AKIKIHI 21:7 - Sumi Naga CL (Re-edited) Bible (BSI)

⁷ Ikehu timiqo no Moses lau ighi no pi, “Ningu no Ampeu shou eno o shou axine shivae. Itehi ye Ampeu vilo inikhu tsüno apighi hipaqo süwuve tsüpelo.” Ikehu Moses no timiqo ghenguno inikhu.

BAIBEL (BSI)

⁷ Timiqono Muse lau ighi no pi, “Ninguno AMPEU shou eno oshou atsa kumo pivekeu lono axine shivae. Itehiye AMPEU vilo inikhu tsuno apighi hipaqo ikhisuwuve tsupelo.” Tighenguno Muse no timiqo ghenguno inikhu.

AKIKIHI 21:7 ပူးပေါင်းရင်းမြစ်များ

BOTHUBO 20:17

Tishino Abraham no Alhou lau inikhu, eno Alhou no Abimelek eno pa nipu ngo totimi aqemi ghi shipivi tsüe, tishikeu lono panongu ghi atianuli punulue.

BOTHUBO 20:7

Ikehu itehi, timi nipu hu tsüchileve lo, kughengu pa ye tungkupu ke pa no o ghenguno inikhu tsü nani, eno no ye xülu nanie. Ikemu tsala nono li tsüchile moaye, no eno o gholo akeqo kümtsü mtsüqheino thive nanie pi ithilo.”

KUKAMI ATUGHIU 13:6

Akükau Jeroboam no Alhou timi vilo pi, “I ghenguno Ampeu o Lhou vilo inikhu tsülo eno I u hipau shipivi tsülo.” Alhou timi no Ampeu vilo inikhu tsü, eno akükau u ye athoputho luve.

KUKAMI AKINIU 13:4

Tile Jehoahaz no Ampeu vilo inikhu, eno Ampeu no Syria kükau no kishi Israelmi shikimighi ani keno ithulu no pa kighini chilutsü.

JOB 42:10

Kughou Job no pa küsami ghenguno inikhutsü keno, AMPEU no pa ngukümgha tsüchileve. AMPEU no püzüu nguno ghuthu kinino vekighishe no Job kümghatsü.

JOB 42:8

Tighenguno itehi ye amshitsü ngo ambetsü tsünini pesü I qeu Job lau wuno nongu ghenguno akipti kümllagho shilo. Eno I qeu Job no nongu ghenguno inikhu tsünani, I no pa kighini chiluve tsüno nonguw mbomzü qhemi akipimi tsümoveni. Kughengu nongu ye I qeu Job toi I ghili pitsümoe.”

LESHELE 106:23

Tighenguno Pa no panoqo kütsaveni ipi— Paw kishekiphe qeu Moses no Pa zülo puthugho moke aye, Pa loghu no panoqo kütsave niye akeu süchile mlani cheke.

LESHELE 78:34

Kughou Pa no khami pithive keno, panongu no Pa phuighi; Panongu no xaide no amlo tsüqhiyi Alhou phuighie.

IPEKULU 10:17

Tighenguno, kimiyeno itehi I kipimi qhive tsülo, hi likhi ake, eno Ampeu nongu Lhou vilo I launo akithi hipau ikhive tsü penike inikhu tsülo.”

IPEKULU 32:11

Ikemu Moses no Ampeu pa Lhou qhüiniju no pi, “O Ampeu, kushiye Ow timi, khunoqo Nono aküka kije eno akughushu u pesü Egypt yeghi lono saipeghi keno, panoqo shou O loghu no shukuthui piti amasa kea?

IPEKULU 32:30

Thoghiu Moses no timiqo vilo pi, “Nongu ye axine kije shivae. Itehi I no Ampeu lau iqhoni; ishiake I no nongu xine pevetsü luvike.”

IPEKULU 8:28

Ikehu Pharaoh no pi, “Tsala nongu no kushuo lo wumo kepu shi aye, I no nongu pelo yenguyike-a lo wuno Ampeu no Lhou lau aghashilu peni. I ghenguno inikhu tsülo.”

IPEKULU 8:4

Achuyiqo no o shou, ow timiqo shou eno o qemi kümtsü shou ikughive nani.”’”

IPEKULU 8:8

Tileno Pharaoh no Moses ngo Aaron kuno pi, “I lau eno Iw timi launo achuyiqo ikhi süwuve tsü penike Ampeu lau qhüiniju tsülo, eno I no timiqo pelo Ampeu lau aghakishi tsülu penike puwunie.”

ISAIAH 26:16

O Ampeu, Ow timiqo ye aveküsa lono O phucheni, kughou Nono pano sakiyi keno panoqo no itamjui O lau inikhu.

JEREMIYA 15:1

Ampeu no I vilo pi, “Moses ngo Samuel pama no I zülo puthugho püaghi namu, I mlo ye timi hipaqo lau tsüghü ighimo nani. I zülono panongu hapheve no puwuve lo!

JEREMIYA 37:3

Akükau Zedekiah no Shelemiah nu Jehucal, eno Maaseiah nu achineu Zephaniah pama tungkupu Jeremiah lau puwu no pipe, “Kimiyeno Ampeu ni Lhou lau ni ghenguno inikhu tsülo.”

HOSIYA 5:15

Panongu no pano kipimi ithi no aghime lono müamzü I phuighi moke kutolo Ni ye itaghi I kungo-a lo ideighive nani.

AKIKIHI 11:2

Tileno timiqo no Moses lau ighamku, eno pa no Ampeu lau inikhu kelo ami inheilove.

MATTHEW 27:4

eno pi, “Küqümo keu timi thechuve keu lono I no axine shivae.” Panongu no khochile, “Nino kiu shitsü lopi kea? Ti ye o makhoae.”

Apostolmi 8:24

Simon no khochile, “Nono pive keu lakhimu I shou ighi pemoni ke I ghenguno Ampeu vilo inikhu tsülo.”

Rommi 10:1

Athiküzümiqo, I mlo no laju eno I kighini Alhou lau akeu ye niw timi Israelmi pelo xaluve penishie.

ZAKINIU 9:20

Ampeu ye Aaron shou ghi shishe aloghu ideve no pa kütsave niye shive, ikemu tipa tüqhüdo lono I no Aaron ghengu ghi inikhu tsüe.

James 5:16

Tighenguno lakhi no lakhi lau nongu xine piphelo eno lakhi no lakhi ghenguno inikhu lo, tishianguno nongu ye viluve nani. Amikuchomi kighini ye aküka kije ani kughengu tino mlaitha achenie.

SAMUEL ATUGHIU 15:24

Saul no Samuel vilo pi, “I no axine shivae, kughengu ni ye Ampeu zakütsü eno o tsa lumove keu xine shivae, kughengu ni ye timiqo msave no panongu tsa luve ke.

SAMUEL ATUGHIU 15:30

Saul no pi, “I no axine shivae; tishimu Iw timi layemi eno Israel zülo I gihu tsülo eno I gholo idewo tsülo, tishino I no Ampeu o Lhou zülo itsaqini.”