AKIKIHI 14:22 - Sumi Naga CL (Re-edited) Bible (BSI)

²² Egypt lo eno asayeqha lo khunono Iw amchipu jeli eno I juküvü ithulu keghi ghuthu chighi piqi I peju eno I hebide keno, tipaqo lakhimu

BAIBEL (BSI)

²² timi hipaqo lakhimu ayeghi hupaulo ilokulupushi xu alumo nani. Panonguye ino sa akeu saghu saghui keu kuvu ithuluvae eno Ijip lo ngo asayeqhalo ino akichiqhipu kumla shikeu ithuluvae ikemu panonguno anguno anguno iwu kutuukulu ghukejuke eno ihebide auveke.

AKIKIHI 14:22 ပူးပေါင်းရင်းမြစ်များ

BOTHUBO 31:41

Hi ampe muku ni ye o kilo ngovae. O nga pama ghenguno I no ampe chighibidi o qe, eno ampe tsügho no o tsü-aqu ghenguno, eno nono I jume ghuthu chighi kilive tsüe.

BOTHUBO 31:7

tishimu pa no I pishiqhive eno I jume ghuthu chighi kilive tsü. Ikemu Alhou no I ghüza peni keu puloza pa tsümoe.

JOB 19:3

Hi ghuthu chighi piqi nongu no I thaighavae; nongu ye I lau akumou shini keu kujomo keo?

LESHELE 106:14

Ikemu yenguyike-a lo panongu ye ghasükümla shi mihemzaive, eno asayeli lo Alhou ghükeju keu shive;

LESHELE 106:26

Tighenguno Pa no Pa u süqhe no panoqo vilo tushoqhive eno Pa no panoqo pelo yenguyike-a lono thivepe,

LESHELE 78:41

Anguno anguno panongu no Alhou ghukeju ke, eno Israelmiw Akimtheu mlo ghimepu süghike.

IPEKULU 14:11

Panongu no Moses vilo pi, “Egypt lo akumoki kühave kehu no ye ni sawo asayeqha lono pithiveni ye shi ani keshea? No ye Egypt lono ni sasü ipeghi no ni lau kiu shive akea?

IPEKULU 15:24

Timiqo no Moses lau muchho ghi pi, “Ningu ye kiu yeni kea?”

IPEKULU 16:2

Asayeqha tileno Israelmi qoaho kümtsü no Moses ngo Aaron shou muchho thuve,

IPEKULU 17:2

Tighenguno timiqo no Moses sasü mtouve no pi, “Azü yekepu ni tsülo.” Moses no panoqo vilo pi, “Nongu ye kushiye I sasü muto ani kea? Nongu ye kushiye Ampeu peju ani kea?”

IPEKULU 17:3

Ikemu tilehi timiqo ye ighono tüghüthive, eno Moses shou muchho no pi, “No ye kushiye ningu eno ni tianuli ngo atsü-aquqo atüghü lono pithiveni ye Egypt lono saipeghi kea?”

IPEKULU 17:7

Ikehu pa no tipa-a pesü Massah eno Meribah kuvetsü, kughengu Israelmi no mtomshu eno Ampeu peju ghi, “Ampeu ye ni gholo ani kemo kea?” ipike ghenguno ke.

IPEKULU 32:1

Kughou Moses no naghuto lono iqighini keu süpushu auve keu timiqo no ithive keno, panongu no Aaron lau hekütsü luve no pa vilo pi, “Ithulo, alhou khunono ni züu shi wunani keno, ningu ghenguno mla tsülo. Moses hipau, Egypt lono ni saipeghi keu ye pa lau kiu shive akeno ningu ye ithi movae.”

IPEKULU 5:21

eno panongu no pama vilo pi, “Ampeu no nokujo ithulu no küghatha peniu, kughengu nokujo no ningu pesü Pharaoh ngo pa qemi zülo kumthu kümna shive tsüae, eno ni ghiqhive peniye azütakikihi panoqo u lo süve tsüae.”

ISAIAH 42:20

Pa ye thime kutomo ithulu cheni kemu chheju chemoe; pa kini ye xukhope ani kemu chilu chemoe.

DANIEL 1:20

Eno akükau no panoqo vilo alokütsü eno vethakulu vehu ighiju ke kümtsü lo panoqou no kükaqha lo küdüumi eno shiküghüzü chekeqo nguno ghuthu chighi akiviu shi pa no ithulu.

MALAKI 3:15

Ikemu itehi ye ningu no akuchhomami vilo müghae pi ani. Küsaküghami ye kinikülü shiluke likhi kumono Alhou peju no pokaluve cheni.’”

AKIKIHI 11:1

Timiqo no pano veküsa pesü Ampeu no chikulupushi muchho thuve kehu Ampeu no chilupe shishe amloideve, eno Pa miküqü no panoqo dolo iqü ipeghi püzü tino aghazü khalau a-a hami pitive tsü.

AKIKIHI 11:4

Tithiu Israelmi gholo xukütshüve kemi chekeqo no achuqupu mine kütüve, eno Israelmiu ghi muchho thuve no pi: “O ningu no ashi chukepu kitilamu aghi keaye lae!

AKIKIHI 12:1

Moses no Cush ghalimi sasü külave kehu Miriam ngo Aaron pama no pa lachile thuve.

AKIKIHI 14:11

Ampeu no Moses vilo pi, “Timi hipaqo ye khitohi I jukünatha anani kea? Eno I no panongu gholo amchipu kümtsü mlave pülaghi panongu ye khitohi I pülü mono anani kea?

AKIKIHI 14:2

Eno Israelmi kümtsü no Moses ngo Aaron shou muchho eno pi, “Ningu ye Egypt lou no thiveke pavini chekeghi lae! Momu hipau sayeqha lono thiveke pavini chekeghi lae!

AKIKIHI 32:12

Kenimi Jephunneh nu Caleb ngo Nun nu Joshua pama likhino ilo nani, kughengu pama ye amlo kuchopu pesü Ampeu pape ke.’

MATTHEW 4:7

Jisü no pa vilo pi, “Itaghi ishi yepüani, ‘No ye o Mpeu o Lhou ghuju kevilo.’”

1 Kor. 10:5

Ikeghi, Alhou ye panongu kutomo shou amlo qimove, ikehu asayeqha lono panongu apanaghave.

1 Kor. 10:9

Ningu ye Khristo peju kepu kumoe, kughengu panongu khami no tishi kelono apighi no mighiqhive,

ZAKINIU 9:7

Asayeqha lo nongu no kishi Ampeu nongu Lhou loghu xukutho keno kümsülu lo. Egypt qhiveke tsalani no a-a hipau lo ighi moke kutolo, nongu ye Ampeu hebide ighivae.

IBRIMI 3:9

no puasüqo no ampe lhobidi kutolo tilau no I ghükeju eno I kümlaqo ithulu püani.