AKIKIHI 21:34 - Sumi Naga CL (Re-edited) Bible (BSI)

³⁴ Ikemu Ampeu no Moses vilo pi, “Pa msa kevilo kughengu I no pa ngo paw timi eno pa yeghi kümtsü o tsüvae eno nono Heshbon lo achekeu Amorimi kükau Sihon lau shike toi pa lau ghi shinani.”

BAIBEL (BSI)

³⁴ Tileno AMPEU no Muse vilo pi, “Pa jupe msa ichi kevilo. Ino pa shou ngo pawu timiqo kumtsu eno pa yeghi shou opelo toluvepe nani. Nono Amarimi kukau Sihon, Heshbon lo ayehkipeu shou kiu shikeno tipaphi shi pa shou ghi shitsulo.”

AKIKIHI 21:34 ပူးပေါင်းရင်းမြစ်များ

SAMUEL AKINIU 5:19

David no Ampeu vilo ighiju, “Ni ye Philistiami mjochile nike iqho kepu kemo kea? No ye I u lo panoqo phesü tsüni kema?” Ampeu no David vilo pi, “Iqholo, kughengu I no mtsümishei o u lo Philistiami phesüve tsüni.”

KUKAMI ATUGHIU 20:13

Tile tungkupu lakhi no Ahab lau ighi no pi, “Ampeu no ishi piani, No ye ghüshimi aqokitikhi ithulu anima? Julo, ishi tsala lono I no hipaqo o u lo sütsüni, tishianguno o pelo Ni ye Ampeu kepi ithi penie.”

KUKAMI ATUGHIU 20:28

Alhou timi huno ighi no Israel kükau vilo pi, “Ampeu no ishi piani, ‘Syriami no, “Ampeu ye atoghiqo lhou kethono akhila lhou kumoe,” ipi kehu I no hi aqokitikhi kümtsü pesü o u lo süve tsüni, eno nono Ni ye Ampeu kepi ithi nani.’”

KUKAMI AKINIU 3:18

Hi ye Ampeu zülo ye mlalei aphie. Pa no Moabmi ghi nongu u lo süvetsü nani,

ISAIAH 41:13

Kughengu Ni Ampeu, o Lhou no, o u ajeu sünhepe anike; I no o vilo hi piani, “Msa kevilo, I no o kuphu nani.”

AKIKIHI 14:9

Ampeu hebide keu likhi shikevilo. Eno tilau xüküami msa kevilo, kughengu nino asho chu akeshi mlalei pano munove nani. Ampeu no ni gholo ani, eno panow sükusho ye ikhipe wuvae; panongu msa kevilo.”

AKIKIHI 32:4

aghakhu khikhi Ampeu no Israelmi zülono kütsakungove keno, hipaqo ye pichepighi yeghi shi ani, eno ningu ye kutomo ani.”

ZAKINIU 2:30

Ikemu Heshbon kükau Sihon no ningu pelo pa ghakhu katha pemoe, kughengu Ampeu nongu Lhou no pa pelo kuthovi eno hebideve pe, tishikeu lono Pa no ishi kutolo tishi acheke toi panoqo pesü nongu u lo süvetsü niye ke.

ZAKINIU 20:3

‘Inilo, O Israel, ishi tsala lo nongu ye aghümi sasü küpüghü nike cheni, amlo loti kevilo. Msa kevi, amlo hauve kevi momu pano jukichive kevilo,

ZAKINIU 3:1

“Tithiu ningu no tsüghüsü Bashan lo iqho. Ikelo Bashan kükau Og no paw timi kümtsü hekütsüpe ningu sasü aghü shinike Edrei lo ighi.

ZAKINIU 3:11

(Rephaim lagha lo ghükulumi gholo Bashan kükau Og likhi ache. Pa lüpa ye ayi lüpa, ti ye Ammonmi yeghi lo Rabbah lo anike kumo? Ti ye akushulau aunhekipshe chighiküthü tüxa, akijelau no aunhekipshe tsügho.)

ZAKINIU 31:6

Akumto shilo eno amlo loghilo, panongu msa momu juighü kevilo, kughengu Ampeu nongu Lhou no nongu sasü chenani. Pa ye nongu phevemo momu qhivemo nani.”

ZAKINIU 7:17

“Tsala nongu no amlo lono, ‘Shiye hipaqo ye I nguno akijeu ke ni ye kishino hipaqo kütsaluni kea?’ ipi aye,

ZAKINIU 7:18

panongu msa kevilo, ikemu Ampeu nongu Lhou no Egypt lo Pharaoh ngo paw timiqo lau kiu shikeno kümsülu lo.

ZAKINIU 7:21

Panongu jumsa kevilo, kughengu akijeu eno aküighüpu Lhou Ampeu no nongu gholo ani.

ZAKINIU 7:24

Pa no panow kükami pesü nongu tsüve nani eno nongu no atsütsü qholono pano je pühave tsü nani. Khunomu nongu sasü kumjo lumo nani.

JOSHUA 10:25

Tishino Joshua no panongu vilo pi, “Msa momu amlo tülalo kevilo ikemu amlo loghilo kughengu Ampeu no nongu ghümi kümtsü shou titoi shi nani.”

JOSHUA 10:8

Ampeu no Joshua vilo pi, “Panongu msa kevilo, I no panoqo pesü o u lo süve tsüae. Panongu lakhimu o zülo puthugho lumo nani.”

JOSHUA 8:7

Tishi kemtsa nongu no aküghütshü-a lono ipeghi no aphughi botha luvelo kughengu Ampeu nongu Lhou no nongu tsü nani.

XAKUTHAMI 11:30

Jephthah no Ampeu lau ishi tushoqhi, “Nono Ammonmi I u lo sütsü aye,

SAMUEL ATUGHIU 23:4

David no itaghi Ampeu ighiju. Ampeu no khochile, “Ithu no Keilah lo wulo, kughengu I no Philistiami o u lo süvetsü nani.”