BOTHUBO 31:12 - Sumi Naga CL (Re-edited) Bible (BSI)

¹² Pa no pi, ‘O nhethi tsüpukupe julo, anetsü ipa akeu neqo ye kümtsü yetamüghüi, asüphakive eno aye vepu keqoe, kughengu Laban no o lau shi akeu kümtsü I no ithuluvae.

BAIBEL (BSI)

¹² Tile pano pi, Pishipuwo julo, bheritsu ipa akeqo kumtsu asuphakive ngo yetamughui eno aye vepu keqoe, kughengu Laban no olau kiu shi anikela kumtsu ino ithuluvae.

BOTHUBO 31:12 ပူးပေါင်းရင်းမြစ်များ

BOTHUBO 31:10

Atsüaqu kiveke ghuloki lo I no I nhethi tsüpuku no asamou no ithulu ke ane khipaqo no küghüpa keno tipaqo ye yetamüghüi, asüphakive eno aye vepu keqo ke.

BOTHUBO 31:42

Tsala I pu Lhou, Abraham Lhou eno Isaac no Sümsa chekeu huno I küdau aghimo aye, mtsüqheino no ye au kümsa I puwuve aghini cheke. Alhou no I ghime eno I u lo kümla ithulu tsü püzü iji o lomipi ke.”

LESHELE 10:14

Ikemu No ye ithulu ani, aveküsa eno aghime Nono kihi ani, tishikeu lono Nono O u lono ikhilu niye ke; akukuphu küha kemi no O lau pa ampi kulhuqhi tsü; Nono mighimi kukuphuu shi ighivae.

LESHELE 12:5

“Kumlhomi pükaqhi, aveküsami no aghuju shi kehu, Ni ye itehi ithughi niae,” ipi Ampeu no pi; “Pa no khile sükusho laju cheni keno I no tile pa sawo qhini.”

LESHELE 139:3

Nono I laghi eno I no ikiqi ihozü keu phuju cheni eno I laghi kümtsü ithi ani.

IPEKULU 3:7

Tileno Ampeu no pi, “I no mtsüqheino Iw timi khunoqo Egypt lo ani keno, pano ghime ithuluvae eno hekiqhimi ghenguno panongu no ighamku akeu chiluvae. I no panow shiluküsaqo ithivae,

IPEKULU 3:9

Ikehu itehi julo, Israelmi ghügha I lau ighivae, eno aghime khipau pesü Egyptmi no panoqo qaqhi ani keno tighi I no ithuluvae.

YETSAPIU 5:8

Yepeka no kumlhomi nedaqoda eno kuchou xakütha ngo achipiu hexave keu nono ithulu kelo akümza kevilo, kughengu kijemi tipau ye pa nguno akijeu no pa juani, eno panongu shou itaghi akijeu aphike.

ACHINE 19:13

“No ye o kisüghüu nedaqoda momu pükaqhi kevilo. Nono piqe akemi jume kijili lakhi ghenguno pinamu süchileve kevilo.

Apostolmi 7:34

Iw timi Egypt lo akeqo ghime I no mtsüqheino ithuluvae, eno panongu no igha kukuno akeu chiluvae. Ni ye panongu xaphe nike iqighivae. Itehi ighilo, I no Egypt lo o puwuni.’

Ephesiami 6:9

Ampemiqo, nongu ghi aqü-axemi peitha pivilo, eno panoqo kichi kümsa kevilo. Kughengu nongu Mpeu kungugha lo akeu no pano Mpeu ghi kepi ithilo, eno Pa gholo ye agikuju kühae.

ZAKINIU 24:15

Khetsünhe ilomphi lono tipa tsalani jume pa tsüveni (kughengu pa ye kumlhomi ke eno ti pükhüpe acheni), tikumo aye pa no Ampeu lau nongu ghenguno ighamku kelo nonguu no akipimi shive nani.