Apostolmi 11:14 - Sumi Naga CL (Re-edited) Bible (BSI)

¹⁴ pa no o vilo atsape sheshu nani eno tipa vecheo no eno o kibolomi kümtsü xaluve nani.’

BAIBEL (BSI)

¹⁴ eno no ngo abolomi kumtsu kishi xalukepu keno pano atsa ovilo pitsu nani.’

Sümi Tiqhelimi Bible

¹⁴ Pa no akükütsü sütsa lakhi pesü O lau süghi nani eno tipau vechewo no eno O kibolomi kümtsü xaluve nani.’

Apostolmi 11:14 ပူးပေါင်းရင်းမြစ်များ

BOTHUBO 17:7

I no o Lhou eno o thiu tikughukomi Lhou shinike Iw puloshoqhi Nikujo dolo shi nani eno o thiu tiqheli kupuju lo shekhaha puloshoqhi shi nani.

BOTHUBO 18:19

Kughengu I no pa kisheluvae, pa no pa nuliqo azah tsü no achipiu mikucho eno kuchou xakütha shikeu vecheo Ampeu laghi lo cheche peniye eno tishikeu lono Ampeu no kiu Abraham vilo piqhi püani keno tipau pa lau süghilu peniye ke.”

LESHELE 103:17

Ikemu Ampeu sükümsami lau Paw iqemokeu kikimiye ye shekhaha acheni, eno Pa chipiu mikucho ye atianuli lono atilimi kutolo acheni,

LESHELE 112:2

Pa tikughukomi ye ayeghi lo akughushu shi nani; amikuchomi tianuli ye kükümgha shi nani.

AHOLE 20:7

Amikuchomi khuu no akikhishi xücheni keno pa tianuli pa thiu chekemi ye akümghapue!

JEREMIYA 32:39

I no amlo lakhi eno alaghi lakhi panoqo tsü nani, tishianguno panongu no alholo I sümsa nani, ti ye panongu eno pano tianuli kivipu ghenguno eno pano thiu atilimi ghengu ghike.

Mark 16:16

Khunono pülü no baptiz shiluni keno xaluve nani, ikemu pülümo keu ye kileqhive nani.

Luke 19:10

Kughengu Timi Nu ye pühave no akemi phuni ke eno xaluni ke ighie.”

John 12:50

I no ithi akeu no Pa no azah tsükeu ye lhokta küxü ke. Tighenguno I no kiu pi keno, ti ye Apu no I vilo pikeu ke.”

John 20:31

ikemu hipaqo yepüa keu ye nongu pelo Jisü ye Khristo, Alhou Nu, kepi pülülu peniye, eno pülülu keu vecheo Pa je lono aküxü apeniye ke.

John 4:53

Apu no ithikeu no ti ye Jisü no pa vilo, “O nu ye xü nani” ipikeu ghuloki shiae. Pa eno pa kibolomi kümtsü no pülüluve.

John 6:63

Aküxü tsü chekeu ye Aghungu noke; ashi ye kiumu shimlae. I no nongu vilo pivekeu tsa no aghungu eno aküxüpu ke.

John 6:68

Simon Peter no pa khochile, “Ampeu, ningu ye khuu lau wuni kea? Nono lhokta küxüpu tsa ani,

Apostolmi 10:2

Pa ye Alhou ithitoi eno pa kibo kümtsü Alhou sümsa chekemi, kumlhomi kuphu eno tamono Alhou vilo inikhu chekemi.

Apostolmi 10:22

Panongu no pi, “Kungumi kimthe no azah tsüke toi Cornelius, aqhe zatsüu, süchomi, Alhou sükümsami, Jewmi shiye kümtsü no gihu chekeu no nono kiu pikepu ani keno ininike o pelo pa kilo ighitsü peniye kupuwu ani.”

Apostolmi 10:43

Pa pülü kemi kümtsü no pa je vecheo axine qhikütsü ithulue pi tungkupmi kümtsü no pa shepe shipüani.”

Apostolmi 10:6

Pa ye ashiyiko kümlau Simon gholo ani, eno pa ki ye azüghi phivilo ani.”

Apostolmi 11:13

Pa no ningu vilo kungumi lakhi no pa kilo ighi no pikeu pi, ‘Joppa lo timi puwu no Peter ipikeu Simon hu saghilo,

Apostolmi 16:15

Kughou li no abolomi sasü baptiz shiluve keno, li no ningu kusü no pi, “Nongu no ni ye Ampeu pükhükulupu shivae pi xathalu aghi aye, ighi no I kilo ngolo.” Li no ningu pütsaqhi luve.

Apostolmi 18:8

Sinagog yepeu Crispus no pa kibolomi kümtsü sasü Ampeu küpülümi shive. Corinthmi kutomo no Paul no pikeu tsa chilu no pülü luve eno baptiz shive.

Apostolmi 2:39

Kughengu ashoqhi ye nongu eno no tianuli eno khunoqo putou ani keno, Ampeu ni Lhou no Pa lau kulu kemi kümtsü ghenguno ke.”

1 Kor. 1:16

(Kumchomaghi, ni ye Stephanas no kibolomi ghi baptiz shitsü kena; ikemu tinguno alau ye khumu baptiz shitsü kemo keno ni ye mthae.)