AKIKIHI 14:18 - Sumi Naga CL (Re-edited) Bible (BSI)

¹⁸ ‘Ampeu ye asheshino amloide cheni eno iqemokeu kikimiye no kupukuno, akipimi eno axine qhivetsü cheni, ikemu pimive keu xine ye khilemu nuxatsü mono atianuli tiqheli aküthüu abidiu kutolo pekishe nani.’

BAIBEL (BSI)

¹⁸ ‘Ni, AMPEU ye mulalei aloghu ideve chemo, kimiye keu kije pukhukulu shipiye cheni, axine eno hebidekeu kipimi qhivetsu chenike. Tishimu niye apuaza khunoqono axine shiveni keno panoqo tianuli tiqheli akuthuu lono abidiu kutolo aghime tsumono phevekeu shimo nani.’

AKIKIHI 14:18 ပူးပေါင်းရင်းမြစ်များ

NEHEMIA 9:17

Panongu no agholu move, Nono akümzapu kümla shikeqo shou amlo tsümove no panongu kütsü kughope Egypt qüaxe lo idewove nike pano sakipheu kisheve. Ikemu No ye axine qhikütsü Lhou ke; No ye küpükini eno kimiyekiniu, asheshi no amloide kicheu eno kikimiye no pofushi achekeu Lhou kehu panongu pheve moe.

JOB 21:19

Nongu no picheni, ‘Alhou no pano kipimi pesü pano tianuli sala qhitsü cheni.’ Ikemu pano pelo ithi penike Pa ye panoqou ghime kepue.

LESHELE 103:8

Ampeu ye küpükini eno kimiyekini, asheshi no amloide eno iqemokeu kikimiye no chhitoi.

LESHELE 108:4

Kughengu Ow iqemokeu kikimiye ye kungugha nguno qhemghai kije; Ow pükhükulu ye atsütsü to ani.

LESHELE 109:14

Pa puasüqo kipimi ye Ampeu zülo kümsülu ache pelo, eno pa za xine ye nuxa pühave tsü kevilo!

LESHELE 145:8

Ampeu ye küpüqhiyi eno kimiyeqhiyi ke, asheshi no amloide cheni eno iqemokeu kikimiye no chhitoie.

LESHELE 78:38

Ikemu Pa no kimiyeqhiyi kehu panoqo xine qhukimthe tsüno panoqo kütsave moe; Pa no ghuthu kutomo Pa mlo kighide ghasüve eno Pa loghu kümtsü pephe moe.

LESHELE 86:15

Ikemu O Ampeu, No ye kimiyekini eno küpükini Lhou, amloideni keu lo asheshi, iqemokeu kikimiye eno pükhükulu no chhitoi ke.

IPEKULU 20:5

Nongu ye tipaqo lau pishiqho moni momu tipaqo qemoni, kughengu Ni Ampeu nongu Lhou ye anhekushu Lhou kehu apu khunono I mithi cheni keno pano xine ghenguno atianuli aküthüu eno abidiu tiqheli kutolo xuju ighi chenie,

IPEKULU 20:6

ikemu khunono I kimiye eno I zakütsü pape cheni keno tipaqo lau iqemokeu kikimiye tiqheli qhethonhe kutolo piye cheni.

JEREMIYA 23:2

Ikehu Israel Lhou, Ampeu no ambekhemi khunono Iw timiqo tucho cheni keno panongu vilo ishi piani: “Nongu no I mbeloji kuthole eno hapupove no panoqo jukütsü moe. Ikehu julo, nongu no alhoksa kümla shike ghenguno I no ghime nani, ipi Ampeu no asheshu.

JEREMIYA 32:18

Nono qhethonhe lau iqemokeu kikimiye piye cheni, ikemu apuaza no pimive kelo pano tianuliqo lau aghime süghi cheni, No ye kije eno akughushu Lhou, O je ye aqokitikhi MPEU ke,

AKUMLO 5:7

Ni puasüqo no axine shive, panongu ye kühavae; nino pano kipimi xapu anie.

JONAH 4:2

Pa no Ampeu lau inikhu no pi, “O Ampeu, hi ye I no I ghakhu lo aphi lono pi akeuke kumo keshea? Tighenguno ni ye mtazü Tarshish lo pove niye shike; kughengu I no ithi ake No ye kimiyekini eno küpükini, amloideni keu lo asheshi eno iqemokeu kikimiye no chhitoi, eno amhekiqi lono süchileve chekeu Lhou ke.

MICAH 7:18

Amheghi shi ghüluve kemi kipimi qhitsüno axine juzüve chekeu Lhou O toike khuu ania? Pa ye pülhapuju amloide auve chemoe, kughengu Pa züküvü ye iqemokeu kikimiye lo acheni ke.

AKIKIHI 14:17

Tighenguno kimiyeno Nono ishi piqhi püake toi O küka pephe piye tsülo,

AKIKIHI 23:21

Pa ye Jacob hasapu ithulu amoe, momu Israel lo aküküpna ithulu amoe. Ampeu panongu Lhou ye pano gholo ani, akükau sütsa ye pano gholo anie.

Rommi 5:21

ikehu, axine no akithipu lo ayepe ketoi, küpükini no Alhou mikucho vecheo ni Mpeu Jisü Khristo küdau no lhokta küxü tsünike ayepe nani.

ZAKINIU 5:10

Ikemu I kimiye eno I zakütsü pelu kemi lau tiqheli qhethonhe kutolo Iw iqemokeu kikimiye piye cheni.

ZAKINIU 5:9

Nongu ye tipaqo zülo pishiqho momu qemoni; kughengu Ni Ampeu nongu Lhou ye anhekushu Lhou, I mithi kemi tianuli lau tiqheli aküthüu ngo abidiu kutolo aghime süghi cheni.

ZAKINIU 7:10

ikemu Pa mithi kemi ye pano no ithulu ghi kütsakungo pesü tsüchile cheni. Pa ye Pa mithi kemi lau künacho chemo, ikemu vejoi tsüchile cheni.

ZAKINIU 7:9

Tighenguno Ampeu nongu Lhou ye Alhou kepi ithilo, khunono Pa kimiye eno Pa zakütsü peluni keno, tiqheli qhethonhe kutolo Paw puloshoqhi eno iqemokeu kikimiye piye chekeu pükhübekulu Lhou ke,