BOTHUBO 46:34 - Sumi Naga CL (Re-edited) Bible (BSI)

³⁴ nongu ye ishi pilo, ‘Ningu eno ningu papu, o qemiqo ye ni lhothe lono ishi kutolo atsü-aqu pighi achenie,’ tishi pikeu vecheo nongu ye Goshen yeghi lo küghüna lunani, kughengu Egyptmi ghenguno ambekhemi ye aphikümqhüpu ke.”

BAIBEL (BSI)

³⁴ nonguye ishi khochile lo, ‘Akijeu ningu oqemiqoye nipuasuqo toi itilono bheri ngo amshi heju chekemiqoe.’ Tishianguno nonguye Goshen ghakhulo kughunalu kepushi nani.” Pano hi pikeuye kutau kumono Ijipmi ye bheri ngo amshi hejuchekemi ju apumuqhu keu acheke.

BOTHUBO 46:34 ပူးပေါင်းရင်းမြစ်များ

BOTHUBO 13:7

eno Abram tsü-aqu khemi ngo Lot tsü-aqu khemi dolo mtomshu keu auve. Tipa ghuloki lo Canaanmi ngo Perizimi ye ayeghi tipau lo küghüna ache.

BOTHUBO 13:8

Tileno Abram no Lot vilo pi, “Nikujo dolo eno o tsü-aqu khemi ngo I tsü-aqu khemi dolo mtomshu ape kevilo, kughengu ningu ye abolomi ke.

BOTHUBO 26:20

Gerar lo amishi khemi no Isaac mishi khemi sasü mtouve no pi, “Azü ye niw ke.” Ikehu pa no azükikhe je pesü Esek kuvetsü, kughengu panongu no pa sasü kishi ke.

BOTHUBO 30:35

Ikemu tipa tsalani Laban no anetsü yetamüghüi eno doghü-doghü keqo küta shive, eno anequ asüphakive, doghü-doghü keu, metsüghoi keqo ngo ambe tsübui keqo kütashi hasawo pa nuli pelo jukütsü peniye qhive.

BOTHUBO 34:5

Jacob no pa nga Dinah ye Shechem no shikitiqevae pi chiluve. Ikemu pa nuliqo ye aluza lo atsü-aqu gholo akehu panongu no ighi moke kutolo Jacob ye inaqhoi ae.

BOTHUBO 37:12

Pa mu noqo ye Shechem phivilo panoqo papu mbeloji achu kümza niye wuve.

BOTHUBO 37:2

Hipaqo no Jacob tikughuko. Joseph ye ampe chighitsüni shiuve ke pa ye pa mu noqo gholono ambeloji kheae. Pa ye itimi lakhi shi pa pu nipuqo Bilhah ngo Zilpah nuliqo gholo ae. Eno Joseph no panongu papu vilo pano ghili küsa pive tsüche.

BOTHUBO 43:32

Panongu no Joseph kütashi kutotsü, eno pa thiküzümi ghenguno kütau lo kutotsü eno Egyptmi pa gholo chuche keqo kütashi kütau lo kutotsüe, kughengu Egyptmi ye Hebrewmi gholo chusho chemoe, kughengu ti ye Egyptmi ghenguno aphikümqhüpu ke.

BOTHUBO 45:10

Nongu ye Goshen yeghi lo küghünani, eno nongu ye I phivilo ngoni, nongu eno no tianuli ngo no tilimi, nongu mbeloji, atsü-aqu eno nongu no pighi akeqo kümtsü saghilo.

BOTHUBO 45:18

eno nongu papu ngo nongu kibolomi saluve no I lau ighilo, I no Egypt yeghi akiviu nongu tsüni, eno nongu ye ayeghi ghüma kivi lono pekighi chulu nani.’

BOTHUBO 46:32

Panongu ye ambekhemi ke, kughengu panongu ye atsü-aqu kipighimi, eno pano tsü-aqu eno lhoxü jeli ngo panongu no pighi akeqo kümtsü saghivae.’

BOTHUBO 47:11

Tithiu Pharaoh no azah tsüke toi, Joseph no Egypt yeghi lo, ayeghi akiviu, Rameses yeghi pesü amheghi shi pa pu eno pa thiküzümi tsüe.

BOTHUBO 47:3

Pharaoh no pa thiküzümi vilo pi, “Nongu luche ye kiu kea?” Panongu no Pharaoh vilo pi, “Ni puasüqo toi o qemiqo ye ambekhemi ke.”

BOTHUBO 47:4

Panongu no Pharaoh vilo pi, “Ningu ye ayeghi hipau lo kachena shi ighi ani, kughengu o qemiqo tsü-aqu ye atsüni mzachu kepu kühavae, kughengu Canaan yeghi lo shishe püqümiye anie. Ikehu itehi, kimiyeno o qemiqo pelo Goshen yeghi lo küghünalu pelo.”

BOTHUBO 47:6

Egypt yeghi ye o zülo ani. O pu eno o thiküzümi pelo ayeghi akiviu lo ngove pelo. Panoqo pelo Goshen yeghi lo ngove pelo, eno tsala panoqo dolo shitsami aghi aye, I tsü-aqu jukuto kepushi panoqo süsülo.”

IPEKULU 8:22

Ikemu tipa tsalani, I no Goshen yeghi, khile Iw timi küghüna ani keno, tipa-a ye pakütashi qhive nani, tishianguno amiyi loji ye tilau ighimo nani, ti ye nongu pelo ayeghi kümtsü shou Ampeu ye Ni kepi ithi peniye ke.

IPEKULU 8:26

Ikemu Moses no pi, “Titoi shini keu ye achipikumo nanie, kughengu ningu no aghakishi Ampeu ni Lhou tsüniye akeu ye Egyptmi zülo aphikümqhüpu ke. Tsala nino Egyptmi nhethe lono aphikümqhüpu kümllagho pesü aghashi aye, panongu ye atu pesü ningu veqhi moni keshea?