Apostolmi 2:38 - Sumi Naga CL (Re-edited) Bible (BSI)

³⁸ Peter no panongu vilo pi, “Nongu xine qhivetsü kepushi xaideghi no Jisü Khristo je lono baptiz shilulo, eno nongu no Aghungu Kimthe gho ithulu nani.

BAIBEL (BSI)

³⁸ Pitor no panoqo vilo pi, “Nongu lakhi khino nongu xine lono xaideghiluve puzu Jisu Khristo je lono baptiz shiluvelo, tishianguno nongu xineqo pevetsupe kepushi eno nonguno Alhou wu agho, Aghungu Kimthe ithulu nani.

Sümi Tiqhelimi Bible

³⁸ Peter no khochile, “Nongu kümtsü nongu xinéqo qhivetsü penike ghenguno amlo pebideve no Jisü Khristo je lono baptiz shiluve lo. Eno nongu no Aghungu Kimthe ghò ithulu nani.

Apostolmi 2:38 ပူးပေါင်းရင်းမြစ်များ

ISAIAH 32:15

Ni shou Aghungu lepuku tsümoke kutolo eno asayeqha no aghüma luza ilhouve no aghasü kimihi shimoke kutolo titoi anani.

ISAIAH 59:20

Ampeu no piani, “Xachilekuluu ye Zion lo, Jacob limi khunoqo axine lono ideighive akeno, tipaqo lau ighi nani.”

ISAIAH 59:21

Ampeu no highi piani, “I ghengu ye, panongu sasü Iw puloshoqhi ye hike: I Ghungu khikhi nongu lolo ani keno, eno I kükütsütsa khikhi I no nongu kichi lo süvetsü akeno, tipaqo ye khilemu nongu eno no tianuli ngo atilimi launo wuvemo nani; eno ti ye ishi tsala lono alhokupuju kutolo ke.”

EZEKEL 39:29

Kughou I no Israel kibolomi shou I ghungu lepukuni keno Ni ye panoqo launo khilemu I gi küsüve monani ipi Ampeu Alhou no asheshu.”

ZEKHARIA 12:10

“I no David laghami eno Jerusalem lo küami shou kimiyekini ghungu eno küpükini kighini lepuku tsü nani, tishianguno kughou panongu no I shou jupukuni, pano no qhuqhive keu shou jupukuni keno, panongu no anu lakhi likhi akeu ghenguno mloqa akeshi pa ghenguno mloqa nani, eno anu anoghiu ghenguno kukhukimji shi qa keshi nani.

MATTHEW 28:19

Tighenguno wulo eno shiye kümtsü pesü I khopemi shitsülo, Apu jeku, Anu jeku, eno Aghungu Kimthe jeku panongu baptiz shitsülo,

MATTHEW 3:2

“Xaidelo, kughengu kungugha yekipe ye kupunuvae.”

MATTHEW 3:6

eno panoqo xine piphe kelo pa no Jordan ghoki lono baptiz shitsü che.

MATTHEW 4:17

Hipa ghuloki lono huthusü Jisü no ishi kütsü thuve, “Xaidelo, kughengu kungugha yekipe ye kunupu khoivae.”

Mark 1:15

“Ado ye kupuvae, eno Alhou yekipe ye kupunuvae, xaidelo eno atsakiviu pülü lulo.”

Mark 16:16

Khunono pülü no baptiz shiluni keno xaluve nani, ikemu pülümo keu ye kileqhive nani.

Luke 24:47

eno Jerusalem lono huthusü pa je lono shiye kümtsü lau xaidekulu eno axine qhikütsü pesü sheshu masae.

Luke 3:10

Tile aqokitikhi no pa vilo ighiju, “Imaye ningu ye kiu shini kea?”

Apostolmi 10:43

Pa pülü kemi kümtsü no pa je vecheo axine qhikütsü ithulue pi tungkupmi kümtsü no pa shepe shipüani.”

Apostolmi 10:48

Ampeu Jisü Khristo je lono panoqo baptiz shilu penike pa no azah tsüve. Tishino panongu no pa vilo atsala hami ngo aghilo pi qhüiniju.

Apostolmi 13:38

Tighenguno athiküzümiqo, timi hipau vecheo axine qhikütsü nongu lau sheshu anie pi ithilo,

Apostolmi 16:15

Kughou li no abolomi sasü baptiz shiluve keno, li no ningu kusü no pi, “Nongu no ni ye Ampeu pükhükulupu shivae pi xathalu aghi aye, ighi no I kilo ngolo.” Li no ningu pütsaqhi luve.

Apostolmi 17:30

Mthake ghuloki loye Alhou no jukümghale ighivae, ikemu itehi ye Pa no aqha kuchopu lo timi kümtsü vilo xaide lopi azah tsü ani,

Apostolmi 20:21

Jewmi eno Greekmi vilo ghi Alhou lau xaide ighi no ni Mpeu Jisü Khristo pülü penike thopi shi püani.

Apostolmi 22:16

Imaye no ye kiu khe ani kea? Ithu no Pa je lono baptiz shiluve no o xine qhuvelo.’

Apostolmi 26:18

panongu nhethi xükho tsüno no aküzü lono aküvü lo ipeghilu, eno Satan küka lono Alhou lau tsüghü ighilu, tishino panongu pelo axine qhikütsü ithulu no I lau aküpülü akeu vecheo shikimtheve kemi gholo a-a ithulu peni.’

Apostolmi 26:20

Ikemu Damascus lo paghi sheshu, tishino Jerusalem, Judea cheaxü kümtsü lo, eno Jewkumomi lau ghi Alhou lau xaide, eno tipau kiqi lono akümla lono piye lopi sheshue.

Apostolmi 3:19

Tighenguno xaidelo, eno nongu xine nuxave tsü penike tsüghü ighilo,

Apostolmi 5:31

Alhou no pa pesü Sakipheu eno Xakuluu shi Pa u ajeu süqhepe qhino Israelmi pelo xaidelu no axine qhikütsü ithulu peniye ke.

Apostolmi 8:12

Ikemu kughou Philip no Alhou yekipe tsakiviu eno Jisü Khristo je pesü panongu lau kütsü keno, panongu no pa pülüve, eno kiptimi totimi kümtsü baptiz shive.

Apostolmi 8:20

Ikemu Peter no pi, “Ow ghükayi ye o gholono pühave peniu, kughengu no ye pisa pesü Alhouw kümsagho qhülu nanie pi kümsü anie!

Rommi 6:3

Ningu khunoqo Khristo Jisü gholo baptiz shisü luve akeno ningu kümtsü Pa kithi lo baptiz shisü luvae pi nongu ye mtha keshea?

Ephesiami 1:7

Khristo ji vecheo ningu ye pa lau no xachilekulu eno axine qhikütsü ithulu. Paw küpükini ililai akeu kiqi lono

Titus 3:5

Pa no ningu xalue, ti ye nino amikucho kümla shikeu lono kumoe, ikemu Paw kimiyekini vecheo Aghungu Kimthe no qhukimthe pe punu kithe eno akithe shitsüe,

1 Peter 3:21

Hipau michipu sasü kimghilu ghi pimhe chekeu ye itehi nongu xalu chekeu baptizkishi ke, ti ye aphimpi lono axine qhuqhive keu kumono Jisü Khristow xüchilekulu vecheo Alhou lau kiviküsa lokütsü kivi tsü peniye qhüiniju keu ke.