AKIKIHI 19:18 - Sumi Naga CL (Re-edited) Bible (BSI)

¹⁸ Tithiu mithe akeu timi no ayilobo pesü azü lo tipau chosü no aphiki shou, tinhemghaqo shou, timi tile akeqo shou, eno khuu no asaghi buve, momu akumo eno akumoki buve keno pa shou küzüte pukulo.

BAIBEL (BSI)

¹⁸ Tithiu achinelo mithe akemi lakhino ailobo loka lakhi pesu azulo tipau chosuno aphiki kuzute, tile akeu kumtsu kuzute, timi tile aghikeqo kuzute eno timi khuno asaghi dilu momu akumoki bulu keu shou ghi azu kuzute pukulo.

AKIKIHI 19:18 ပူးပေါင်းရင်းမြစ်များ

LESHELE 51:7

Ayilobo pesü I shikimthe tsülo, eno ni ye mithelu nani; I qhukimthe tsülo, eno ni ye mürasü nguno metsüghoive nani.

LESHELE 51:9

I xine lono O gi küsüve tsülo, I kipimi kümtsü nuxave tsülo.

ISAIAH 52:15

ikemu itehi ye Pa no shiye kutomo süküthü nani. Pa jupe kükami no pano kichi kujukha luve nani; kughengu panongu vilo khilemu piphemo keu ithulu ani, eno khikhi panongu no chimla aphi keno ti vethalu ani.

AKIKIHI 19:17

Mithekumo ikhive nike ghenguno, axine kipti kümllagho yevu pesü abohu lakhi lo süno azü kütsüghü lesülo.

AKIKIHI 19:19

Atsala aküthüni eno akütsüniuni mithe akeu timi huno azü pesü mithekumou shou küzüte pukulo. Tishino akütsüniuni ye pa ye mithe luve nani, pa no aphimini ishive eno azü kuchhuve kethiu avelau ye mithe luve nani.

AKIKIHI 19:9

Timi khuu no mithe ani keno pa no amishi kipti yevu xukumqo pesü aghazü khalau akimthe-a lo qhini. Ti ye Israelmiw mithekumo qhukimthe chekeu zü gholo peitha kepushi qhivelo. Hi ye axine kümllagho ke.

John 17:17

Kuchou pesü panoqo qhukimthe tsülo, O tsa ye kuchou ke.

John 17:19

Eno panoqo ghenguno I no ni ampi kishekimthe ani, tishianguno panongu ghi kuchou lono pano qhukimthe peniye ke.

1 Kor. 1:30

Pa ghenguno nongu ye Jisü Khristo lau kimepe ani, ni ghenguno Khristo ye Alhou launo ighikeu lokütsü, amikucho, shikimthekütsü, eno xachilekulu ke.

IBRIMI 9:14

Khristo, khuu no lhokta Ghungu vecheo tukutiye kühano Alhou lau pa ampi pephe tsü keno, pa ji ye tinguno alau ningu pelo aküxüpu Lhou huthu peniye akithipu kümla lono niw kiviküsa lotsü shikimthe tsülu nani.

IBRIMI 9:19

Moses no timi kümtsü lau Ayezah lo azakütsü lakhikhi no sheshu kelo, pa no amshiti ji ngo ane ji pesü azü, ayiloni eno ayeho kuhu gholono Ayezah kaku ngo timi kümtsü shou küzüte puku,