ALE KIMCHI 5:13 - Sumi Naga CL (Re-edited) Bible (BSI)

¹³ Pa gimuchu ye axokütsüngü tsünibo ghutu toi mülüi ke. Pa mütsü ye lapu xamunu no axokütsüngü kighiji keue.

BAIBEL (BSI)

¹³ Pa gimuchuye aghutulo khaghatu toi eno akighipi xathi toi jukivike. Pa mutsuye lapu xamunu toi thakutsughuve keu xokutsunguno nupu ani.

ALE KIMCHI 5:13 ပူးပေါင်းရင်းမြစ်များ

LESHELE 27:4

Thime lakhi I no Ampeu vilo khu ani, ti likhi I no phunani; ti ye I küxü kupuju lo Ampeu kilo acheni keu, Ampeu jukivi shou jupuku eno Pa chineki lono Pa pulou ighijuni keu ke.

LESHELE 45:2

Timi nuliqo gholo shishe aju-akoghe akiviu ye noke; o mütsü lono küpükini qole ipeghi; tigheno Alhou no alhokupuju o kümghave tsüae.

LESHELE 45:3

O jekipi eno akughushu lono o zütakikihi o yiku lo chhepu lulo, O akumtou!

LESHELE 89:15

Khunono O gi küvü lo checheni, eno tiqhetini lokivi ghügha ithi ani keno pano lokivipue,

ALE KIMCHI 1:10

Amekusho thime no o ju kivi gholo küpha, o kuo lo ameshoyi chila huno aküzüqhiyi ke.

ALE KIMCHI 1:16

O I qhuu, no ye jukivie, kuchou no azüküvüpu anie. Nikujo küzü-a ye xüthilei ani;

ALE KIMCHI 2:1

Ni ye Sharon lo rose xamunu, akhila lo lapu xamunu ke.

ALE KIMCHI 3:6

Asayeqha lono amchhi kupho toi, lhidimi u lo tsüngqüikeu mukhu müsüghüta eno tsüngqüikeu ta no phochighi akeshi iqhoche keu ye khuu kea?

ALE KIMCHI 4:11

O mtsü no akhingozü kighiji cheni, Iw külaliu; Akichhizü ngo akhingozü no o milibo qholo anie; o phimini xo ye Lebanon xokütsüngü toike.

ALE KIMCHI 5:5

I no I qhuu khaqhi süniye ithu, I u loba lono müsüghüta thazü no iji ghi ahukikha küpta lo I u be.

ALE KIMCHI 6:2

I qhuu ye pa ghutu lo iqivae, pa tsü-aqu achu kümza eno lapu xoniye tsüngqüikeu tsünibo ghutu lo iqivae.

ISAIAH 50:4

Ampeu Alhou no tsaqüi khuno qoputhuve akeno tipano mili pesü I tsüvae, tishianguno I pelo akulho shive kemi shikumtolu peniye ke. Inaqhe atsütsü Pa no I pelo tsaqüi qoputhuve kemi toi chilu peniye I küda cheni.

ISAIAH 50:6

I heqhi akemi lau I no I mqa mighe tsüe, I kichimhi phitsü akemi lau I no I gimuchu mighe; I shikujo eno müsüte akemi launo ni ye I gi küsüve moe.

Luke 4:22

Timi kümtsü no pa pipivi eno pa kichi lono küpüqhiyi keu tsa ipeghi akeqo chilupe ighono akichiqhive. Khami no pi, “Hi ye Joseph nu ke kumo?”

Piyeküsü 21:23

Aphughi ye tipau shou yepüvü kepu khetsünhe momu aqhi mu avehupu shimoe, kughengu Alhou juküvü no yepüvü ae, eno Ambeti no tipau kulubo ke.