AKIKIHI 14:21 - Sumi Naga CL (Re-edited) Bible (BSI)

²¹ Ikemu I juküvü no ayeghi kümtsü yepüvü anani ke Ni Xüküau no hi piqhi ani,

BAIBEL (BSI)

²¹ Ikemu ino tushoqhi akeuno niye xu achenikeke,

AKIKIHI 14:21 ပူးပေါင်းရင်းမြစ်များ

LESHELE 57:6

Panongu no I pukhu lo ayitho thepe qhitsüe; I ngulho no aghimeküsa shive. Panongu no I la lo aqo chhupe qhi, ikemu pano likhi pano no tile ikiqi ilovae.

LESHELE 72:19

Alhokupuju Pa juküvü je sheqhelo; ayeghi kümtsü Pa juküvü no chhitoi pelo! Amen, Amen!

IPEKULU 9:16

Ikemu I no I küka o piye, eno tishikeu lono ayeghiqha kümtsü lo I je sheshu peni keu kimji ghenguno I no o saputhu ke.

ISAIAH 49:18

Nongu nhethi tsükhope julo; panongu kümtsü kumqo ani eno nongu lau cheni. Ampeu no piani, ‘I no xüake toi, nongu no hupaqo kümtsü tünatunu pu akeshi pepu nani; külaliu no li chila tshüpu keshi nongu no tshüpu nani.

ISAIAH 6:3

Panongu dolono ighamku pi: “Aqokitikhi MPEU ye akimthe, akimthe, akimthe ke; ayeghiqha ye Pa jekipi küka no chhitoi ani!”

JEREMIYA 22:24

“I no xüake toi, Ampeu no asheshu, Jehoiakim nu, Judah kükau Coniah no I u ajeu jedapu anguthi shiaghi namu, I no no ikhive nani,

EZEKEL 18:3

I no xüake toi, Ampeu Alhou no asheshu, nongu ye Israel lo ahole hipau peitha kithe moae.

EZEKEL 20:36

I no Egypt yeghi lo asayeqha lono no puasüqo sasü küghakütha shike toi I no nongu sasü küghakütha lo ilo nani ipi Ampeu Alhou no asheshu.

EZEKEL 33:11

Panoqo vilo pilo, I no xüake toi, Ampeu Alhou no asheshu, Ni ye kixikilami kithi lo aloqi chemoe, ikemu pa pelo pa laghi lono tsüghü luve no xülu penishie; tsüghü ighilo, now kixikila laghi lono tsüghüve lo, kughengu O Israel kibolomi, nongu ye kushiye thiveni kea?

EZEKEL 33:27

Panoqo vilo hi pilo, Ampeu Alhou no ishi piani: I no xü aketoi, mtsüqheino khunoqo no kütsakungo keu-a lo küghüna ani keno azütakikihi lono ikiqi nani, khunono aluza lo ani keno I no tüghashiqo pelo tsüchuve penike tsüve nani, khunono sükusho-a eno atuki lo ani keno püsa lono thive nani.

EZEKEL 5:11

Tighenguno Ampeu no asheshu, I no xü aketoi, nonguw aphikümqhüpu eno kuchhube kütsüla kümla vecheo nongu no I chineki shikitiqevae, tighenguno Ni ye Iw kikimiye ikhichile luveni eno amloighi nongu jumo momu akipimi qhitsümo nani.

HABAKUK 2:14

Kughengu azü no azüghi pichhi püake toi Ampeu juküvüpu kighithi no ayeghi shepichhi nani.

ZEFANIA 2:9

Tighenguno, Ni hi xü anike,” aqokitikhi Mpeu, Israel Lhou no asheshu, “Moab no Sodom eno Ammonmi no Gomorrah toive nani, apüghüli eno amti kuchhuki shive no alholo ghenguno pighive nani. Iw timi ghükulumi no panoqo lepuwuve nani eno Iw timi lo ghükulumi no pano mheghi shive nani.”

AKIKIHI 14:28

Panoqo vilo pilo, ‘Ni Xüküau Ampeu no shuphe ani, nongu no kiu I shou pipukuve akeno I no nongu lau shitsüni:

MATTHEW 6:10

O yekipe ighilo, kungugha lo toi ayeghi lo ghi O pulou shilo.

ZAKINIU 32:40

Kughengu Ni ye alhokupuju xüani eno kungugha küdau I u süqhepe tushoqhi ani,