AMUS 2:14 - Sumi Naga CL (Re-edited) Bible (BSI)

¹⁴ Akümthümi no pomlave nani, akumtomi no pa küka kühave eno aghütomiu ghi pa küxü xamlave nani;

BAIBEL (BSI)

¹⁴ Shishe muthuthei polukemi namu poluni chemoe, akumtomino pano kumto kuhave nani eno ghushimiqoye pano kuxu xamla nani.

AMUS 2:14 ပူးပေါင်းရင်းမြစ်များ

JOB 11:20

Ikemu küsaküghami nhethi ye zamemeive nani; panongu ye pokulupu laghi lakhimu kühave nani, eno pano tuthu kishekha luni keu no panow lajupu shi nani.

LESHELE 33:16

Akükau ye paw ghüshimi kutomo akeu vecheo xalu chemoe; aghütomi ye pa küka kije vecheo süsholu chemoe.

YETSAPIU 9:11

Itaghi I no hi ithulu, ayeghi lo pokuxu kelo akümthümi no tolu chenike kumoe, titoi akumtomi no aghüshi tolu, alokütsümi no asho ithulu, akighichemi no küakini ithulu, kighithimi no adokivi ithulu chenike kumoe, ikemu atüqhüdo eno adokivi ye kümtsü lau ighi cheni.

JEREMIYA 25:35

Ambekhemi ghenguno itshükulupu küha nani, momu aloji khemi ye poka kulupu küha nani.

JEREMIYA 39:4

Kughou Judah kükau Zedekiah ghüshimi no ti ithulu keno panongu ye pove, akükau ghutu lo atupikiye kini dolono khagho vechesü panongu ye Arabah küdau wuve.

JEREMIYA 9:23

Ampeu no ishi piani: “Alokütsümi pelo pa lokütsü lo qhezape kevilo, akumtomi pelo pa kumto lo qhezape kevilo, kinimi pelo pa küakini lo qhezape kevilo,

AMUS 5:9

Pa no akumtomi shou züleno kütsakungo keu puwu, tishianguno aliwo shou kütsakungo keu ighi cheni.