AKIKIHI 13:33 - Sumi Naga CL (Re-edited) Bible (BSI)

³³ Tinguno alau nino Anak laghami shishe sübosüghimi ghi ithulu, ikelo ningu ye panongu zülo tülhaqu qhemi toive, panongu ghi titoi ningu ithuluni cheke.”

BAIBEL (BSI)

³³ eno ninguno Anak laghami shishe subosughimi ghi ithulue. Nilikhi nijupesu tulhaqu qhemishi kumsulue eno panongu zulo ninguye tishi ithulu aghi nanike.”

AKIKIHI 13:33 ပူးပေါင်းရင်းမြစ်များ

BOTHUBO 6:4

Kughou Alhou nuliqo no timi ngaqo lau ighi no atianuli shi keno, tipa ghuloki lo eno tithiu ghi Nephilimqo ye ayeghi lo ache. Hipaqo ye khaghi lo timi akumtomi eno ajekipimi.

YEKIKITHI ATUGHIU 11:23

Itaghi pa no Egyptmi sübosüghimi akushulau auxakuchho kinia toike ghiqhive. Egyptmi huno pa u lo aghüqasü paphishi angu pecheghi, ikemu Benaiah no asüthalu pesü pa mjo no pa u lono angu süxape pa qhuqhive.

ISAIAH 40:22

Ayeghi bocho shou achekeu noke, ayeghi lo küami ye tülhaqu toie; Pa no nhaqhiphi toi atsütsü xachho eno aphiki toi tshüpe qhi cheni;

AKIKIHI 13:22

Tipa züuno panongu no Negeb lo iqhove no Hebron lo ighi. Tile Anak kughukomi Ahiman, Sheshai eno Talmai laghami no küghüna acheghi. (Hebron ye Egypt lo Zoan nguno ampe tsüni züuno aphughi shiveke,)

AKIKIHI 13:28

Tishimu tilau küghüna akemi ye choshiyi, eno aphughiqo ye kijeje eno putukhape ani. Tipau gholo Anak kughukomi tilau akeu nino ithulue.

AKIKIHI 14:1

Tile aqoaho kümtsü no asütsa süqhepe puthotsü mloqa.

ZAKINIU 1:28

Ningu ye khila wucheni kea? Ni thiküzümi no ishi pikeu lono ni shikümsavae, “Tilau timiqo ye ningu nguno akuchuqu eno akumtou. Pano mishighünaqo ye kije eno aliwo no atsütsü kuto shiqhe püani. Tinguno alau nino Anakim nuli ithulue.”’

ZAKINIU 2:10

(Inahuu ye Emimmi no tile xüche, panongu ye Anakimi toi ighono sübosüghi eno kütsasae.

ZAKINIU 3:11

(Rephaim lagha lo ghükulumi gholo Bashan kükau Og likhi ache. Pa lüpa ye ayi lüpa, ti ye Ammonmi yeghi lo Rabbah lo anike kumo? Ti ye akushulau aunhekipshe chighiküthü tüxa, akijelau no aunhekipshe tsügho.)

ZAKINIU 9:2

Tipaqo ye Anakim laghami kehu chuqumghai eno akumto ke; nongu no pano ithi ani, eno panongu ghili ishi pikeu chiluvae, ‘Khuu no Anak laghami mjochile luni kea?’

JOSHUA 11:21

Tipa ghuloki lo Joshua no ighi no Anakim pesü naghuto lo aghakhu akeqo launo eno Hebron, Debir, Anab eno Judah lo naghuto ghakhuqo eno Israel lo naghuto ghakhu kümtsü launo kütüta shivetsü. Eno Joshua no tipaqo ngo panow mishighünaqo kütsave tsü.

JOSHUA 14:12

Tishiaye itehi, tipa tsalani Ampeu no piqhikeu yeghi hu I tsülo, kughengu Anakimi no kishi aliwo kumto no mishighüna bothasü keu lo ache keno, tipa tsalani no ghi chilue. Ikemu Ampeu no I gholo ngono I no hupaqo haphe luve nanie pike.”

JOSHUA 15:14

Caleb no Anak nu küthü hapheve panongu ye Sheshai, Ahiman eno Talmai.

SAMUEL ATUGHIU 17:24

Kughou Israelmi no timi hu ithulu keno, kümtsü no pokhave eno shishe msave.

SAMUEL ATUGHIU 17:42

Kughou Philistiami huno David ithulu keno, pa no pa thaighae, kughengu pa ye alhothe lakhi, hughüi eno ahi kivi.