AKIKIHI 6:24 - Sumi Naga CL (Re-edited) Bible (BSI)

²⁴ Ampeu no nongu kümghatsü no nongu tucho peniu;

BAIBEL (BSI)

²⁴ AMPEU no nongu kumghatsu eno nongu tucho peniu;

AKIKIHI 6:24 ပူးပေါင်းရင်းမြစ်များ

BOTHUBO 28:15

Julo, I no o gholo ani eno nono khile khile wunamu I no o süsho nani, eno ayeghi hipau lo o sachile ighi nani. Kughengu I no o lau ashoqhi kiu shi keno tipau shive moke kutolo Ni ye o qhivemo nani.”

SAMUEL AKINIU 7:29

Tighenguno itehi O qeu lagha kümgha tsünike pulo tsülo, tishianguno ti ye O zülo kishekhave monani. Kughengu Nono piqhive ake, O Ampeu Alhou, Ow kükümgha vecheo O qeu kibolomi ye alholo müghalu nanie.”

LESHELE 134:3

Ampeu, khuu kungugha eno ayeghi pulhosü keno, Pa pelo Zion lono nongu kümghatsü peniu!

LESHELE 17:8

I pesü O nhethe lo anhekiyighi shi qhitsülo; O chishibo qholo I peküsü tsülo,

LESHELE 28:9

O, Ow timiqo xalu tsülo eno O mheghi kümgha tsülo! Panoqo kheu shino alhokupuju hiju tsülo.

LESHELE 91:11

Kughengu Pa no azah tsüno o ghenguno Paw kungumi puwu tsü nani eno o laghi kümtsü lo o khekuto nani.

ISAIAH 27:3

Ni, Ampeu no tipau Kheue; ado kümtsü lo I no azü süacheni. Khuana no kütsavetsü nosa kehu putho pucho I no khekuto acheni;

ISAIAH 42:6

“Ni ye Ampeu; I no achipiu mikucho lono o kuluvae, I no o u sünhepe no o sasü chenani; I no o pesü puloshoqhi shi ghi timiqo lau tsü nani, shiyeqo ghenguno aküvü shitsü nani,

DANIEL 9:17

Tighenguno itehi O ni Lhou, O qeu kighini eno pa no kimiyetsü penike qhüiniju akeu initsü lo, eno O je ghenguno, O Ampeu, O kimthe chineki küghüküghalei akeu shou O gi no yepüvü tsülo.

John 17:11

Ni ye ayeghi lo ngomae, eno O lau cheae, ikemu panongu ye ayeghi lo aphie. Apu Akimtheu, O je lono Nono I tsükeqo khe tsülo, tishianguno nikujo no lakhi ketoi panongu ghi lakhi shi penie.

1 Kor. 14:16

Tishimo aye, nono aghungu lono shikimthi tsükelo, khalaumi inapüghami nono kiu piani keno mtha keghi kishino ow shikimthikütsü lo “Amen” ipi luni kea?

Ephesiami 6:24

Shipüsa mlakeu kikimiye pesü ni Mpeu Jisü Khristo kimiye chekemi kümtsü lau Alhouw küpükini apeniu.

FILIPIAMI 4:23

Ampeu Jisü Khristow küpükini no nongu gholo apeniu.

FILIPIAMI 4:7

Eno Alhouw aloino keu khikhi timiw vethakulu nguno alau keno, tino Khristo Jisü küdau no nongu mlo eno nongu kükümsü khekuto anani.

1 Thes. 5:23

Aloinokütsü Lhou ampi no nongu shikimthetsü peni, eno ni Mpeu Jisü Khristo ikighi lo nongu ghungu, angulho eno aphimpi kümtsü tukutiye kühano aghi peni.

1 Peter 1:5

khunoqo ghenguno xakulupu kuto püani keno ti pepheni keu do ashekha ghuloki tomoke kutolo panoqo ye aküpülü vecheo Alhou küka no süshope anie.

Jude 1:24

Itehi ye khuu no nongu pelo küpxa pemo eno tukutiye küha no Pa juküvü zülo shishe alokivishi nongu ikhiphepe tsülu nani keno,

RUTH 2:4

Eno julo, Boaz no Bethlehem lono hughi, eno ghile kuhumi vilo pi, “Ampeu no nongu gholo apelo!” Panoqo no khochile, “Ampeu no o kümghatsü peni.”

SAMUEL ATUGHIU 2:9

“Pa no Paw pükhükulumi khekuto nani, ikemu kixikilami ye aküzü lono hapupove nani, kughengu timi ye akumto lono tokulu shimo nani.