AKIKIHI 23:21 - Sumi Naga CL (Re-edited) Bible (BSI)

²¹ Pa ye Jacob hasapu ithulu amoe, momu Israel lo aküküpna ithulu amoe. Ampeu panongu Lhou ye pano gholo ani, akükau sütsa ye pano gholo anie.

BAIBEL (BSI)

²¹ Tithiu Israilmi ghenguno ino juchho puwo ithulu akeuye angukusapu momu akupuna kiumu li lau sughini chemoe. AMPEU panongu Lhou ye panoqo gholo anie; Paye panoqo kukau kepi panonguno asheshu cheni.

AKIKIHI 23:21 ပူးပေါင်းရင်းမြစ်များ

YEKIKITHI AKINIU 13:12

Julo, Alhou no ni sakipheu shino ni gholo ani, eno Pa chinemi no aghüshi fuko pesü nongu sasü aghü shinike kuniye kutope ani. O Israel nuliqo, Ampeu nongu puasü Lhou sasü aghüshi kevilo, kughengu nongu ye tomla nani.”

LESHELE 103:12

Kipelau no kulolau sasü putosüpe aketoi, Pa no ni launo ni xine titohi lo ikhipe wuve tsü cheni.

LESHELE 118:15

Amikuchomi phiki loye xakulu lokivi lekungo acheni: “Ampeu u ajeu no akughushu shi mlavae.

LESHELE 135:21

Zion lono Ampeu sheqhelo, khuu Jerusalem lo ani keno, Pa sheqhelo! Ampeu sheqhelo!

LESHELE 23:4

I no akithi yekükhü khila hechewu namu ni ye alhoksa kiumu msamoe, kughengu Nono I gholo ani; O küsü eno O qheküsü no I lokughuno tsü cheni.

LESHELE 32:2

Ampeu no khuno kipimi kihi tsümoni, khuno lolo pishikiqhi küha keno pa ye akümghapue.

LESHELE 32:5

I no I xine O lau pipheve eno I kipimi küsümoe; I no pi, “I kipimi Ampeu lau pipheni,” eno Nono I xine kipimi qhivetsü.

LESHELE 46:11

Aqokitikhi Mpeu ye ni gholo ani; Jacob Lhou ye ni sükusho liwo ke.

LESHELE 46:7

Aqokitikhi Mpeu ye ningu gholo ani; Jacob Lhou ye niw sükusho liwo ke.

LESHELE 97:1

Ampeu no ayepe ani, ayeghiqha pelo alovi pelo; züdoyeghi kutomo akeqo pelo alokivishi pelo.

LESHELE 99:2

Ampeu ye Zion lo akughushuu ke; Pa ye timiqo kümtsü shou akiqheu ke.

IPEKULU 13:21

Ampeu no panongu la kiche tsüniye puchou no khüngküsü tsükucho shi panoqo züu wu, eno putho lono aküvü tsüniye ami tsükucho shi, tishianguno panoqo pelo tsüküvü lo eno tsüküzü lo ghi chewulu peniye ke.

IPEKULU 3:12

Pa no pi, “Ikemu I no o gholo anani, eno I no o puwu akeu shi hi no o ghenguno amchipu shi nani: kughou nono timiqo Egypt lono saipeghini keno, no ye naghuto hipau lono Alhou qe nani.”

IPEKULU 34:9

Pa no pi, “Itehi O nhethe lo I kimiyeqhiyi ithulu aghi aye, O Ampeu, kimiyeno Ampeu no ningu gholo wu tsülo, kughengu hipaqo ye kuthovi kemie, ningu hekibide eno axine qhitsülo, eno O mheghi shi ningu ikhilu tsülo.”

ISAIAH 1:18

Ampeu no pi, “Ighilo, ningu itehi no kiqikuto juni: nongu xine no hughüi aghi namu, tipaqo pesü mürasü toi metsüghoive tsüni; akuhuphi toi huchuyi aghi namu, asüpha toi metsüghoive tsüni.

ISAIAH 12:6

Alovi igha ale phelo, O Zion lo küami, kughengu Israelmiw Akimthe Lhou nongu gholo akeu ye kijeke.”

ISAIAH 33:21

Aghüshi zükilu eno ashuka kije no wumla keu ghoki toi Ampeu no Pa kumto lono ni sasü tile anani.

ISAIAH 33:22

Kughengu Pa ye niw Xaküthau, Azakütsüu; Akükau ke; Pa no ni xalu nani.

ISAIAH 38:17

Kuchou no I no kukhukimji kije sholu keu ye I kivipu akehu kena; Nono I kimiye kelauno akumo ki lono I küxü xaphe tsüno I xine kümtsü pesü O thiu vepuwove tsüe.

ISAIAH 41:10

I no o sacheni ke msa kevilo; aghüthisü kevilo kughengu Ni ye o Lhou ke; I no o shikumto eno o kuphu nani, I chipiu mikucho pesü I no o süqhe nani.

ISAIAH 8:10

Kughu küqhaju lo, ikemu avehu shimo nani; atsa pijulo, ikemu tolumo nani, kughengu Alhou no ni gholo anie.

JEREMIYA 50:20

Tipa ghuloki lo Israel lo kiu xinemu phumla nani eno Judah lo kiu lhoksamu küha nani, kughengu I no khunoqo ghüpe qhive keno, tipaqo xine pevetsü nani.

EZEKEL 48:35

Mishighüna kubohu kimghi ye kilometer 9 anani. Eno tipa tsalani no mishighüna je ye, Ampeu ye tile ani, ipi kuve nani.”

JOYIL 2:27

Ni ye Israelmi gholo anie pi nongu no ithi nani, Ni ye Ampeu nongu Lhou eno I nguno kütami ye kühae. Iw timi ye khilemu shikukujo kitheve monani.

ACHINE 9:24

Ampeu zülono ami ipeghi no akipti kümllagho eno atha jeli akiptia lo akeqo pitive, ikehu kughou timi kümtsü no ti ithulu keno, panongu no ighau khave no ikiqi agi pishiqho luve.

AKIKIHI 14:18

‘Ampeu ye asheshino amloide cheni eno iqemokeu kikimiye no kupukuno, akipimi eno axine qhivetsü cheni, ikemu pimive keu xine ye khilemu nuxatsü mono atianuli tiqheli aküthüu abidiu kutolo pekishe nani.’

AKIKIHI 14:19

Nono Egypt lono hi kutolo timi hipaqo kipimi qhivetsü ketoi kimiyeno Ow iqemokeu kikimiye kije lono timi hipaqo kutokumo peve tsülo.”

AKIKIHI 16:3

Panongu no Moses ngo Aaron zülo kumqo luve püzü pama vilo pi, “Nokujo ye ihulovae! Kughengu ahohomi kümtsü no akimthemi ke eno Ampeu ye ningu kümtsü gholo anie. Tighenguno nokujo ye kushiye nokujo likhi nokujo pesü AMPEUw ahohomi kütamiqo nguno akiqheu kepi pükha ani kea?”

AKIKIHI 9:22

Atsala kini, momu aqhi ampe kutolo mu khüngküsü no Aphiki shou ake tivilo panongu ye itha mono ngoveche, eno tino ikuve kethiuno wuche.

MATTHEW 1:23

“Julo, ilimi huno mishipuve no anu lakhi punu nani, eno panongu no pa je Immanuel kutsü nani” (Immanuel kiqi ye Alhou no ni gholo ani).

Rommi 6:14

Kughengu nongu ye Ayezah qholo kumono küpükini qholou ani keke axine ye nongu qhasüve mo nani.

Rommi 8:1

Tighenguno itehi ye khunono Khristo Jisü laumi shive akeno, panoqo ye kileqhive kepu kühavae.

2 Kor. 2:14

Ikemu Alhou shikimthi, Pa no Khristo gholono alhokuthu ningu sasü aghü tolu no shekujo woche keshi cheni eno ningu vecheo Khristo kighithi xokütsüngü aqha kümtsü lo veküpha cheni.

2 Kor. 5:19

ti ye, Alhou no timi xine kihitsü mono Khristo küdau no ayeghiqha pesü Pa lau külashi ae, eno ningu shou alupekikili kümlapu piche tsüke.

2 Kor. 6:16

Alhou chineki ye ajulho sasü kiu lono pulokilelu kepu ani kea? Kughengu ningu ye aküxüpu Lhou chineki ke, ti ye Alhou no ishi pi ketoi, “I no panoqo gholo I kungoa shino pano gholo anani, I no panoqo Lhou shi nani, eno panongu no Iw timi shinani.

ZAKINIU 31:23

Eno Ampeu no Nun nu Joshua süküsü shino pa vilo pi, “Akumto shilo eno amlo mtolo, kughengu nono Israelmi sasü I no tushoqhi keu yeghi lo ilo nani, eno I no o gholo anani.”

ZAKINIU 32:5

Panongu ye kühakügha shivae, Paw timi kumovae kughengu panongu ye mithe movae; panongu ye küsakügha eno chighichilai keu tiqhelimi ke.

ZAKINIU 33:5

Ikehu alagha lo sakiphemi eno Israelmi kümtsü no kumqope akelono Ampeu no Jeshurun shou akükau shive.

ZAKINIU 9:24

I no nongu ithi ke tsalani no ishi kutolo nongu ye Ampeu hebide acheni.

XAKUTHAMI 6:13

Gideon no pa vilo pi, “I mpeu, I pelo inijulu pelo, Ampeu no ni gholo aniaye kushiye hi kümtsü ni pelo sholu anipe kea? Eno ni puasü no Paw akümzapu kümla ghili, ‘Ampeu no Egypt lono ni saipeghi ke kumo keshea?’ ipiche keqo khile ani kea? Ikemu itehi ye Ampeu no ni phevae eno ni pesü Midianmi u lo süve tsüae.”

SAMUEL ATUGHIU 25:28

Kimiyeno o qeu no alughi vecheve keu kipimi qhive tsülo. Ampeu ye mtsüqheino I mpeu küka shiqhetsü nani, kughengu I mpeu ye Ampeu ghüshi shicheni, eno nono xüake tivilo alhoksa ye o lolo ithulumo nani.