BOTHUBO 37:29 - Sumi Naga CL (Re-edited) Bible (BSI)

²⁹ Kughou Reuben no aqokutho lo ideighi no Joseph kühave aghi keu ithi keno, pa no pa kuuphi süxüve,

BAIBEL (BSI)

²⁹ Kughou Ruben no aqoh lo ideghiju keno Josef ye tile aghimove kehu pamlo ghime launo pa phimini suxue.

BOTHUBO 37:29 ပူးပေါင်းရင်းမြစ်များ

BOTHUBO 34:13

Jacob nuliqo no amqüshi Shechem ngo pa pu Hamor pama khochile, kughengu pa no panoqo chepu Dinah shipüthave ke.

BOTHUBO 37:34

Tileno Jacob no pa kuuphi süxüve no yeqhiyephi pa chita lo khapuve eno pa nu ghenguno atsala kutomo mloqae.

BOTHUBO 44:13

Tileno panongu no pano phiküzü süxüve, eno kümtsü no apulukho khurha xapipeve no mishighüna lo ideighive.

SAMUEL AKINIU 1:11

Tithiu David no pa phimini tsüqü luve no süxüve, eno pa gholo timi akeqo kümtsü no tihutoi shie.

SAMUEL AKINIU 13:19

Tamar no li kütsü lo ayevu epuku no chijeboike phi kushuo pepu akeu süxüve. Eno li no au pesü akütsü nhave no igha qasü wuve.

KUKAMI AKINIU 11:14

Li no jukelo akükau ye akhuaye kiqi lono atsükucho phivilo puthugho aghi, eno keptenqo, afuko küighami ngo timi kümtsü no alokivi shi igha no afuko igha aghi. Athaliah no li phi süxüve no ighamku, “Pishikiqhi! Pishikiqhi!”

KUKAMI AKINIU 19:1

Akükau Hezekiah no ti chilu kemtsa pa mlo ghime lono pa phi süxüve eno yeqhiyephi pepusü Ampeu chineki lo ilove.

KUKAMI AKINIU 5:7

Israel kükau no yesü philu kelo pa phi süxüve no pi, “Ni ye Alhou keo, pithive eno püxülu nani kesheno kushiye timi hipau ye apüghau shipivi tsülopi I lau atsa pi puwu ani kea? Hi kümsüju lo, pa ye I sasü kumgho niye amqü shi ani.”

JOB 1:20

Ikelo Job no puthughove no pa phiküzü süxüve, eno pa kütsü miyeve no sükümsa shi ayeghi lo iqi pishiqhove.

JEREMIYA 36:24

Ikeghi akükau na paw kijemi atsa chilu kemi namu khunomu msamoe, momu pano phimini süxümoe.

JOYIL 2:13

eno nongu phimini kumono nongu mlo süxülo.” Ampeu nongu Lhou lau xaidelo, kughengu Pa ye küpükini eno kimiyekiniu, asheshi no amloide cheni, iqemokeu kikimiye no kupukuno eno amhekiqi süchileve chekeu ke.

AKIKIHI 14:6

Eno ayeghi pujuwu kemi gholo Nun nu Joshua ngo Jephunneh nu Caleb pama no pama phimini süxüve

Apostolmi 14:14

Ikemu kughou apostolmi Barnabas ngo Paul pama no ti chilu keno, pama no aphimini süxü ghi posü aqokitikhi gholo ilo no ighamku,

XAKUTHAMI 11:35

Pa no li ithulu kemtsa pa phi süxüve no pi, “Oishe, I nga! Nono I mlo hephove tsüae, nono I mlo ghimepu shive tsüae. Kughengu ni ye Ampeu lau I kichi xükhovae, eno Iw tushokiqhi ikhichile lumoae.”