BOTHUBO 12:3 - Sumi Naga CL (Re-edited) Bible (BSI)

³ Khunono o kümgha tsüni keno I no kümgha tsüni, khuu no o thaighani keno I no ghushoni, eno o launo ayeghi lo akibolomi kümtsü mügha peni.”

BAIBEL (BSI)

³ Okumghatsu kemiqo ino kumghatsuni. Ikemu oghusho kemiye ino ghushoni. Ovechewo ayeghilo shiyeh kumtsu kumghalupe nani.”

BOTHUBO 12:3 ပူးပေါင်းရင်းမြစ်များ

BOTHUBO 18:18

Abraham ye mtsüqheino kije eno akughushu shiye shi nani, eno ayeghi lo shiye kümtsü pa vecheo müghalu nani.

BOTHUBO 18:19

Kughengu I no pa kisheluvae, pa no pa nuliqo azah tsü no achipiu mikucho eno kuchou xakütha shikeu vecheo Ampeu laghi lo cheche peniye eno tishikeu lono Ampeu no kiu Abraham vilo piqhi püani keno tipau pa lau süghilu peniye ke.”

BOTHUBO 22:18

o tikughuko vecheo ayeghi lo shiye kümtsü no müghalu nani, kughengu nono I gholuke.”

BOTHUBO 24:35

Ampeu no shishe I mpeu kümghatsü, eno pa ye kije shivae. Atsü-aqu, ghükayi ngo ameshoyi, aqemi kiptimi ngo totimi, sayeshi ngo khurhaqo ishi Ampeu no pa tsüe.

BOTHUBO 25:11

Abraham no thive kethiu Alhou no pa nu Isaac kümghatsüe. Eno Isaac ye Beer-lahai-roi lo xüsüve.

BOTHUBO 26:29

ti ye nino o bumo eno akivi likhi kumo aye o lau kiumu shimo no aloinoqhiyi o puwuve ketoi no ghi ni lau alhoksa shimoni. Itehi Ampeu no o kümghave tsüae.”

BOTHUBO 26:4

I no o tikughuko atsütsü lo ayepuqo toi kighishe tsü nani eno o tikughuko lau ayeghi hipaqo kümtsü tsü nani. Eno o tikughuko vecheo ayeghiqha lo shiye kümtsü kümghatsü nani,

BOTHUBO 27:29

Ashiayeqo no o qe peni eno shiyeqo no o zülo itsaqi peni. O thiküzümi shou ampeu shilulo, eno o za nuliqo pelo o zülo pishiqho peni. Khukhumu o müsüini keu ye müsüinive peniu, khukhumu o kümgha tsükeu ye müghalu peniu!”

BOTHUBO 28:14

O tikughuko no ayeghi lo ayeghimkhu jehi nani, eno no ye aghacheu kulolau ngo kipelau, eno ahuu ngo apeu qhawo nani, no eno o tikughuko vecheo ayeghi lo akibolomi kümtsü müghalu nani.

BOTHUBO 30:27

Ikemu Laban no pa vilo pi, “Tsala nono I küpüqhiyi ithulu aghi aye, I no saqhisali lono ithivae, ti ye o ghenguno Ampeu no I kümghave tsüae.

BOTHUBO 30:30

Kughengu I no ighi moke züu no ye aghulo likhi ae, ikemu tipau ye kupukuno shi ikowovae, eno I no khilau tsüghüwo keno Ampeu no o kümgha tsüe. Ikemu itehi ye I kibo ghenguno ni ghi kughono kutoni kea?”

BOTHUBO 39:5

Pa no pa pelo pa kibo eno pa no pighi akeu kümtsü shou jukükütsüu shivepe ke ghuloki lono, Ampeu no Joseph ghenguno Egyptmi kibo hu kümghatsü; Ampeuw kükümgha ye aki lo, aluza lo, eno pa no mla keu kümtsü lo ae.

LESHELE 72:17

Alholo pa je ye kümsümave mono ache pelo, atsütsü lo khetsünhe ake kutolo pa jekipi apelo! Pa vecheo timiqo no müghalu pelo, shiye kümtsü no kükümghau ipi pa ku pelo!

IPEKULU 23:22

“Ikemu nongu no kutokupui pa tsa ini aye eno I no pikeu kümtsü shi aye, I no nongu ghümiw aghümi shi nani, eno nongu mjochile chekemi mjochile nani.

AKIKIHI 24:9

Panongu no abongshuu toi ipu itsaqi ngo nani khuu no küdaputhu nani kea? Khunono o kümgha tsüni keno akümghapue, eno khunono o müsüinini keno angusüpue.”

MATTHEW 25:40

Akükau no panoqo khochile nani, ‘Kuchou no I no nongu vilo piani, nongu no I thiküzü chelimi hipaqo gholo akitilau lau kiu shi keno, nongu ye I lau shive tsüae.’

MATTHEW 25:45

Tileno panoqo vilo pa no pi nani, ‘Kuchou no I no nongu vilo piani, nongu no hipaqo gholo akitilau lau kiu shimove keno, nongu ye I lau shitsü movae.’

Luke 24:27

Pa no Kuchoyesü lo Khristo vehu kümtsü aboake shi Moses kaku lono huthusü Tungkupmi no yekeqo kutolo pama lau hepho piye.

Rommi 4:11

Pa ye ghamphi lonomu aküpülü vecheo achipiu shi xüche kehu ti mekha keu shi aphighüyiko kügha michipu ithulue. Ti ye khunono aphighüyiko ghamo namu pülüni keno Abraham pelo panoqo papu shipeni keu kimji lono ke, tishikeu lono panoqo ghi achipikaluve kemie pi kihi tsüniye ke;

1 Kor. 1:30

Pa ghenguno nongu ye Jisü Khristo lau kimepe ani, ni ghenguno Khristo ye Alhou launo ighikeu lokütsü, amikucho, shikimthekütsü, eno xachilekulu ke.

Galatiami 3:16

Pikiqhitsa ye Abraham ngo pa tikughuko lau shike. Ti ye kutomo lau pipuku ghi, “Eno atikughukoqo lau” ipimoe, ikemu milakhi, ti ye Khristo, lau pipuku ghi, “Eno o tikughuko lau” ipike.

Galatiami 3:28

Ikehu Jewmi ngo Greekmi dolo, aqemi ngo ililai kemi dolo, kiptimi ngo totimi dolo kütüqü keu kühae, kughengu nongu kümtsü Khristo Jisü gholo lakhi shivae.

Galatiami 3:8

Kuchoyesü no azünatha ghi Alhou no Jewkumomi pelo aküpülü vecheo achipikalu penani pi ithi akehu azüu no Abraham lau atsakiviu pikülha no pi, “O vecheo shiye kümtsü kümghatsü nani.”

Ephesiami 1:3

Ni Mpeu Jisü Khristo papu Alhou, khuu no kungugha kiqhe-a lono aghungu lo kükümgha kümtsü pesü Khristo küdau no ningu kümghatsü keno, sheqhe küzüe,

Kolosiami 3:11

Hipau loye Greekmi eno Jewmi, aphighüyiko ghave kemi eno ghamo kemi, ayekümthami, tüghashi toi xükemi, aqemi eno ililai kemi kühae; ikemu Khristo no thokha ke, eno kümtsü lo ani.

Piyeküsü 7:9

Hipa thiu I no jupuwo kelo khunomu kihikhamla kepushi aqokitikhi kije, shiye lakhikhi, ashiaye jeli, timi eno atsa jeli, kümtsü no aphi kimiye pepusü au lo amsabo loka pe püzü kükalakhü eno Ambeti zülo puthugho aghi,