BOTHUBO 6:6 - Sumi Naga CL (Re-edited) Bible (BSI)

⁶ Ampeu ye Pa no ayeghi lo timi lhopheke ghenguno kümsü chileve, eno tino Pa mlo ghimeve.

BAIBEL (BSI)

⁶ Kushiniye ayeghilo timi lhosu kela ipi AMPEU ye pa mlo kighishi shiauve eno tino pamlo putakihi auve.

BOTHUBO 6:6 ပူးပေါင်းရင်းမြစ်များ

BOTHUBO 6:7

Ikehu Pa no pi, “I no timi khikhi lhophe keno, timi eno lhoxü, itikiche eno atsütsü lo aghau kümtsü ayeghi lono pühaveni, I no panoqo lhopheke ghenguno Ni ye amlosavae.”

SAMUEL AKINIU 24:16

Kughou kungumi no Jerusalem küdau pa u süqhepe ti kütsave niye shikeno, Ampeu no küsakusho lono süchileve no timi kütsakungo akeu kungumi vilo pi, “Kughomae; o u süchile luvelo.” Ampeuw kungumi huye Jebusimi Araunah niqa lo ake.

YEKIKITHI ATUGHIU 21:15

Pa no Jerusalem kütsave penike kungumi hapuwuve, ikemu tishi mphi lono Ampeu no ithuluve no küsakusho süchileve. Pa no kütsakungo akeu kungumi vilo pi, “Tino lumkhavae, itehi ye o u süchilevelo.” Kungumi huye Jebusimi Ornan niqa lo puthugho ae.

LESHELE 106:45

Panoqo ghenguno Pa no Paw puloshoqhi kümsüchilelu, eno Paw iqemokeu kikimiye kupukuno akeu vecheo Pa no aghime tsüni keu lono süchileve.

LESHELE 110:4

Ampeu no tushoqhivae Pa kükümsü kilivemo nani, “No ye Melchizedek kikithi lono alhokupuju achineu ke.”

LESHELE 119:158

I no ayezah pemo kemi aphikümqhüpu shi juke, kughengu panongu ye O zakütsüqo pechemoe.

LESHELE 78:40

Panongu ye yenguyike-a lo ghuthu khije Pa hebide eno asayeli lo Pa mlo ghujuve tsü kela!

LESHELE 81:13

O, Iw timiqo no I tsa initsü keaye, Israel ye I laghi lo checheni cheke!

LESHELE 95:10

Ampe lhobidi kutolo I no pano tiqheli jupe I phimqhü eno pi, “Panongu ye pano mlo lono kauve kemi timiqo, eno panongu ye I laghi ithi move.”

IPEKULU 32:14

Ikehu Ampeu no Paw timi lau amhekiqi süghini pi akeu süchileve.

ISAIAH 48:18

Nongu no I yezah papeke aye lae! Tishike aye, nongu lokughuno no aghoki toi qoighini cheke, eno nongu mikucho no azü fukukucho toini cheke;

ISAIAH 63:10

Ikemu panongu no Pa hebideke, eno Pa Ghungu Kimthe pelo amloküsa shipeke; ikehu Pa no panoqo ghümi lau küqhano Pa ampi no panongu sasü aghüshi ke.

JEREMIYA 18:7

Kugho kughomu shiye momu kükaqha lakhi I no nhüve, xaleqhive eno kütsaveni ke ghenguno kütüghü kelo,

JEREMIYA 26:19

Judah kükau Hezekiah eno timiqo ye pa pithive keshea? Pa ye Ampeu sümsa eno Ampeu pulou qhüiniju ke, Ampeu ye amhekiqi panongu shou pi püakeu süchileve ke kumo? Ikemu ninguu ye ni shou ahaküsapu kije süghini cheni.”

EZEKEL 33:11

Panoqo vilo pilo, I no xüake toi, Ampeu Alhou no asheshu, Ni ye kixikilami kithi lo aloqi chemoe, ikemu pa pelo pa laghi lono tsüghü luve no xülu penishie; tsüghü ighilo, now kixikila laghi lono tsüghüve lo, kughengu O Israel kibolomi, nongu ye kushiye thiveni kea?

HOSIYA 11:8

Ni ye kishino o pheveni kea, O Ephraim? Ni ye kishino o qhiveni kea, O Israel? Ni ye kishino o pesü Admah toi shitsüni kea? Ni ye kishino Zeboiim toi o peithani kea? I mlo no kilive ani; Iw kikimiye ye lüvüi eno mtshaminhei ke.

JOYIL 2:13

eno nongu phimini kumono nongu mlo süxülo.” Ampeu nongu Lhou lau xaidelo, kughengu Pa ye küpükini eno kimiyekiniu, asheshi no amloide cheni, iqemokeu kikimiye no kupukuno eno amhekiqi süchileve chekeu ke.

JONAH 3:10

Kughou panongu no küsakügha laghi lono xaide ighi akeu Alhou no ithulu keno, Pa no panoqo lau amhekiqi süghini piakeu süchileve, eno Pa ye tipau shimove.

MALAKI 3:6

“Kughengu Ni Ampeu ye kilive chemoe; tighenguno, O Jacob nuliqo, nongu ye pühave mphie.

AKIKIHI 23:19

Alhou ye timi kumo keke Pa ye mikiveni chemo; momu Pa ye timi nu kumo keke Pa kükümsü kilini chemoe. Pa ye piqhive no shimoveni keshea? Momu Pa ye pive no shikupu moveni keshea?

Rommi 11:29

Kughengu Alhou no tsükeu gho ngo Pa no kuluve keu huye ikhichilelu mlae.

Ephesiami 4:30

Alhou Ghungu Kimthe no qhüchilekulu tsala ghenguno nongu shou amchipu chishidave akehu nongu ye Pa shikulosü kevilo.

ZAKINIU 32:29

Panongu no alokütsü aghike aye hi vethaluni cheke; panongu ye ashekha vehu kimchi luni cheke!

ZAKINIU 32:36

Ampeu no Paw timi lolo aküka kühave keu, eno aqüaxemi na ililai kemi namu kühave keu ithulu kelono Paw timiqo xaphelu nani eno Pa qemiqo kimiyeqhiyi nani.

ZAKINIU 5:29

O panongu no I sümsa eno I zakütsü papeni ke pülhapuju hitoi keu mlo aghike aye, panongu eno pano kughukomi ghenguno akivipu shiniche!

IBRIMI 3:10

Ikehu Ni ye tipa tiqhelimi ju I ghaideve no pike, ‘Panongu mlo ye alhokuthu akumou lalo wuve no I laghi ye ithi move cheni.’

IBRIMI 3:17

Eno khunoqo no ampe lhobidi kutolo Alhou xukutho kea? Panoqo ye axine shive püzü pano phimpiu ghi asayeqha lono ikiqi thive keqoke kumo keshea?

James 1:17

Agho kivi eno kupukülai keu gho kümtsü kungulo küvü Papu launo iqighi cheni, Pa gholo aküvü ye kilive momu yekhüve chemoe.

SAMUEL ATUGHIU 15:11

“I no Saul pesü akükau shiveke I mlo kili ani, kughengu pa ye I papemo no tsüghüvae eno I zakütsüqo shimovae.” Samuel ye amloideve no puthotsü Ampeu qhüiniju.

SAMUEL ATUGHIU 15:29

Itaghi Israel Juküvü ye mikimo momu amlo kilimo nani, kughengu Pa ye timi kumo kehu amlo kilimo nani.”

SAMUEL ATUGHIU 15:35

Samuel ye pa kithi tsala kutolo Saul sasü kusho move, ikemu pa ye Saul ghenguno amlo ijuve. Ampeu no Saul pesü Israel kükau shiveke ghenguno amlo save.