AKIKIHI 35:19 - Sumi Naga CL (Re-edited) Bible (BSI)

¹⁹ Kughou akithiu bolomi amkhükuluu no timi hekiqhiu sholuni keno, tileno pa pithiveni.

BAIBEL (BSI)

¹⁹ Akithiu sholokumi huno timi heqhi pithive keu mukhu lulu nani. Pano timi tipau sholu kelo pa pithive masake.

AKIKIHI 35:19 ပူးပေါင်းရင်းမြစ်များ

BOTHUBO 4:14

Julo, Nono ayeghi lono ishi no I haphevae, eno O zülono ni ye itshüve niae. Ni ye ayeghi lo kupokichemi eno kachena shive niae, eno khuu no ni ithuluni keno heqhive nanie.”

SAMUEL AKINIU 14:11

Li no pi, “Kimiyeno akükau no Ampeu o Lhou je ku amkhükuluu pelo pithi pemoni ke shupheve tsülo, eno I nu ye kütsave monani.” Pa no pi, “Ampeu xü anike o nu sa lothi lakhimu ayeghi lo ikiqive monani.”

SAMUEL AKINIU 14:7

Eno itehi ye alagha kümtsü no o qeliu hebide ithughivae, panongu no pi, ‘Khuu no pa thiküzüu heqhive keno ikhiphe tsülo, nino pa thiküzüu küxü ghenguno pa pithivenie.’ Panongu no amheghi kiyighiu ghi kütsave niye ani. Hitoi panongu no I mibalu iqü akeu ghi ghapinheve tsüniye ani eno ayeghi lo I kimi shelo aje momu ghükulumi qhitsü move niye ani.”

SAMUEL AKINIU 3:27

Eno kughou Abner no Hebron lo idechile ighi keno, Joab no tuqhou shi pa pütsani ye pa sasü khagho phivilo wu, eno tileno pa polo qhusüve tsü, ikehu pa ye thive, ti ye pa thiküzüu Asahel ji peleve tsükeu ghenguno ke.

SAMUEL AKINIU 3:30

Joab ngo pa thiküzüu Abishai pama no hitoi Abner pithive, kughengu pa no pama thiküzüu Asahel Gibeon ghüshi lono pithive tsüke.

AKIKIHI 35:12

Mishighüna tipaqo no amkhükuluu launo sükusho-a shilu pelo eno timi ghiqhive keu huye aqha zülono pa shou küghatha moke kutolo pa pithimo no tilau ngolu pelo.

AKIKIHI 35:18

Momu pa no asü pesü heqhi pithive aye, pa ye timi hekiqhimi ke ghenguno pithiveni.

AKIKIHI 35:20

Tsala timi lakhi no khuana jumithi kelauno itshüpe kheano pa tuhakulu momu kiuala pesü veqhi pithive aye,

AKIKIHI 35:21

momu mithi kelauno pa u no kütami heqhive aye, timi tipau ye pithiveni, kughengu pa ye timi hekiqhimi ke. Kughou amkhükuluu no timi hekiqhiu sholuni keno, tileno pa pithiveni.

AKIKIHI 35:24

aqoaho no ayezah kiqi lono timi pithive keu ngo amkhükuluu dolo xatha tsüni.

AKIKIHI 35:27

eno amkhükuluu no pa sasü itshükulupu phughi nguno khalau no kusholu no pa heqhive aye, amkhükuluu shou kiumu akipimi shimoni.

ZAKINIU 19:12

aphughi lo sakiphemi no pa saghi no akithiu no bolomi amkhü kulumi tsüve no pa pithive peni.

ZAKINIU 19:6

Alaghi no shulove aye, akithiu no bolomi no amlo kushu lono pa hasü ighi no pithi küzü kumomu pithive nosa, kughengu pa ye inahuu ye kiumu mithikile keu kühake.

JOSHUA 20:3

eno timi khuana no shipimipe kütami pithive aye, pa pelo tilau powulu peni. Tino nongu ghenguno amkhü kulumi zülono süshokulu-a shipeni.

JOSHUA 20:5

Tsala amkhü luniye hakicheu no pa hasü ighi aye, panongu ye pa küghape tsümo nani kughengu pa ye mthano pa kisüghüu pithive eno püzüu nomu mithi cheke kumoe.

XAKUTHAMI 8:19

Pa no pi, “Panongu ye I thiküzümi, I za nuliqo ke. Ampeu xü anike tsala nokujo no panongu küxü xalu püaghi keaye, ni ghi nokujo heqhi pithi moni che.”