AKIKIHI 24:24 - Sumi Naga CL (Re-edited) Bible (BSI)

²⁴ Ikemu Kittim lono zükilu ighi no Asshur ngo Eber le nani; eno pa ghi kütsakungove nani.”

BAIBEL (BSI)

²⁴ Kupra kudauno azu shouno leighikemi cheni; Panonguno Asiriya ngo Eber leluve nani, Ikemu tipashelo panonguye alhokupuju lo pughave nani.”

AKIKIHI 24:24 ပူးပေါင်းရင်းမြစ်များ

BOTHUBO 10:4

Javan nuliqo: Elishah, Tarshish, Kittim, eno Dodanim.

BOTHUBO 14:13

Tishino milakhi pokalu keu no ighi no Hebrewmi Abram vilo pive. Tipa ghuloki lo Abram ye Mamre lo aphisübo phivilo ache, Mamre ye Amorimi eno Eshcol ngo Aner pama thiküzüu, panoqo ye Abram sasü visho shikemie.

ISAIAH 10:12

Kughou Ampeu no Zion Toghi eno Jerusalem lo Pa kümla shikhaveni keno, Pa no Assyria kükau qheküza tsapi eno tsütsüngoju chekeu ghenguno aghime tsü nani.

ISAIAH 10:5

Aha, Assyria, I loghu lo peitha chekeu qheküsü pano u lo anie!

ISAIAH 23:1

Tyre ghenguno pimhelu keu tsape. O Tarshish zükiluqo, igha qalo, kughengu Tyre lo aki ngo zükilu kungo-a kütsalevae! Cyprus yeghi lono pano lau hi kütüghü ani.

EZEKEL 27:6

Panongu no Bashan phisüqo pesü ow helisa mlatsü; Cyprus züghimkü lono asahusü pesü o ghüza qhatsü, akühahu pesü tipau shou meda tsüe.

DANIEL 10:20

Tileno pa no pi, “Ni ye kushiye o lau ighive akeno no ye ithi anima? Ikemu itehi Persia kükapuu sasü kichighini ke ni ye idewove niae; eno kughou I no wuveni keno, julo, Greece kükapuu ighi nani.

DANIEL 11:30

Kughengu Kittim zükiluqo no pa mjochile ighi nani, eno pa ye msave no idewove nani, eno axukighide lono idewo akimthe puloshoqhi mjochile nani. Pa no ideighi no khunoqo no akimthe puloshoqhi pheve akeno panoqo lau amlotsü nani.

DANIEL 11:45

Eno azüghi ngo ajuküvü kimthe naghuto küma dolo aphiki kuloghi shiqhe nani. Ikemu khunomu pa kuphu mono pa ye ashekha shive nani.

DANIEL 2:35

Tithiu ayi, aghani, alazayi, ghükayi eno ameshoyi kümtsü aleqhi shi kümtsa kubove, eno mütsü tusho lo aniqa lo amuu toive no amülhü no tipaqo fusawuve, tishi kehu tipaqo ye kitilamu apashe mlave. Ikemu atu khipau no ajulho vephove keno ti ye naghuto kije lakhi shive eno ayeghiqha kümtsü nhachhive.

DANIEL 2:45

ti ye atu khikhi timi u no chhuthamo keu naghuto lono ipeghi keu nono ithulu, eno tino ayi, alazayi, aghani, ghükayi eno ameshoyi kubovetsü keno, tihu toike. Hipa thiu kiu shiniye ani keno akiqheu Lhou no akükau pelo ithivepe ani. Asamo huye thebei, eno tipau hekupho ye mtsüqhei ke.”

DANIEL 8:21

Eno ane hu ye Greece kükau. Pa nhethi dolo akibo kije akeu ye akükau atüghüu ke.

AKIKIHI 24:20

Tishino pa no Amalekmi küdau juno tungkuptsa hitoi pi, “Amalek ye shiyeqo dolo atüghüu, ikemu kütsakungo keu no pa shekuho shinani.”

AKIKIHI 24:23

Pa no paw tungkuptsa highi pitsü, “Oishe, Alhou no hi shikelo khuu no xülu nani kea?

MATTHEW 24:15

“Ikehu kughou Daniel tungkupu no pikeu aphikümqhüpu julho no akimthe-a lo puthugho aghikeu nongu no ithuluni keno (phikulumi no akiqi ithikuthu luvelo),

Luke 20:24

“Ghükayi lakhi I piyelo. Khuu julho eno tsathi chishida püani kea?” Panongu no pi, “Caesarw.”

John 11:48

Ningu no pa pelo hitoi shiauvepe aye, timi kümtsü no pa pülüveni cheni, eno Rommi no ighi no ni kimthe-a eno ni shiye leluve tsüni cheni.”