AKIKIHI 9:15 - Sumi Naga CL (Re-edited) Bible (BSI)

¹⁵ Aphiki shiluke tsalani khüngküsü no Puloshoqhi bohu kiqhi-a küzüpho luve. Avelau no Aphiki shou ipeghi keu huno thanau inaqhe kutolo ami toi ngove.

BAIBEL (BSI)

^15-16 Tipa tsalani AMPEU no ngochekeu Phiki shisu luve kelo khungkusu lakhi iqighi eno tipau kuzupho luve. Putholo khungkusu tipau ye ami toi ithuluke.

AKIKIHI 9:15 ပူးပေါင်းရင်းမြစ်များ

NEHEMIA 9:12

Puchou no khüngküsü tsükucho shi Nono panongu sache, eno putho lono ami tsükucho shino alaghi yepüvü panongu sawuke.

NEHEMIA 9:19

Ow kimiyekini shishe kije akeu vecheo, No ye asayeqha lo panongu pheve moe. Khüngküsü tsükucho, puchou pano sasü chekeu no panongu launo kühave moe eno titoi ami tsükucho, putho lo panongu laghi yetsü chekeu hu ghi panongu pheve moe.

LESHELE 105:39

Pa no khüngküsü pesü panongu nhape eno putho lo ami no panongu küvü shitsüe.

LESHELE 78:14

Puchou no khüngküsü lo panoqo saphe sawu, eno putho kümtsü lo ami küvü no panoqo sawue.

IPEKULU 13:21

Ampeu no panongu la kiche tsüniye puchou no khüngküsü tsükucho shi panoqo züu wu, eno putho lono aküvü tsüniye ami tsükucho shi, tishianguno panoqo pelo tsüküvü lo eno tsüküzü lo ghi chewulu peniye ke.

IPEKULU 13:22

Puchou khüngküsü tsükucho eno putho lo ami tsükucho huye timiqo launo wuve moe.

IPEKULU 14:24

Eno tsüthoni ke zülo Ampeu no ami ngo khüngküsü tsükucho dolono Egypt ghüshimi lau jupiqi eno panoqo pesü phiküghüzüve tsü,

IPEKULU 40:2

“Aqhi atüghüu, atsala atüghüu lo kuposhukulu phiki lo Ampeu kungo phiki shiqhelo.

IPEKULU 40:34

Tithiu khüngküsü no kuposhukulu phiki küzüluve, eno Ampeu juküvü no Ampeu kungo phiki chhitoive.

IPEKULU 40:35

Eno Moses ye kuposhukulu phiki lo ilokulupu shimove kughengu khüngküsü no tipau nhachhive ke, eno Ampeu juküvü no Ampeu kungo phiki chhitoive.

IPEKULU 40:38

Kughengu Ampeuw khüngküsü ye puchou no Ampeu kungo phiki shou ache, eno putho lo lono amiküqü shi ache, ti ye panoqo ghüzüla kupuju lo Israelmi kibolomi kümtsü nhethe lono tishi cheke.

ISAIAH 4:5

Tishino Ampeu no Zion Naghuto shou eno aqoahomi shou puchou no khüngküsü, puthou no amchhi ngo ami mili phuphushi pipetsü nani; Ampeuw sükusho no tipau juküvü kümtsü khonhape anani.

AKIKIHI 10:34

Kugho kughomu panongu no chewu kelo AMPEUw khüngküsü no puchou thaqhü panongu sawuche.

AKIKIHI 14:14

panongu no hile xüküami vilo piveni ake. O Ampeu, hile xüküami ghi Nono timi hipaqo gholo akeu chiluvae; puchou no khüngküsü tsükucho eno putho lono ami tsükucho shino Ow khüngküsü no timiqo khonhape pano züu wukeu, eno agi no agi kithepe No Ampeu ithulu chekeu ithi ani.

AKIKIHI 17:7

Tithiu Moses no aküsüqo pewo puloshoqhi phiki lo Ampeu zülo qhive.

1 Kor. 10:1

Athiküzümiqo, ni ye nongu pelo ithi penishi ani, ni puasüqo kümtsü no khüngküsü qholono cheche eno kümtsü no azüghi kathasü wue,

ZAKINIU 1:33

Pa no nongu züuno wuno nongu pelo aphiki shipenike a-a phutsü, alaghi nongu piye nike putho lono ami tsükucho eno puchou no khüngküsü shike.