Apostolmi 15:23 - Sumi Naga CL (Re-edited) Bible (BSI)

²³ Eno yesü ishi yetsü: “Athiküzümi, apostolmi, eno layemi no Jewkumomi küpülümi Antioch, Syria, eno Cilicia lo akemi lau petha tsü ani.

BAIBEL (BSI)

²³ Panonguno tipaqo ulo yesu ishi yetsu puwu: “Ni athikuzumi apostolmi ngo kupulumi kichimiqono nongu Judakumomi athikuzumi khilehi Antiok, Siria eno Kilikia ghakhulo ani keno petha tsu ani.

Sümi Tiqhelimi Bible

²³ Panongu gholo ishi yèpe tsüpuwu: Apostolmi eno kichimi, nongu thiküzümiqo, Antioch, Syria eno Cilicia lo Jewkumomi küpülümi akemiqo lau: Petha tsü ani.

Apostolmi 15:23 ပူးပေါင်းရင်းမြစ်များ

MATTHEW 4:24

Ikehu pa jekipi ye Syria qha kümtsü lo veküpha wove, eno küsükinimi, aküsü jeli xapusü ime akemi, tüghaküsa no ghimeqhi akemi, kiligha kipemi, aphiau kithimi kümtsü pa lau saghi no pa no panoqo shipivi tsü.

Apostolmi 11:18

Panongu no hi chilu kelo inaqhoive, eno Alhou sheqhe ghi pi, “Tishiaye Alhou no Jewkumomi lau ghi aküxüpu lo wulu kepu xaidekulu tsüvae.”

Apostolmi 11:20

Ikemu panongu gholo Cyprus ngo Cyrene timi khami no Antioch lo ighi no Ampeu Jisü ghili pesü Greekmi vilo ghi sheshu.

Apostolmi 14:27

Pama no ighi no akukuhou kukumqo püzü Alhou no pama peitha keu pesü sheshu, eno Jewkumomi lau kishi Alhou no aküpülü hukikha khaqhi tsü keno lhepiye.

Apostolmi 15:1

Ikemu Judea lono timi khami Antioch lo ighi no ishi athiküzümi kütsü, “Moses khuaye kiqi lono nongu no aphighüyiko ghamo aye, nongu ye xamlae.”

Apostolmi 15:2

Paul ngo Barnabas pama no panongu sasü kütsala kigheve kethiu, pama gholo timi khami kishe no Jerusalem lo apostolmi eno layemi sasü hipa vehu küptsa penike kughu tsü.

Apostolmi 15:22

Tileno apostolmi ngo layemi eno akukuhomi kümtsü no pano dolono timi khami kishe no Paul ngo Barnabas pama gholono Antioch lo puwuni ke pulove. Panongu no athiküzümi dolo atomi Barsabbas ipiche keu Judas ngo Silas pama puwu.

Apostolmi 15:4

Kughou panongu no Jerusalem lo ighi keno, akukuhomi, apostolmi, eno layemi no alokivi shi panongu sasü, eno Alhou no panongu pesü kiu shilupe keno kümtsü lhepiye.

Apostolmi 15:41

Pa no Syria ngo Cilicia qhalo wuno akukuhomi shikumto tsüe.

Apostolmi 18:18

Hipa thiu Paul ye ado hami ngo apüzü, küpülümi qhive no Priscilla ngo Aquila pama sasü ashuka lono Syria lo wuve. Pa no ashoqhi shipüa kehu Cenchreae lono akütsüsa tsave.

Apostolmi 21:25

Ikemu Jewkumomi pülü luve kemi ghengu ye, nino panoqo lau niw xakütha shikeu yesü tsü puwuvae, pano vilo ajulho lau akümllagho tsüve keu ngo aji, tshükiqhi lhoxü chukevi, eno shupu-salha kevilo pivae.”

Apostolmi 21:3

Ningu no putou no Cyprus ithulu ghi au piyiu qhive no Syria lo wuve no Tyre tolu, kughengu ashuka ye tilehi akho qüqhini ye ake.

Apostolmi 23:26

“Claudius Lysias no Akiqheu angh Felix lau ye ani, petha lulo.

Apostolmi 6:9

Tile timi khami Kuqhopheve kemiw Sinagog (aje ishi piche) lo kihimpemi, Cyrenemi, Alexandriami, Cilicia eno Asiami, no Stephen sasü kütsala thuve.

Galatiami 1:21

Tithiu ni ye Syria eno Cilicia bocho lo wuve.

James 1:1

Jisü Khristo qeu James no khunoqo apanagha hakiphive akeno, ashiaye chighikini lau ye ani. Petha tsü ani:

2 John 1:10

Khuana no nongu lau ighi kelo hipau kükütsü peighimo aye, nongu kilo pa sasü kevi, momu pa sasü pethamu shi kevilo,

2 John 1:13

Alhouw kishekiphe o tsünipu tianuliqo no petha o tsü ani.

2 John 1:3

Apu Alhou eno Pa Nu Jisü Khristo launo kuchou eno kikimiye lono tsükeu kimiyekini, küpükini, eno aloino keu huno ningu gholo apeniu.

3 John 1:14

Ni ye kighithe o sasü kusholu no nikujo agi kinheqhe ghi küptsa luni ke laju ani.