Apostolmi 21:20 - Sumi Naga CL (Re-edited) Bible (BSI)

²⁰ Kughou panongu no hi chilu keno, Alhou sheqhe, eno pa vilo pi, “Athiküzüu, nono ithi anino Jewmi gholo pülüluve kemi qhethonhe kutomo ani. Panongu ye ighono müamzü ayezah pecheni.

BAIBEL (BSI)

²⁰ Timiqono hi chilu puzu panongu kumtsuno Alhou sheqhe. Tishieno panonguno Paul vilo pi, “Athikuzuu, nono hi ithilo, Judamiqo gholono pululuvekemi qhethonhe kumzapu ani eno Ayezahlo azukini ihulokeu akhanie.

Sümi Tiqhelimi Bible

²⁰ Kughou hi chilu keno panongu no Alhou sheqhe. Tisheno panongu no Paul vilo pi, “Athiküzüu, no ghí julo, Jewmi qhethonhe khijehi no pülüluvea kea, eno panongu kümtsü ayeza ghenguno minemighei kemi likhie.

Apostolmi 21:20 ပူးပေါင်းရင်းမြစ်များ

LESHELE 22:23

Nongu Ampeu sümsa chekemi, Pa sheqhelo! Nongu Jacob kughukomi kümtsü Pa jepipi tsülo, nongu Israel kughukomi kümtsü Pa sükümsa shi puthugho lo!

LESHELE 22:27

Ashiaye kümtsü no kümsülu eno Ampeu lau xaidelo, shiye jeli kümtsü no O zülono O mlla nani.

MATTHEW 9:8

Kughou aqokitikhi no ti ithulu keno, panongu ye ighüve, eno Alhou khuu no hitoike kükagha pesü timiqo tsü keno, panongu no Pa jepipi tsüe.

Luke 12:1

Tishi akelo, kughou timi qhethonhe piqi kumqove keu lono khami no khami nedauve keno, Jisü no atüghüshi pa khopemi vilo pi, “Phariseemiw kholaqhi, ti ye keghilishi keu, jukuto lo.

Luke 15:32

O thiküzüu hipau ye thive kemu xüluvae; pa ye pühave no phuluvae, tighenguno aghulhu shi alovi akeu ye achipie.’”

John 12:24

Kuchou no I no nongu vilo piani, athi no ayeghi lo ikiqi ilo no thivemo keloye tilikhi acheni; ikemu tino thive aye athi kutomo pithi cheni.

Apostolmi 11:18

Panongu no hi chilu kelo inaqhoive, eno Alhou sheqhe ghi pi, “Tishiaye Alhou no Jewkumomi lau ghi aküxüpu lo wulu kepu xaidekulu tsüvae.”

Apostolmi 15:1

Ikemu Judea lono timi khami Antioch lo ighi no ishi athiküzümi kütsü, “Moses khuaye kiqi lono nongu no aphighüyiko ghamo aye, nongu ye xamlae.”

Apostolmi 15:24

Ningu gholo khami no nino azah tsümo keghi wuno atsa hami pesü nongu pünaqhi eno kütakihi anie pi nino chilue.

Apostolmi 15:5

Ikemu Phariseemi mqo gholo pülüve kemi khami no puthugho no pi, “Panongu ye aphighüyiko ghavetsü masae eno Moses yezah pape pemasae.”

Apostolmi 2:41

Ikehu khunoqo pa tsa ikhilu keno tipaqo baptiz shivetsü, eno tipani timi 3,000 kutolo panongu gholo kihisü luve.

Apostolmi 22:3

“Ni ye Jewmi, Cilicia lo Tarsus lono punu, ikemu mishighüna hipau lono saputhu, eno Gamaliel pukhuphi lono ni puasü Yezah kiqi lono akighithi ithulue. Ishi nongu kümtsü toi ni ghi Alhou ghenguno müamzü chekemi.

Apostolmi 4:21

Kiu shive keno ti ithulu pe timi kümtsü no Alhou sheqhe akehu panongu ye pama ghimelu kepu la kühave no alau kichive püzü phepuwuve.

Apostolmi 4:4

Ikemu pama tsa chilu kemi kutomo no pülüve, eno akikihi 5,000 kutolo shive.

Apostolmi 6:7

Alhou tsa alaushi ikowove, Jerusalem lo akhopemi kikihi shishe küghüsüve, eno achinemi kutomo no aküpülü khuaye ikhiluve.

Rommi 10:2

Kughengu I no panongu shepe shilu anike panongu no Alhou lau amlo tsükeu ye thonhei, ikemu ti ye kuchou kighithi kiqi lono kumoe.

Galatiami 1:14

Jewmi chine lo niw timi I qhesho kutomo gholo ni ye azüu shiche, ni puasüqo no pekishe chekeu khuaye lo ighono amlo tsüqhiyi cheke.

Galatiami 1:24

Ikehu panongu no I ghenguno Alhou sheqhe ke.

2 Thes. 1:10

tipa tsalani Ampeu no Paw akimthemi zülo ajekipi eno Pa küpülümi gholo agigihu ithuluni ke ighi kelono tishi nani. Hile nongu ghi süküqha ani, kughengu nongu no ni shepe pülüe.