Apostolmi 15:20 - Sumi Naga CL (Re-edited) Bible (BSI)

²⁰ Ikemu panongu lau yesü yepuwu no ajulho kümlla chuqupu, asalha, tshükiqhi lhoxü, eno aji mithekumo hipaqo lono putosüve pe kepue.

BAIBEL (BSI)

²⁰ Ikemu panoqo lau yesu yepe puwu kepu eno panoqo vilo asu-atu chineno kitiqevekeu chuqupu chupemonike, salha shupu pemonike; eno tsukiqhikeu lhoxu ngo ahji ishi chumokepu shi pivekepue.

Sümi Tiqhelimi Bible

²⁰ Tishini ke züqhulo ningu ye panongu lau akiyé lono ajulho lhouqo müláve keu chuqu chumo nikeu, kipito xüküpsa shimo nikeu, lhoxü tshüqhi-pìthí keu shì eno ajì chumo kepu shi pive kepue.

Apostolmi 15:20 ပူးပေါင်းရင်းမြစ်များ

BOTHUBO 35:2

Ikehu Jacob no pa kibolomi eno pa gholo akeqo kümtsü vilo pi, “Inaghami lhou nongu gholo akeqo qhive no nongu ampi shikimthe lulo eno nongu phimini kilive lo.

BOTHUBO 9:4

Ikemu nongu ye aküxü akeu shi, ti ye aji, huye chumoni.

IPEKULU 20:23

I gholo ngono nongu ye ghükayi lhouqo mla moni momu nongu sala ameshoyi lhouqo mla moni.

EZEKEL 33:25

Tighenguno panoqo vilo pilo, Ampeu Alhou no ishi piani: Nongu no aji pusüsü keu shi chu, nongu nhethi no ajulhoqo ju, eno aji peleke; tishiaye nongu ye ayeghi amheghi shilu nani keshea?

EZEKEL 4:14

Tileno I no pi, “Aha Ampeu Alhou! Julo, ni ye khilemu ni ampi shikitiqe mphie. I lhothe lono itehi kutolo ni ye khilemu pakutoshi no thive keu momu tüghashi no tsüve keu chuju mphi momu shikitiqe keu shi I kichi lo sümphie.”

DANIEL 1:8

Ikemu Daniel ye akükau chuqupu momu pa no shoche keu ji pelo pa shipixi pemo nike xathave. Tighenguno pa no shokomi atou vilo pa ampi shipixi monike pulotsü peniye iniju.

ACHINE 18:6

“Nongu khumu abolomi sasü kikivi kevilo, Ni ye Ampeu ke.

ACHINE 19:26

“Ashi lo aji apülaghi chumoni. Küdüu jeli kiumu shimoni.

ACHINE 3:17

Nongu ye atha na aji namu chumoni, hi ye tiqheli kupuju lo nongu no küghüna chekeu-a kümtsü lo pimhe cheni keu yezah shivae.

AKIKIHI 25:2

Totimi hipaqo no pano lhouqo mlla cheke-a lo Israelmi kusü no kümtsa kuchu-kusho shi eno pano lhouqo mllauve.

Apostolmi 15:29

nongu ye ajulho kümlla chuqupu, aji, tshükiqhi lhoxü chumoni, eno asalha lono putosüni. Nongu no hipaqo launo putosülu aye, nongu ye achipi shilu nani. Akivishi alo.”

Apostolmi 21:25

Ikemu Jewkumomi pülü luve kemi ghengu ye, nino panoqo lau niw xakütha shikeu yesü tsü puwuvae, pano vilo ajulho lau akümllagho tsüve keu ngo aji, tshükiqhi lhoxü chukevi, eno shupu-salha kevilo pivae.”

1 Kor. 5:11

Ikemu itehi I no nongu lau ye akeu ye hike: timi khuu no pa ye athiküzümi lakhie pi püzü kipti-toti dolo mithekumo shicheni, alamine, ajulho mlla, momu kütami thaigha, shomzü, pükaqhi cheni keno, timi tipau sasü kuloji kevilo—tikithipu ye sasü kuchu-kushomu shikevilo.

1 Kor. 6:13

“Achuqupu ye akive ghenguno eno akive ye achuqupu ghenguno ke”—ikemu Alhou no tiküma gha kütsave nani. Aphimpi ye kipti-toti dolo mithekumo ghenguno kumoe, ikemu Ampeu ghenguno, eno Ampeu ye aphimpi ghenguno ke.

1 Kor. 6:18

Kipti-toti dolo mithekumo lono polulo. Timi lakhi no axine shikeu kümtsü aphimpi khalau noke, ikemu khuu no kipti-toti dolo mithekumo shi keno, pa ye pa phimpi shou axine shipuku ani.

1 Kor. 6:9

Amikucho kumomi ye Alhou yekipe ighimla nanie pi nongu ye mtha keshea? Nongu pishiqhipe kevilo: kipti-toti dolo mithekumomi na, ajulho kümllami na, küsalhami na, kiptimi no kiptimi sazü kemi na,

1 Kor. 7:2

Ikemu kipti-toti dolo mithekumo ghukuju ghenguno kiptimi kümtsü pütüta nipu akepu eno totimi kümtsü pütüta kimi akepue.

1 Kor. 8:1

Itehi ye ajulho mllavekeu chuqupu vehulo: “ningu kümtsü no akighithi ani” ipi ningu no ithi ani. Hitoi keu kighithi ye timi pelo qhezauve chenipe, ikemu kikimiye no shiqhe pukulu cheni.

2 Kor. 12:21

Kughou I no ighini keno I Lhou no itaghi nongu zülono I shikuchuni nikeu ni ye msa ani, eno khunono azüuno axine shive no mithekumo, kipti-toti dolo xine eno ghasü kümla xine shi püakeu lono xaidelu mphi keno panongu ghenguno mloqa masani cheni.

Galatiami 5:19

Ashi lhoaye ye mtsüqheino hipaqo ke: kipti toti dolo asalha, mithekumo, ngosükümla,

Ephesiami 5:3

Alhou küpülümi shive akehu, shupu-salha, mithekumo jeli momu alakimne ye nongu dolo küptsa keumu shimoni.

ZAKINIU 12:16

Tipaqo ji likhino chumoni; ti ye azü pele keshi ayeghi lo kighiji qhiveni.

ZAKINIU 14:21

“Pakutoshi no thive keu lhoxü thaqhü ye chumoni. Tipaqo ye kachenami no gholo xüakemi no chuvepe, momu inaghami vilo jevelo. Kughengu nongu ye Ampeu nongu Lhouw akimthe timiqo ke. “Aneti shi pesü aza kichhizü lono lho kevilo.”

ZAKINIU 15:23

Lhoxü tipau ji likhino chumoni; ti ye azü pele keshi ayeghi lo kighijive lo.

Kolosiami 3:5

Tighenguno nongu lolo ayeghilo ghola akeu pithive lo: ashupu asalha, mithekumo, ngosükümla, alhoksa kükümsü, alakimne, hi ye ajulho kümlla ke.

1 Thes. 4:3

Kughengu Alhou lopu ye hike: nongu shikimthe pe kipti-toti dolo mithekumo lono putosülu masae;

IBRIMI 12:16

Esau no ana akhu lakhi ghenguno pa punu chipiu jeveke toi alhoksa eno mithekumo shive nosake kutokupuilo.

IBRIMI 13:4

Kümtsü no külakupu gihu masae, eno külakupu lüpa shipixi kepu kumoe, kughengu kipti toti dolo mithekumomi eno küsalhami shou Alhou no küghathabe nani.

1 Peter 4:3

Kughengu Alhou kümthami no kiu toi xüche keno, ghaghughale, alhoksa shinike pitipüza keu, shokümzü, ghasükümla, eno ajulho kümlla, hi kümtsü lo nongu ghi aphiphi shi kuloji ighikeu no kughomae.

Piyeküsü 10:2

Pa ye liküküzü kaku aghulo lakhi au lo xükhope ae. Pa pukhu ajeu no azüghi lo nepe, piyiu no ayeghi lo nepe,

Piyeküsü 10:8

Tishino kungugha lono asütsa I no chilu püakeu huno itaghi I vilo pi, “Wulo, eno kungumi khuu no azüghi eno ayeghi shou puthugho ani keno, pa u lono liküküzü kaku lhaphe püakeu ikhilu lo.”

Piyeküsü 2:14

Ikemu Ni ye thime hami pesü o shou xube kepu ani: timi khami khunono Balaam kükütsü pape cheni keno tilau o gholo ani. Balaam no Israelmi zülo apukhu küpsüpu qhitsüni ye Balak kipe, tishianguno panongu pelo asüatu julho mllave keu chuqupu chuno shupu salhauve peniye ke.

Piyeküsü 2:20

Ikemu Ni ye o shou xube kepu hi ani: Jezebel, khuu ampi no li ye tungkupliu ipi cheni keno, li no I qemi pelo shupu-salha eno asüatu julho mllave keu chuqupu chusho peniye shikabide eno müsü kutho chekeghi nono juzüve tsü cheni.

Piyeküsü 9:20

Püsa hipaqo vecheo pithi mlave kemi timi khunoqo achili akeno, panoqo ye pano kümla lhoksa lono xaide keumu kumo, moaye tüghami kümlla momu ameshoyi, ghükayi, alazayi, eno asüatu julhoqo ye ithulu chemo, chilu eno alachelu chemo kehu tipaqo kümlla pimu phevemo,

SAMUEL ATUGHIU 14:32

Timiqo no hakhokulu thime kishi, eno ambe, amshitsü eno amshiti ghiqhi no aji pusüsü ashi chuve.

SAMUEL ATUGHIU 14:33

Panongu no Saul vilo pi, “Julo, timiqo ye aji gholono ashi chuno Ampeu shou axine shivae.” Pa no pi, “Nongu ye pishikiqhi shivae, atuqu kije hile kulu saghi lo.”