Apostolmi 3:16 - Sumi Naga CL (Re-edited) Bible (BSI)

¹⁶ Eno pa je pülülu keu vecheo timi hi, khuu nongu no ithulu eno ithi ani keno, akumto tsüe, eno Jisü vecheo aküpülü huno nongu kümtsü zülono timi hipau phimpi shipivivae.

BAIBEL (BSI)

¹⁶ Pa je kuka huno apukhukinitavekemi hipau akumto tsue. Nonguno ithulu eno ithiveake hi shiluakeu huye pa jelo pulubekeu lonoke, eno Jisu vechewo akupulu akeuno nongu kumtsu zulo timi hipau thai shipivivae.”

Sümi Tiqhelimi Bible

¹⁶ Jisü je lo pülübe keu lono timi khuu nongu no ithulu eno ithi ani keno pa ye mutotoivae. Hiye Jisü je lono eno pa lau aküpülü akeu vechewo nongu no ithulu ake toi timi hipau ye kupukülai shipivivae.

Apostolmi 3:16 ပူးပေါင်းရင်းမြစ်များ

MATTHEW 14:29

Jisü no, “Ighilo” ipi. Ikehu Peter no ashuka lono ipe püzü azü shou no alachesü Jisü lau ighi.

MATTHEW 9:22

Jisü no tsüghü ighi no li ithulu kelo ishi pi, “O ghüthi püxülu lo anga, o küpülü no o shipivivae.” Eno tipa mtsa totimi huye viluve.

John 14:12

“Kuchou no I no nongu vilo piani, khunono I pülüni keno pa ye I no mlakeu kümlaqo shinani; eno ni ye Apu lau wuchea kehu pa no hinguno akijeu mla nani.

John 7:23

Moses Yezah hebide moniye Sabbath lono anu phighü yiko gha cheni aye, kushiye Sabbath lono I no timi shipivike ghenguno nongu ye I shou amloide ani kea?

Apostolmi 14:9

Pa no Paul no pikeu tsa inia. Paul no tsaqüi pa jukelo, pa ye shipivi luve kepu küpülü akeu ithulu kehu,

Apostolmi 16:18

Li no atsala kutomo hitoi shiae. Paul no azüzüve no tsüghüwo aghawu vilo pi, “Jisü Khristo je lono I no azah o tsü anike no ye li launo ipeghive lo.” Tipa mtsa aghawu no ipeghive.

Apostolmi 3:6

Ikemu Peter no pi, “Nikujo ye ghükayi na ameshoyi namu kühae, ikemu I no kiu ani keno o tsüni. Nazarethmi Jisü Khristo je lono ithu no alache lo!”

Apostolmi 3:8

Pa no ilhethu puthughove no alache thuve, eno ilhe iku-iqi alachesü Ampeu sheqhe ghi pama sasü achineki lo ilove.

Apostolmi 4:10

Nazarethmi Jisü Khristo, khuu nongu no yedave kemu Alhou no akithi lono xüputhuve keno, pa je vecheo timi hipau ye vithai nongu zülo puthugho ani kepi nongu eno Israelmi kümtsü no ithilo.

Apostolmi 4:30

O u chhope shipivi tsülo, eno O qeu akimtheu Jisü je vecheo amchipu eno akümzapu shitsü lo.”

Apostolmi 4:7

Pama sawo panongu mta lo qhino panongu no ighiju, “Nokujo ye kiu küka momu khuu je lono hi shi kea?”

Rommi 3:22

Jisü Khristo lau aküpülü akeu vecheo pülülu kemi kümtsü Alhou lau achipikalu peniye ke. Ikehu tile kiyeqü keu kühae:

1 Kor. 13:2

I no tungkuptsa pikulupu küka aghi no tuqhou küsü püakeu ngo akighithi jeli kümtsü vethalu, eno naghutoqo tukiqhelu kepu küpülü aghi namu kikimiye küha aye, ni ye kiumu kumoe.

ZAKINIU 32:4

“Pa ye Atuqu, Pa kümla ye kupukülai, Pa kümla kümtsü achipiu ke. Pükhübekulu eno akipimi kühakeu Lhou ke, achipiu eno amikucho ye Pa ke.