Ephesiami 1:13 - Sumi Naga CL (Re-edited) Bible (BSI)

¹³ Kughou nongu no nongu xakulupu tsakiviu kuchou tsape chilu püzü Khristo lau pülübelu keno, Paw shilu keu michishi piqhi püakeu Ghungu Kimthe pesü nongu shou puku tsüe.

BAIBEL (BSI)

¹³ Khristo gholono nongu ghi titoi shike, kughou nonguno kuchou tsape ti nongu xakulupu tsakiviu chilukeno nonguno Khristo shou pululuveke, ikehu nonguye pawuke pikeu michipu shi pano piqhivekeu toi Aghungu Kimthe pesu nongu tsuke.

Sümi Tiqhelimi Bible

¹³ Eno kughou nongu no kuchou kükütsü sütsa, nonguw xakulu tsakiviu chilu keno, nongu ghí Khristo gholo küqhaluvea ke. Kughou nongu no pülüluve keno, nongu ye chishida keu pesü pa gholo amichi shive ke. Pikiqhi Ghungu Kimthe

Ephesiami 1:13 ပူးပေါင်းရင်းမြစ်များ

LESHELE 119:43

I kichi lono kuchou tsa qhoi ikhipe wuvetsü kevilo, kughengu Iw pükhükulu ye Ow pimheye lo anike.

JOYIL 2:28

“Ado hami thiu I no timi kümtsü shou I Ghungu lepuku tsü nani; no tianuli kiptimi totimiqo no tungkupu tsa pi nani, now muchomiqo no asamo pumo eno lhothemiqo no kungunhetsü ithulu nani.

Luke 11:13

Tishiaye, nongu alhoksami thotsü kishi agho kivi pesü no tianuli tsü kepu keno ithi aghi aye, kungugha lo Apu ye tinguno alau khije ta Aghungu Kimthe pesü khu kemi tsü nani kelae!”

Luke 24:49

Eno julo, I Pu no kiu piqhi püa keno I no nongu shou puku tsüni. Ikemu kunguu küka no nongu shepichhi moke kutolo aphughi lo ngo aghilo.”

John 1:17

Kughengu Ayezah ye Moses vecheo tsüke, ikemu küpükini eno kuchou ye Jisü Khristo vecheo ighi.

John 14:26

Ikemu Akukuphuu, Aghungu Kimthe, khuu Apu no I je lono puwu nani keno, pa no thokha nongu shika nani, I no nongu vilo pive keu kümtsü pa no nongu pelo kümsüchilelu penani.

John 15:26

“Ikemu kughou I no Apu launo puwu keu Akukuphuu ighini keno, Kuchou Ghungu, Apu launo ipeghi keu, huno I shepe shitsü nani.

John 3:33

Khunono pa tsape ikhilu keno Alhou ye kuchou kepi mtsüqhei ithivae.

John 6:27

Pühave kepu chuqupu ghenguno kumono lhokta küxü kutolo akepu chuqupu, khikhi Timi Nu no nongu tsü nani keno, tipau ghenguno mlalo. Kughengu pa shou Apu no amchipu chishidavae.”

Apostolmi 1:4

Panongu gholo akelono pa no Jerusalem qhikevi no Apuw pikiqhi khelopi azah tsü, pa no pi, “Nongu no I launo chiluvae;

Apostolmi 13:26

“Athiküzümi, Abraham nuli, eno nongu Alhou sümsa chekeqo, xakulupu tsape hipau ningu lau puwuve tsüae.

Apostolmi 2:33

Pa süqhepe Alhou u ajeu qhive no Apu launo Aghungu Kimthe piqhi püakeu ithulu kethiu, nongu ampi no ithulu eno chilu akeu hi ye pa no ningu shou lepuku tsükeu ke.

Rommi 1:16

Ikehu ni ye atsakiviu ghenguno kujove chemoe, kughengu ti ye pülülu kemi kümtsü, atüghüshi Jewmi eno tithiu no Greekmi ghi, xalu nike ghenguno Alhou küka ke.

Rommi 4:11

Pa ye ghamphi lonomu aküpülü vecheo achipiu shi xüche kehu ti mekha keu shi aphighüyiko kügha michipu ithulue. Ti ye khunono aphighüyiko ghamo namu pülüni keno Abraham pelo panoqo papu shipeni keu kimji lono ke, tishikeu lono panoqo ghi achipikaluve kemie pi kihi tsüniye ke;

Rommi 6:17

Ikemu Alhou shikimthi akeu ye nongu khunoqo ghuthu lakhi lo axine qüaxemi shi ache keno, itehi ye nonguu no amlo lono ipeghi püzü agholuqhiyi akükütsü tsa nongu lau apasü shi shikave keu ikhiluvae,

2 Kor. 1:22

eno ningu shou Pa michipu sütsü no ningu tsüniye akeu tsütha ghi Pa Ghungu ningu mlo lo sütsüe.

2 Kor. 6:7

kuchou tsapi eno Alhou küka lono; au ajeu ngo piyiu amikucho ghünanu pesü;

Galatiami 3:14

tishianguno Khristo Jisü launo Jewkumomi lau Abraham kükümgha ighi peniye eno aküpülü vecheo ningu no piqhi püakeu Ghungu ithulu niye ke.

Ephesiami 4:21

Nongu ye mtsüqheino Pa ghili chiluvae, eno kuchou huno Jisü lau aketoi Pa launo nongu shika puthu luvae.

Ephesiami 4:30

Alhou Ghungu Kimthe no qhüchilekulu tsala ghenguno nongu shou amchipu chishidave akehu nongu ye Pa shikulosü kevilo.

1 Thes. 2:13

Hi ghengu ghi nino tamono Alhou shikimthi ani, ike kughou nongu no ni launo Alhou tsa ikhilu keno ti ye timi tsa kumoe ikemu nongu küpülümi lolo mla akeu Alhou tsa kuchou kepi nongu no ikhilue.

2 Tim. 2:15

Tolukivi thaqhülo no ampi pesü kishekiphe, kujo-ighümo keu kümlau hutoi achipi lono kuchou tsa pepimhe no Alhou zülo piyelo.

2 Tim. 2:19

Ikemu Alhouw akumto boqha ye puthugho ani. Eno ti ye amchipu ishi ani: “Khunono Ampeuw keno, Pa no ithi ani,” eno “khunono Ampeu je pini keno, panongu kümtsü alhoksa lono putosüve lo.”

2 Tim. 3:15

nono iti küxü lono kishi Kuchoyesü ithiche keno, tino Khristo Jisü lau aküpülü akeu vecheo xakulupu küdau o sawu kepu lokütsü tsünani.

Titus 2:11

Kughengu Alhouw küpükini ye timi kümtsü xakulupu ghenguno ipeghivae,

IBRIMI 2:3

xakulupu kije hikithipu kughuchove aye, kishino ningu ye poluni kea? Ampeu no atüghüshi hi sheshue, eno tithiu khunoqo no chilu keno panongu no ni vilo mtsüqhei shitsüe.

James 1:18

Pa pulou lono kuchou tsa vecheo Pa no ningu lhosüe, tishianguno Paw pulhoküsüqo gholo ningu pelo amsüu xathi shipeniye ke.

James 1:21

Tighenguno aphikümqhüpu eno küsakügha kümtsü peve no ivünhei shi xusü püakeu tsa khikhi nongu ngulho xalu nani keno, ti ikhilulo.

1 Peter 2:10

Ghuthu lakhi lo nongu ye Alhouw timi kumono ae, ikemu itehi nongu ye Alhouw timi shivae; ghuthu lakhi lo nongu ye kimiyekini ithumla no ache, ikemu itehi nongu ye kimiyekini ithuluvae.

Piyeküsü 7:2

Tileno kungumi kütami lakhi no aküxüpu Lhouw michida pesü khetsünhe kipelau no ipe cheghi keu I no ithulu, eno kungumi bidi khunoqo pelo ayeghi eno azüghi ghime penike aküka tsüpüa keno, panoqo vilo pa no asütsa kuloghi lono