AKIKIHI 22:31 - Sumi Naga CL (Re-edited) Bible (BSI)

³¹ Tileno Ampeu no Balaam nhethi xükhotsü, eno pa no AMPEUw kungumi azütakikihi pesü alaghi lo puthugho aghikeu ithulu. Balaam no pa gi pishiqhope ayeghi lo ikiqive.

BAIBEL (BSI)

³¹ Tithiu AMPEU no Balam nhethi xukhotsu eno AMPEU wu kungumi huno pa zuta peqhe pesu alaghilo puthugho aghikeu pano ithulu eno Balam no pagi pishiqho pesu ayeghilo iluqive,

AKIKIHI 22:31 ပူးပေါင်းရင်းမြစ်များ

BOTHUBO 21:19

Tishino Alhou no li nhethi khaqhitsü, eno li no azükhe lakhi ithulue. Li no wuno ahughi lo azü shepichhi luve no azü anu piyeve.

YEKIKITHI ATUGHIU 21:16

David no Ampeuw kungumi atsütsü ngo ayeghi dolo puthugho no pa u lo azütakikihi süjope Jerusalem küdau chhopuwo aghi keu ithulu. Ikehu David ngo layemiqo no yeqhiyephi pepusü itsaqive.

LESHELE 9:20

Aküighüpu lo panoqo süvelo, O Ampeu! Shiyeqo pelo panongu ye timi kepi ithi pelo!

IPEKULU 34:8

Moses no mtazü ayeghi lo pa kütsü pishiqho luve no Ampeu mlla.

AKIKIHI 22:30

Khurha no Balaam khochile, “Ni ye nono o küxü kupuju lo iku chekeu khurha ke kumo? Ni ye hitoi o peitha cheni keshea?” “Moe” ipi pa no khochileve.

AKIKIHI 24:16

Alhou tsa chikuluu no pikeu tsa, pa ye Shishe Akiqheuw akighithi tsa ithi ani, pa no Akughushuuw kungunhetsü, anhethi süküqü mono ithulue:

AKIKIHI 24:4

Alhou tsa chikuluu no pikeu tsa, pa no Akughushuuw kungunhetsü anhethi süküqü mono ithulue:

Luke 24:16

Ikemu pa michilu peni keu nhetsü pama tsümove.

Luke 24:31

Tileno pama nhethi xükhotsü eno pama no pa michiluve. Ikemu pa ye tipa mtsa pama zülono hauve.

John 18:6

Kughou Jisü no panoqo vilo, “Ni ye pake” ipi keno, panongu ye athiu idewove eno ayeghi lo iluqive.

Apostolmi 26:18

panongu nhethi xükho tsüno no aküzü lono aküvü lo ipeghilu, eno Satan küka lono Alhou lau tsüghü ighilu, tishino panongu pelo axine qhikütsü ithulu no I lau aküpülü akeu vecheo shikimtheve kemi gholo a-a ithulu peni.’

JOSHUA 5:13

Kughou Joshua no Jericho kupunu ighi keno, pa no ju kelaye timi lakhi azütakikihi pa u lo pesü aghi keu ithulu. Joshua no pa lau wuno pi, “No ye ni laumi keo, ni ghümi laumi kea?”

JOSHUA 5:14

Timi huno khochile, “Moe, Ni ye Ampeuw ghüshimi zatsüu ke.” Joshua no ikiqi pa gi no ayeghi dape mlla no pi, “I mpeu ye pa qeu pelo kiu shipenishi ani kea?”