AKIKIHI 14:34 - Sumi Naga CL (Re-edited) Bible (BSI)

³⁴ Nongu no atsala lhobidi lono ayeghi puju ketoi atsala lakhi no ampe lakhi kiqi shino nongu ye ampe lhobidi no xine makho xapu niae, tileno nongu no I mlokiqi kumo ithi nani.’

BAIBEL (BSI)

³⁴ Nonguye nongu xine jume ampe lhobidi ime nani, nonguno ayeghi xujuwu kelo tsala lhobidi luvekeu hu atsala lakhikhino ampe lakhikhi qhemi shive peni. Nonguno ipelo nongu shou akumou shipeniye shikeu kiqiye kiukeno nonguno ithi nani!

AKIKIHI 14:34 ပူးပေါင်းရင်းမြစ်များ

KUKAMI ATUGHIU 8:56

“Ampeu khuu no piqhi püake toi akulhokiqhi pesü Israelmi tsü keno Pa sheqhelo. Pa qeu Moses vecheo ashoqhi kivi shikeu atsa lakhimu tomlave moe.

YEKIKITHI AKINIU 36:21

Ampeu no tungkupu Jeremiah vecheo pi püakeu shikupu ghi ampe lhotsüni kupu moke kutolo, aghakhu no Sabbath kulhokiqhi ithulue; pighive keu do kupuju yenguyive.

LESHELE 105:42

Kughengu Pa no Abraham, Pa qeu, eno Pa kimthe shoqhi kümsülu ke.

LESHELE 38:4

Kughengu I kipimi no I kütsü shou ikughivae; akho kimshi toi, ti ye I ghenguno ighono mishisheivae.

LESHELE 77:8

Paw iqemokeu kikimiye ye alholo kishekhave akeshea? Paw pikiqhitsa ye alhokuthu ghenguno tave akeshea?

LESHELE 95:10

Ampe lhobidi kutolo I no pano tiqheli jupe I phimqhü eno pi, “Panongu ye pano mlo lono kauve kemi timiqo, eno panongu ye I laghi ithi move.”

EZEKEL 14:10

Panongu no pano ghime puqhe nani—tungkupu ngo kighinikile ighikeu pama aghime aphiphi shi nani—

EZEKEL 23:35

Tighenguno Ampeu Alhou no ishi piani: Nono I kümsümave eno I pesü o thiu qhiveke ghenguno no ampi no o salha ngo kütüqha keu shekichile xapu masa nani.”

EZEKEL 4:5

Kughengu I no atsala 390 kihithape o tsü ani, ti ye panoqo ghime kikihi mpe qhemike. Titohi no ye Israel laghami ghime xapu nani.

EZEKEL 4:6

Eno kughou nono tipaqo shitaveni keno, no ye akiniu ihozü nani, ikemu tithiu ye o u ajeu küdau, eno Judah laghami ghime xapu lo. I no atsala lhobidi kihithape o tsü ani, ampe lakhikhi ghenguno atsala lakhikhi.

DANIEL 9:24

“Ow timi eno ow akimthe mishighüna ghenguno hekibide tave, axine kishekhave, küsakügha ghenguno aghashilu, pülhapuju achipiu mikucho süghilu, kungunhetsü ngo tungkuptsa mekhave, eno shishe akimthe-a nukishelu peniye apinedo lhotsüni za tsüvae.

HOSIYA 9:12

Panongu no atianuli saputhu namu I no pano mlo ghujushi pithikhave tsü nani. Kughou I no panongu qhiveni keno panongu ye ahasapue!

ACHINE 20:19

Timi lakhi no paza tsünipu momu papu chelimi sazüve aye, akiphikumo tipau ghenguno pama ye aghime xapuni.

ZEKHARIA 11:10

I no Iw Qhuivülai keu küsü ikhiluve no ashiaye kümtsü sasü puloshoqhi shikeu hexave ghi ti süchheve.

AKIKIHI 13:25

Atsala lhobidi thiu ayeghi pujuwu kemi no idechile ighi.

AKIKIHI 18:23

Levimi no kuposhukulu phiki lo hukuthu kümla shini eno panongu ye panow shikipimi xine punani. Ithamo keu pimheye hi ye ighini keu tiqheli kutolo peni eno Israelmi gholo panongu ye khilemu amheghi ighi moni.

AKIKIHI 32:13

Ampeu no timiqo shou amloideve no Pa zülo axine shive keu tiqhelimi no thikhave moke kutolo panoqo pelo asayeqha lo ampe lhobidi itsü chewuve peke.

Apostolmi 13:18

Ampe lhobidi kutolo Pa no asayeqha lo panongu sache.

ZAKINIU 2:7

Ampeu nongu Lhou no nongu kümla thokha kümgha tsüe. Nongu no hi asayeqha katha chekeu Pa no ithi ani. Hi ampe lhobidi Ampeu nongu Lhou no nongu gholo ighive ake nongu ye kiumu püqümoe.”’

IBRIMI 4:1

Tighenguno Alhou kulhokiqhi-a lo iloni ke piqhi püakeu tüqhüdo lo ningu msaighüni nolo, tikumo aye kutou milakhi nomu ti tomlave nosae.

JOSHUA 14:10

Itehi julo, Ampeu no pike toi, Israelmi no asayeqha lo cheke lono Pa no Moses vilo hipa tsa pikeu ishi kutolo ampe lhobidi pungu shivae eno I pelo xü aghipe. Eno itehi ni ye ampe lhotache pungu shivae.

Piyeküsü 11:3

I no kükagha pesü I shepemi kini tsüni, eno pama no kumshophi pepusü atsala 1,260 kutolo tungkuptsa sheshu nani.”

SAMUEL ATUGHIU 2:30

Tighenguno Ampeu, Israel Lhou no asheshu ani: ‘I no o kibolomi eno o puasüqo kibolomi pelo pülhapuju I zülo ipeilo peniye ashoqhi shike,’ ikemu itehi ye Ampeu no asheshuvae: ‘I launo putosüve lo, kughengu khunono I gihuni keno I no gihu nani, eno khunono I thaighani keno tipaqo thaigha nani.