AMUS 9:14 - Sumi Naga CL (Re-edited) Bible (BSI)

¹⁴ I no Iw timi Israelmi küakini tsüchile nani, pighive keu phughiqo panongu no shikithe no tile xü nani; atsailu chi no tipau tsaizü sho nani, aghutu shino tipa xathi chu nani.

BAIBEL (BSI)

¹⁴ Niye iwu timiqo pano yeghilo sachile saghi nani. Panonguno ixapinyivekeu phughi shikitheno tilehi ngo nani; panonguno atsayibo shosuno atsayiji sho nani. Panonguno aghutu putuno tile ipeghikeu chu nani.

AMUS 9:14 ပူးပေါင်းရင်းမြစ်များ

LESHELE 107:37

panongu no aluza lo athi xusü eno atsaibo shosü eno ghile kivi hulue.

LESHELE 53:6

O, Zion lono Israel ghenguno xakulu ighi keaye lae! Kughou Alhou no Paw timi lau küakini tsüchileni keno, Jacob pelo alovi pelo, Israel pelo alokiqi shipe lo.

ISAIAH 60:4

Nongu nhethi no pishipuwo julo; panongu kümtsü hekütsü no nongu lau cheni; no nuliqo ye putou no ighi nani; eno nongaqo ye xapu ighi nani.

ISAIAH 61:4

Panongu no khaghi lono ixapinyive keu shiqhekithe nani; wovekeu ghuloki lono kütsakungove keu shiqhekithe nani; panongu no khaghilo mishighüna ixapinyive keqo shiqhekithe nani; Tipaqo ye tiqheli kutomo züuno kütsakungove keqo ke.

ISAIAH 65:21

Panongu no aki shiqhe no, tilehi küghüna nani; panongu no atsailu chi nani eno atsaizü tipau sholu nani.

JEREMIYA 12:15

Panongu nhüve kethiu I no itaghi panongu shou kimiyeqhiyi nani, eno I no itaghi pütüta mheghi yeghi lo saghi nani.

JEREMIYA 16:15

ikemu ‘Ampeu xüküau no ahuu ghakhu eno ni haküghütsüve keu ghakhu kümtsü lono Israelmi sachile saighi,’ ipi nani. Kughengu I no pano puasüqo tsükeu yeghi lo panongu sachile ighi nani.

JEREMIYA 23:8

ikemu ishi pi nani, ‘Ampeu xüani ke Pa no haküghütsü puwuve keu ghakhu eno ahuu ghakhu lono Israel kibolomi saipeghi.’ Tishino panongu ye pano yeghi lo xüsülu nani.”

JEREMIYA 24:6

Akivipu ghenguno I nhethi no panoqo shou anani, eno ayeghi hipau lo panoqo sachile saghi nani. Ni ye panoqo xaleqhive mono shiqhe nani, panoqo nhüvemo no shosü nani.

JEREMIYA 29:14

nongu no I phulu nani, Ampeu no sheshu, eno I no nongu kinigha tsüchile nani eno I no khile nongu hapuwuve keno shiye kümtsü eno a-a kümtsü lono nongu sawo kumqo nani, ipi Ampeu no sheshu, I no a-a khipau lono nongu akughu lo puwuve keno tipa-a lo sachile saghi nani.

JEREMIYA 30:18

“Ampeu no ishi piani: Jualo, I no Jacob phiki kinigha athoputho tsü nani eno pa kungo-a lo kimiyeqhiyi keu anani; mishighüna ye xaleqhive keu shou shiqhe puku nani, eno kükaki ye thosü-a lo puthugho nani.

JEREMIYA 30:3

Kughengu julo, Ampeu no sheshu, I no Iw timi Israel ngo Judah kinigha athoputho tsüni keu tsala cheni, Ampeu no pi, eno pano puasüqo tsükeu yeghi lo panongu sachile saghi no panongu no tipau pighi luve nani.”

JEREMIYA 31:23

Aqokitikhi MPEU, Israel Lhou no ishi piani: “I no panongu kinigha athoputho tsükelo, panongu no itaghi ghuthu lakhi atsa hipaqo Judah yeghi eno mishighünaqo lo peitha nani: “‘O achipiu mikucho ghüna, O akimthe toghi, Ampeu no o kümghatsü peniu!’

JEREMIYA 31:28

Hitoi shinani, I no panongu nhüve, peve, xaleqhive, kütsaleve, eno aghüzapu süghi keu shou khekuto ketoi, I no panongu khekuto no shiqhe eno shosü tsünani ipi Ampeu no sheshu.

JEREMIYA 31:5

Itaghi Samaria naghutoqo lo nono atsaibo shosü nani; alukichimi no axathibo shosü eno axathi xochulu nani.

JEREMIYA 32:15

Kughengu aqokitikhi MPEU, Israel Lhou no ishi piani: Aghakhu hipau lo aki alu eno atsailu ye qhükithe luni aphie.’

JEREMIYA 32:37

Julo, I no I mlokighide, I loghu eno axukighide lono hapupove keqo aghakhu kümtsü lono xukumqo nani, eno I no panongu pelo sükusho lono xülupe nani.

JEREMIYA 33:11

alokivi kighilhe eno amlokiqi, külapuu eno külaliu lokivi sütsa, Ampeu kilo shikimthi kümllagho peighi kelo ale phekeu sütsa chilu nani: “‘Aqokitikhi MPEU lau shikimthi tsülo, kughengu Ampeu ye aloe, Paw iqemokeu kikimiye ye alholo acheni!’ Kughengu I no atüghü lo toi ayeghi kinigha tsüchile nani, ipi Ampeu no pi.

JEREMIYA 33:7

I no Judah ngo Israel kinigha athoputho tsü nani, eno pano küxü atüghü lo toi shiqhe tsü nani.

EZEKEL 16:53

“I no panoqo ngukümgha tsüchile nani, Sodom ngo li ngaqo ngukümgha eno Samaria ngo li ngaqo ngukümgha ghi athoputho tsü nani, eno I no panoqo gholono o ngukümgha ghi athoputho tsü nani,

EZEKEL 28:26

Panongu no sükusho lono küghünauve nani, panongu no atsaibo shosü eno aki shiqhe puku nani. I no pano kisüghümi khunono küthaküghapu shi pano peitha keno panoqo kümtsü lau Iw küghakütha bekelo panongu ye sükusho lono küghünauve nani. Tileno panongu no Ni ye Ampeu pano Lhou kepi ithi nani.”

EZEKEL 37:21

tileno panoqo vilo pilo, Ampeu Alhou no ishi piani: Julo, shiye khuno gholo Israelmi no wuve keno tipaqo gholono I no panongu saluve nani, eno aqha kümtsü lono panoqo hekütsü sasü pano yeghi lo ighive nani.

EZEKEL 39:25

“Tighenguno Ampeu Alhou no ishi piani: Itehi ye I no Israel ngukümgha athoputho tsüni eno Israel kibolomi kümtsü kimiyeqhiyi eno I je kimthe süshoni.

AMUS 5:11

Kughengu nongu no kumlhomi nedaqoda eno pa launo athi zame luve chenike ghenguno, nongu no heküthatu ki shiqhe püaghi namu, nongu ye tile ngomla nani; nongu no alo kepushi atsailu chi ani kemu nongu ye tipaqo tsaiji shomla nani.

ZEFANIA 1:13

Panongu küakini xüvetsü nani, eno panongu ki kütsave tsü nani. Panongu no aki shipüaghi namu, panongu ye tilehi ngomo nani; pano no atsailu chi aghi namu, tipau tsaizü yelumo nani.”

ZEFANIA 2:7

Azüghimkü huye Judah lagha lo ghülu kemi sala shive nani, pano tsü-aqu no tile mzachu eno akhemi no kijiliu Ashkelon lo aki akeqo lo ihozü nani. Kughengu Ampeu panongu Lhou no panoqo kümsülu no pano ngukümgha tsüchile nani.