLE 18:15

Aqho-aji tsüghükhüi kemi mlo eno alokütsümi kini no akighithi ithi küphalu cheni.

AHOLE 2:5

tileno nono Ampeu sükümsa ye kiu keno vethalu nani eno Alhou kighithi phulu nani.

ISAIAH 11:2

Ampeu Ghungu no pa shou anani, alokütsü ngo vethakulu Ghungu, mijekütsü ngo aküka kumto Ghungu, akighithi ngo Ampeu sükümsa Ghungu no pa shou anani.

JEREMIYA 2:11

Shiye lakhi ye alhou kumomu pano lhouqo kilive cheni keshea? Ikemu Iw timiqo ye pano jekipi pesü ala küha keu küsükilivae.

JEREMIYA 24:7

I no panoqo pelo Ni ye Ampeu kepi ithi kepu mlo panongu tsünani, tishino panongu no Iw timi shi eno I no panongu Lhou shi nani, kughengu panongu ye amlo kuchopu no I lau xaide ighi nanie.

JEREMIYA 31:34

Khunomu pa kisüghüu vilo eno pa thiküzüu vilo, ‘Ampeu ithilo,’ ipi moae, kughengu panongu dolo akitilau lono akijeu kutolo kümtsü no Ni ithi nani, ipi Ampeu no sheshu. I no panoqo kipimi qhivetsü nani, eno Ni ye panongu xine kümsüchilelu tsümo nani.”

JEREMIYA 9:24

ikemu khuu no qhezani keno pa ye Ni ithi eno vethalu keu lono qheza pelo, kughengu Ni ye ayeghi lo ithamo keu kikimiye, kuchou xakütha, achipiu mikucho peitha cheni. Kughengu thime hipaqo lo I züküvü acheni, ipi Ampeu no asheshu.”

DANIEL 10:1

Akükau Cyrus mpe aküthüu lo Daniel, khuu Belteshazzar ipi kuvetsü keno, pa lau atsa lakhi piyesü. Atsa huye kuchou, eno tipau ye aküküpna kije vehuke. Pa ye atsa vethaluve eno kungunhetsü vethakulu ghi ae.

DANIEL 5:11

Timi lakhi khuu lolo akimthe lhouqo ghungu ani keno, o kükaqha lo ani. O pu ghuloki lo alhouqo lokütsü toikeu aküvü, vethakulu eno alokütsü pa lolo akeu ithulu, eno o pu, Akükau Nebuchadnezzar—o pu akükau no pa pelo küdüumi, shiküghüzü kemi eno yepu-yesü kighithimi shou atou shivepe,

MATTHEW 11:25

Tipa tüqhüdo lo Jisü no pi, “Apuo, kungugha eno ayeghi Mpeu, I no O shikimthi ani, kughengu nono thime hipaqo pesü ayeghi lo lokütsümi ngo ithikuthu kemi launo küsüve no hi itimi kititiqo lau pephe tsüke;

MATTHEW 11:27

I pu no thime hi kümtsü pesü I lau kuchoqhive tsüae, Apu likhino kumo aye khunomu Anu mthae, tihutoi Anu eno pa gholo khukhumu pa no Apu ithi penike kishephe keu no kumo aye khunomu Apu mthae.

MATTHEW 16:17

Jisü no pa vilo pi, “Jonah nu Simon, no ye akümghapue! Kughengu timi shi aji no o lau hi pephe piyeke kumoe, ikemu I Pu kungugha lo akeu noke.

MATTHEW 20:33

Pama no khochile, “Ampeu, ni nhethi xükhove tsü penishi ani.”

MATTHEW 6:13

Eno ghukuju lo ningu sailotsü kevilo, ikemu alhoksau launo ni xaphe tsülo.”

Luke 12:12

kughengu nongu no kiu pi kepu keno Aghungu Kimthe no tipa tüqhüdo lono nongu shika nani.”

Luke 2:14

“Kungugha akiqheu lono Alhou sheqhelo, eno ayeghi lo Pa mlo chulu chekeqo gholo aloino keu alo!”

Luke 21:15

Kughengu nongu külami khunomu nongu theqhive momu lachile mla kepushi I no atsa eno alokütsü pesü nongu tsü nani.

John 14:17

ti ye Kuchou Ghungu ke. Ayeghilomi ye pa ikhilu mla nani, kughengu panongu ye pa ithulu chemo momu ithi chemoe. Ikemu nongu ye pa ithi ani, kughengu pa ye nongu lolo ani eno nongu sasü anani.

John 14:26

Ikemu Akukuphuu, Aghungu Kimthe, khuu Apu no I je lono puwu nani keno, pa no thokha nongu shika nani, I no nongu vilo pive keu kümtsü pa no nongu pelo kümsüchilelu penani.

John 16:3

Panongu no Apu mu ni mu mtha kehu hipaqo shinani.

John 17:3

Lhokta küxü ye hike: panongu no kuchou Lhou O likhi akeu ithi, eno Nono puwukeu Jisü ithikeu noke.

John 20:17

Jisü no li vilo pi, “I bu kevilo kughengu ni ye Apu lau iku mphie. Ikemu I thiküzümi lau wuno panoqo vilo pilo, ‘Ni ye I Pu eno nongu Papu lau, I Lhou eno nongu Lhou lau iku cheae.’”

Apostolmi 6:10

Ikemu panongu ye Stephen no alokütsü eno Aghungu lono pikeu ghechile mlave.

Apostolmi 7:2

Stephen no pi, “Athiküzümi eno apunoqo, I tsa inilo. Ni sü Abraham no Haran lo xüsü mphi züu Mesopotamia lo akelono, ajuküvü Lhou no pa lau ipeghi,

Rommi 1:28

Panongu no Alhouw kuchou ghili ithini keu pulomo keke panongu pelo shimo kepu shiauve peniye Alhou no shiküpsapu pe pano kükümsü shipuqove tsü.

Rommi 15:6

tishianguno nongu no asütsa lakhi lono ni Mpeu Jisü Khristo Papu Alhou juküvü shilu peni.

1 Kor. 12:8

Kughengu milakhi lau Aghungu vecheo alokütsü tsa pikulupu tsü püani, eno lakhiu lau Aghungu tipau no akighithi tsa pikulupu tsü püani,

1 Kor. 14:6

Tishiaye athiküzümiqo, I no nongu lau amilikithe tsa pisü ighi no nongu vilo piyeküsü, akighithi, tungkuptsa, momu akükütsütsa hami pimo aye, ni ye kishi nongu vehupu shiluni kea?

1 Kor. 2:10

thime hipaqo Alhou no Aghungu vecheo ni lau pephe piyevae. Kughengu Aghungu no Alhouw kuthoküzü kutolo thokha lheju cheni.

1 Kor. 2:8

Hipa yeghi lo yepemi khumu hi vethamlae, kughengu panongu no ithike aye ajuküvüpu Mpeu yeda moni cheke.

2 Kor. 12:1

Ni ye aqheküza tsa pini aphi. Tino kiumu ala shimla kemu ni ye Ampeuw kungunhetsü ngo piyeküsü ghili pini aphi.

Ephesiami 1:3

Ni Mpeu Jisü Khristo papu Alhou, khuu no kungugha kiqhe-a lono aghungu lo kükümgha kümtsü pesü Khristo küdau no ningu kümghatsü keno, sheqhe küzüe,

Ephesiami 3:5

Aghungu vecheo Alhouw akimthe apostolmi ngo tungkupmi lau tuqhou hipau pephe piye ketoi wove keu tiqhelimi lau ye khilemu piye püamoe.

Ephesiami 4:13

Ningu kümtsü no tekhoi xükülaye luno aküpülü ngo Alhou Nu kighithi lo lakhi shi küqhalu, eno Khristo lhoaye kupukülai shi ithilu moke kutolo hitoi mla apeniye ke,

FILIPIAMI 3:15

Ningu khunoqo aküpülü lo tekhoive akeno hitoi kümsü kepue; eno nongu no kütau kiuala kümsü aghimu tighi Alhou no nongu lau pephe piye nani.

2 Tim. 2:25

eno mtshaminhei pa mjochile kemi shikithe tsü masae. Ishiake Alhou no pano pelo amlo xaidelu no kuchou ithilupe nani,

Titus 1:1

Paul, Alhou qüaxeu eno Jisü Khristow apostol no Alhouw kishekiphemi küpülü eno panow kuchou kighithi akimthe küxü lo sawu chekeu shiqhe tsünike yelu ani.

James 2:1

I thiküzümiqo, nongu no ni Mpeu Jisü Khristo, ajuküvü Mpeu lau aküpülü tsüqüpe akelo khilemu agiju kevilo.

2 Peter 1:3

Alhou Khuu no Pa kimthe juküvüpu eno akighichepu lo ningu kuphelu keno, Pa kimthe küka huno aküxüpu eno Pa toilu kepu kighithi kümtsü pesü ningu tsüvae;

2 Peter 3:18

Ikemu ni Mpeu eno Xakuluu Jisü Khristow küpükini eno Pa kighithi lono thuwu alo. Itehi eno lhokta tsala kutolo Pa lau ajekipi shilo. Amen.

Piyeküsü 7:12

pi, “Amen! Shekiqhe eno ajuküvü, alokütsü eno shikimthikütsü, agigihu eno aküka kumto ye alholo eno pülhapuju ni Lhouw ke! Amen.”