Apostolmi 13:45 - Sumi Naga CL (Re-edited) Bible (BSI)

⁴⁵ Ikemu kughou Jewmi no aqokitikhi ithulu keno, panongu lolo anhekushu iloghive no Paul thaigha ghi pa no pikeu küla thuve.

BAIBEL (BSI)

⁴⁵ Ikemu kughou Judamiqono timi kumzapu akeu ithulu keno panonguye anhekushuno chhive. Panonguno Paul no pikeu tsa lae eno pa thaigha.

Sümi Tiqhelimi Bible

⁴⁵ Kughou Jewmiqo no timi kutomo akeu ithulu keno panongu ye anhekushu no chhitoive. Eno panongu no Paul no pikeu tsa lachile eno pa shou küthakügha shie.

Apostolmi 13:45 ပူးပေါင်းရင်းမြစ်များ

BOTHUBO 37:11

Pa mu noqo ye pa ju anheshuve, ikemu pa pu no atsa hipaqo pa mlo lo qhiluve.

YETSAPIU 4:4

Itaghi I no ithulu keu no timi lakhi no akaghashi mlakeu eno akümla lo shitsa shikeu kümtsü pa kisüghüu jumine kelau noke. Hi ghi adou eno amülhü küghaju püha keu paphie.

ISAIAH 26:11

O Ampeu, Nono O u peqhepe ani, ikemu panongu ye ithulu amoe. Ow timi ghenguno Nono müamzü keu panongu pelo ithulu no kujove pelo. O ghümi ghenguno ami akeu pesü panongu pitilo.

AKIKIHI 11:29

Ikemu Moses no pa khochile, “I ghenguno nono alomsü ani keshea? Ampeu no Paw timi kümtsü shou Pa ghungu puku tsüno panongu pelo tungkupmi shi aghi penishi nolae!”

MATTHEW 23:13

“Ikemu nongu Ayezah shikükami ngo Phariseemi hasapue, keghilishi chekeqo! Nongu no timiqo launo kungugha yekipe hukikha khavetsü, nongu ampi no iloke kumono ilo niye akeqo ghi ilope chemoe.

MATTHEW 27:18

Panongu ye Jisü ju anheshu kelauno ikhiphepe tsüvae pi Pilate ye ithi ae.

Apostolmi 13:50

Ikemu Jewmi no Alhou sükümsami totimi aqoaho lo chuqumghai kemi ngo mishighüna lo timi akhotomi chuxu, eno Paul ngo Barnabas ghimeni ke xukutho thuve no tipa cheaxü lono pama hapupove.

Apostolmi 14:19

Ikemu Antioch ngo Iconium lono Jewmi ighi, eno aqokitikhi xukutho pe atu pesü Paul veqhive no thiva küghashi aphughi khalau sünhe pheve.

Apostolmi 14:2

Ikemu aküpülü kumomi Jewmi no Jewkumomi xukutho no athiküzümi mlo lo tüghü süvetsü.

Apostolmi 14:4

Ikemu mishighüna lo timiqo ye kijethave; khami no Jewmi gholo eno khami no apostolmi gholo süve.

Apostolmi 14:5

Kughou Jewmi ngo Jewkumomi no yepemi gholo süno pama ghime eno atu pesü veqhi nike kughu keno,

Apostolmi 17:5

Ikemu Jewmi no anheshuve, eno alaghila lo kixikilami khami hekütsü no mishighüna lo hekibide huthu, panongu no pama phusawo aqokitikhi zülo saghi niye ilo Jason ki lhethu.

Apostolmi 18:6

Jewmi no pa küla eno pipütha kelo, Paul no pa phimini kuthove no pi, “Nongu ji no nongu kütsü lo ikughi nani! Ni ye akipimi kühae. Hinguno hilau ni ye Jewkumomi lau wuniae.”

Apostolmi 19:9

Ikemu khami no kuthovi auve no pülümo püzü aqo zülono Alaghi vehu lhoksa piuve kehu pa no panoqo qhive no akhopemi sasü wuve, eno tsalakipe Tyrannus hoho ki lono küptsache.

Apostolmi 5:17

Tile achinetou eno pa gholo akemi (ti ye Sadduceemi loji) kümtsü lolo anhekushu iloghive.

Rommi 1:29

Ikehu panongu ye achipikumo, kixikila, akughuvu, aghichikupo, lhoaye no chhitoi ani. Pano lolo anhekushu, ghikiqhi, kuqhu-kidikumo, pishikiqhi, kütami lau alhoksa shini keu likhi ke. Panongu ye timi xikishimi,

1 Kor. 3:3

kughengu nongu ye ashi lono xüaphi ke. Nongu gholo anhekushu eno mtomshu akelo ti ye ashi eno ayeghi gholau no xü aphike kumo?

2 Kor. 11:26

hijeje kicheghüzü lo chekelo kümsapu jeli hipaqo sholu püani: aghoki, süxakulumi, ni likhi niw timi, shiye kütami, mishighüna lono, asayeqha lono, azüghi lono, kichile thiküzümi;

Galatiami 5:21

aghichikupo, shokümzü, kuthole chusho keu, eno hitoi keu lhoayeqo. I no azüu no nongu ghutuve ketoi itaghi ghutu ani, khunono hipaqo shicheni keno Alhou yekipe ighimla nani.

1 Thes. 2:16

ningu pelo Jewkumomi xalu pemo nike atsakiviu pinikeu lakha, tishikeu lono alhokuthu pano xine qhepuku ke. Ikemu ashekha lo Alhou loghu pano shou ikughive.

2 Tim. 3:11

Antioch, Iconium, eno Lystra lo I shikighime keu eno I ghime kümtsü, I no kishi ghichheghime puqhe eno Ampeu no ti kümtsü lono I xaphe keno nono ithi ani.

James 4:5

Ikeo Kuchoyesü lo, “Alhou ye Pa nheshu qhiyi ni lolo aghungu sütsü keu kümsükütü acheni,” ipikeu ye akiqi kühano pi küghashi cheni kea?

1 Peter 4:4

Hipa vehulo itehi ye nongu no panoqo gholo akumou eno ghasükümla küxü lo kuloji moveke gheno panongu ye nongu jupe akichiqhi eno nongu pipüsaqhi ani;

Jude 1:10

Ikemu timi hipaqo ye panongu no vethamla keu thaqhü ye thaigha cheni, eno akükümsü küküha lhoxüqo toi panongu no kiu vethalu cheni keno tino panongu kütsaküngove cheni.