AKIKIHI 22:12 - Sumi Naga CL (Re-edited) Bible (BSI)

¹² Alhou no Balaam vilo pi, “Timi hipaqo gholo wu kevilo eno no ye timi hupaqo müsüini kevilo kughengu panongu ye kükümgha timiqo ke.”

BAIBEL (BSI)

¹² Alhou no Balam vilo pi, “Timi hipaqo gholo wukevilo kughengu panonguye iwu kukumgha puanike.”

AKIKIHI 22:12 ပူးပေါင်းရင်းမြစ်များ

BOTHUBO 12:2

I no o pesü shiye kije shitsüni, I no o kümgha tsüni, eno o je kije shitsüni, tishianguno no ye kükümghau shipeni.

YEKIKITHI AKINIU 31:10

Zadok limi achinetou Azariah no pa vilo pi, “Timiqo no Ampeu kilo agho süghi thuke ningu ye chu ani eno lukümkha shino achili ghi shive ani, kughengu Ampeu no Paw timiqo kümgha tsü kehu ningu ye hijeje achili ipeghi ani.”

LESHELE 144:15

Khuno shou kükümgha hipaqo ikughini keno alokivipue! Khuno Lhou no Ampeu keno pano lokivipue!

LESHELE 146:5

Khunono Jacob Lhou launo akukuphu lucheni keno, khunow lajupu no Ampeu Alhou lau ani keno alokivipue,

ISAIAH 61:9

Pano tikughuko ye shiyeqo gholo ajekipi shi nani; eno panoqo lagha ye timiqo gholo ajekipi shi nani; panoqo ithulu kemi kümtsü no panongu ikhilu nani, eno panongu ye Ampeu launo ighi kemi ipi nani.

MICAH 6:5

O Iw timiqo, Moab kükau Balak no kiu kuchughu, Beor nu Balaam no kiu pa khochile, Shittim lono Gilgal kutolo kiu shikeno kümsülu lo, eno AMPEUw achipiu kümla nongu no ithi nani.”

AKIKIHI 22:11

‘Julo, Egypt lono ashiaye lakhi ighi no ayeghi küzü luvae. Itehi ighi no panoqo müsüinive tsülo. Ishiake I no panongu sasü küpüghü no haleve luvike.’”

AKIKIHI 22:13

Ikehu Balaam no thanau Balak ghinimi vilo pi, “No ghakhu lo idewove lo kughengu Ampeu no I pelo nongu gholo wupemo nikeu shivae.”

AKIKIHI 22:6

Ikehu ighi no timi hipaqo müsüinive tsülo. Kughengu panongu ye I nguno akumtou shi ani. Ishiake I no panongu theqhive no aghakhu lono haleve luvi, kughengu nono khuu kümghatsü cheni keno pa ye mügha cheni, eno nono müsüinive keu ye angusüpu shive chenie.”

AKIKIHI 23:23

Kughengu Jacob shou pipütha keu kiumu kühae, momu atumu kiumu kühae; itehi ye Jacob ngo Israel vilo pi nani, ‘Alhou no kiu shitsü keno julo!’

AKIKIHI 23:3

Tithiu Balaam no Balak vilo pi, “O kipti kümllagho phivilo puthugholo, eno I no wuno Ampeu ye I sasü kusho nani kemo keno juni. Pa no kiu kiumu I piyesü keu I no o vilo pitsüni.” Tishino pa ye atoghi kütsüqa lakhi lo ikuve,

AKIKIHI 23:8

Ni ye kishino Alhou no ghushomo kemi ghushoni kea? Ni ye kishino Alhou no müsüinimo kemi müsüinini kea?

AKIKIHI 24:9

Panongu no abongshuu toi ipu itsaqi ngo nani khuu no küdaputhu nani kea? Khunono o kümgha tsüni keno akümghapue, eno khunono o müsüinini keno angusüpue.”

MATTHEW 27:19

Tilikhi kumono Pilate no küghakütha lakhü lo iqa akelo pa nipu no atsa lakhi pa lau pi puwu, “Amikuchomi tipau shou kiumu shikevilo, kughengu iji I samou no ni ye pa ghenguno shishe imevae.”

Rommi 11:29

Kughengu Alhou no tsükeu gho ngo Pa no kuluve keu huye ikhichilelu mlae.

Ephesiami 1:3

Ni Mpeu Jisü Khristo papu Alhou, khuu no kungugha kiqhe-a lono aghungu lo kükümgha kümtsü pesü Khristo küdau no ningu kümghatsü keno, sheqhe küzüe,

ZAKINIU 2:7

Ampeu nongu Lhou no nongu kümla thokha kümgha tsüe. Nongu no hi asayeqha katha chekeu Pa no ithi ani. Hi ampe lhobidi Ampeu nongu Lhou no nongu gholo ighive ake nongu ye kiumu püqümoe.”’

ZAKINIU 23:5

Ikemu Ampeu nongu Lhou no Balaam tsa initsü moe; Tishinike züqhulo Ampeu nongu Lhou no ghukusho pesü kükümgha lo süve tsüe, kughengu Pa no nongu kimiye ke.

ZAKINIU 28:6

Now ikipe ikulo lo kümtsü kümghatsü nani.

ZAKINIU 33:29

O Israel, o lokivipue! O toike khuu ania, Ampeu no xaluve keu timi, o kuphu chekeu züto, eno ow tokulu zütakikihi! O ghümi no kimiye tsülopi o lau ighi nani, eno nono pano neda nani.”

ZAKINIU 7:14

Ashiaye kümtsü nguno alau nongu kümghatsü nani. Nongu gholo kiptimi totimi khumu anuhami shimo nani momu nongu tsüaqu namu lakhimu iqovemo nani.