BOTHUBO 46:32 - Sumi Naga CL (Re-edited) Bible (BSI)

³² Panongu ye ambekhemi ke, kughengu panongu ye atsü-aqu kipighimi, eno pano tsü-aqu eno lhoxü jeli ngo panongu no pighi akeqo kümtsü saghivae.’

BAIBEL (BSI)

³² Timi hipaqoye bheri ngo amshi kipighimi eno panonguye panonguw atsuaqu loji saghi anie eno panonguno pighiche keu kumtsu saghi anie.’

BOTHUBO 46:32 ပူးပေါင်းရင်းမြစ်များ

BOTHUBO 31:18

Pa no pa tsü-aqu, amheghi pa no ala shilu keqo, atsü-aqu pa no Paddan-aram lo pighi phelu keqo kümtsü hasasü Canaan yeghi lo papu Isaac lau wuveni ye kutove.

BOTHUBO 37:2

Hipaqo no Jacob tikughuko. Joseph ye ampe chighitsüni shiuve ke pa ye pa mu noqo gholono ambeloji kheae. Pa ye itimi lakhi shi pa pu nipuqo Bilhah ngo Zilpah nuliqo gholo ae. Eno Joseph no panongu papu vilo pano ghili küsa pive tsüche.

BOTHUBO 4:2

Eno itaghi, li no pa thiküzüu Abel punu. Abel ye ambekheu shi ache, eno Cain ye aluchemi shi ache.

BOTHUBO 45:10

Nongu ye Goshen yeghi lo küghünani, eno nongu ye I phivilo ngoni, nongu eno no tianuli ngo no tilimi, nongu mbeloji, atsü-aqu eno nongu no pighi akeqo kümtsü saghilo.

BOTHUBO 46:31

Joseph no pa mu noqo eno pa pu kibolomi vilo pi, “I no iqho no Pharaoh vilo pini, ‘I thiküzümi eno I pu kibolomi, khunoqo Canaan yeghi lo akeno, panongu ye I lau ighivae.

BOTHUBO 46:33

Kughou Pharaoh no nongu kuno, ‘Nongu ye kiu kümla shiche kemi kea?’ ipi aye,

BOTHUBO 46:34

nongu ye ishi pilo, ‘Ningu eno ningu papu, o qemiqo ye ni lhothe lono ishi kutolo atsü-aqu pighi achenie,’ tishi pikeu vecheo nongu ye Goshen yeghi lo küghüna lunani, kughengu Egyptmi ghenguno ambekhemi ye aphikümqhüpu ke.”

BOTHUBO 47:3

Pharaoh no pa thiküzümi vilo pi, “Nongu luche ye kiu kea?” Panongu no Pharaoh vilo pi, “Ni puasüqo toi o qemiqo ye ambekhemi ke.”

BOTHUBO 9:20

Noah ye alu kichimi shive, eno pa no atsailu chie.

KUKAMI ATUGHIU 9:27

Hiram no zükilu lono pa qemi ngo azüghi ghili akivishi ithi no izüche kemi gholo Solomon qemi ishi puwu,

IPEKULU 3:1

Moses ye Midian lo achineu pa ngu Jethro mbeloji khekuto ae, eno pa no yenguyike-a kulolau ambeloji sasü wuno Alhouw naghuto Horeb lo ighi.

ISAIAH 40:11

Pa no ambekheu toi aloji tucho nani; Pa u lono ambetiqo khape nani; Pa mla lo khadape xapu nani, agholau no ati pazaqo saphe nani.

ZEKHARIA 13:5

ikemu pa no pi nani, ‘Ni ye tungkupu kumono alukichimie, kughengu timi lakhi no I lhothe ghuloki lono I jepuwuve ke.’

SAMUEL ATUGHIU 16:11

Tile Samuel no Jesse vilo pi, “O nuli kümtsü hile anima?” Eno pa no pi, “Anipau aphi, ikemu pa ye ambe khe ani.” Samuel no Jesse vilo pi, “Pa kupuwu no saghilo, kughengu pa no hile ighi moke kutolo ningu ye iqamo no aghini.”

SAMUEL ATUGHIU 17:15

ikehu David ye Bethlehem lo pa pu mbeqo lojini ye Saul launo wuveju ighiju ache.