AHOLE 6:17 - Sumi Naga CL (Re-edited) Bible (BSI)

¹⁷ Aqheküza nhethi, pighizü mili, eno pimimo kemi ji pele keu phiau kupumi,

BAIBEL (BSI)

^17-19 Aqhekuzashi juchekeu, akimki mili pukeu, pimipuamokemi pithikeu phiau kupumi, Kixikila kukughu kumsuphe chekemi, alhoksa shiniaye kakashi pokeu pukhu, akimki tsa piqhi chekemi thopimi eno shompami dolo akupuna xukuthokeu.

AHOLE 6:17 ပူးပေါင်းရင်းမြစ်များ

KUKAMI AKINIU 21:16

Manasseh no Judah sasü axine lo ilokeu lono panongu pelo Ampeu zülo axine shive peke likhi kumono, pa no amikuchomi kutomo pithive tsükeu ji no Jerusalem halau no halau kutolo qowue.

KUKAMI AKINIU 24:4

eno pa no pimihami ji pele keu ghengu ghi ke. Kughengu pa no pimihami ji no Jerusalem lo pichhive eno Ampeu no tighenguno akipimi qhitsü mlave ke.

LESHELE 10:4

Kixikilami ye pa qheküza lono Ampeu phu chemoe; pa kükümsü kümtsü lo, “Alhou ye kühae,” pike likhie.

LESHELE 101:5

Khuu no tuqhou no pa kisüghüu xishi jekuni keno I no kütsave nani. Khunono kumobei keu ju eno aqheküza mlo xapu ani keno ni ye kutuu mlae.

LESHELE 131:1

O Ampeu, I mlo ye qheza chemoe; I nhethi ye ighono tsütsüngoju chemoe; ni ye thime ighono kije eno shishe akümzapuqo lo chhosü chemoe.

LESHELE 18:27

Kughengu Nono aqhokighemi xalu cheni, ikemu tsütsüngoju kemi ye Nono sünheqhive cheni.

LESHELE 31:18

Kimkimi kichi no jukünatha ghi amikuchomi thogha eno aqheküza shi atsa pichekeu pimlave pelo.

LESHELE 5:6

Khunono akimki tsa picheni keno Nono kütsave; Ampeu no aji pele kemi ngo pishikiqhimi jukuchhube cheni.

LESHELE 5:7

Ikemu Ow iqemokeu kikimiye kupukuno akeu vecheo, ni ye O kilo ilolu nani. O sükümsa lono I no O kimthe chineki küdau pishiqho nani.

AHOLE 1:11

Panongu no o vilo, “Ighilo, ningu timi küxü luveni ke kheni; akiqi kühamu pimimo kemi la kheno heqhini nolo;

AHOLE 1:16

kughengu pano pukhu ye alhoksa lo pove cheni, eno aji peleni ke khelho acheni.

AHOLE 12:22

Akimki mili ye Ampeu zülo aphikümqhüpu ikemu pükhükulupu shiche kemi shou Pa mlokiqi acheni.

AHOLE 14:5

Pükhükulupu thopiu ye miki chemoe ikemu kichile thopiu ye atuthukishe kümtsü alatsa likhie.

AHOLE 16:5

Amlo lono qhezalaki kemi Ampeu no aphimqhü cheni, panongu ye ghime moveni keu kumo kepi thebei ithilo.

AHOLE 17:7

Mbomzümi ghenguno atsapi kivi ye amekühae, titoi gihuküzümi ghengu ghi akimki tsapi ye ameküha ke.

AHOLE 21:4

Tsütsüngoju keu nhethi eno aqheküza mlo ye kixikilami kulu, ti ye axine ke.

AHOLE 26:28

Akimki mili ye pa no ghüzave kemi mithi cheni, eno pishikiqhi kichi ye shiküpsapu süghi cheni.

AHOLE 28:17

Timi küxü luvetsü keu kipimi xapu chekemi ye akithi kutolo poche nani, khunomu pa kuphu kevilo.

AHOLE 30:13

Khami ye kishi aqheküza nhethi xapu acheni eno kiutoi tsütsüngoju acheni kepi lae!

AHOLE 6:16

Ampeu no mithi chekeu thime tsügho ani, Pa ghenguno aphikümqhüpu tsüni ani:

ISAIAH 1:15

Kughou nongu no au sükhope I kuni keno, I no nongu launo I nhethi kughove nani; nongu no akighini kutomo shimu I no inimo nani; nongu u lo aji no chhitoi anie.

ISAIAH 2:11

Aqheküza nhethi xapu kemi ngo tsütsüngoju kemi ye sünheqhipe kuchunive nani, eno tipani ye Ampeu likhino chuqumghai nanie.

ISAIAH 3:16

Ampeu no pi, Zion limi no tsütsüngoju eno ghaghu nhethi xapusü akuo shohe iqhoiqi, alaunhe lo amqü süpusü qüqüshi igha ambo kulo piye ala checheni,

ISAIAH 3:9

Panongu gino pano shou thopi shi ani; Sodommi toi küsü mono axine shi ani. Pano hasapue! Kughengu panongu no pano ampi shou alhoksa süghi anike.

JEREMIYA 26:15

Ikemu hi thebei ithilo, nongu no I pithive aye pimihami ji nongu shou ikughi nani, eno mishighüna hipau ngo tile xüküami shou ighi nani, kughengu kuchou no Ampeu no atsa hipaqo nongu kini lo pisütsü peniye I puwu ke.”

John 8:44

Nongu ye nongu papu tüghami laumi eno nongu papu gho-apulou shitsüni keu no nongu pulou ke. Pa ye abothu lono ghikiqhiu, eno kuchou küdau aju mphi kughengu pa lolo kuchou kühake. Kughou pa no mikini keno ti ye pa lhoaye kuchou piye ani, kughengu pa ye akimkiu eno akimki kümtsü papu ke.

ZAKINIU 19:10

Hi shilo eno Ampeu nongu Lhou no amheghi shi tsükeu yeghi lo pimimo kemi ji pelemo nani, eno aji pelekeu ngusü nongu shou ikughi monani.

ZAKINIU 27:25

“‘Khukhumu pimimo kemi ji pele nike külügho lukeu ye müsüinivae.’ Eno timi kümtsü no ‘Amen,’ ipini.

1 Peter 5:5

Tihutoi, nongu khunono alhothe keno kichimi qhoqhülo. Kümtsü no lakhino lakhi huthuni ke aqhokighe nanu pepulo, kughengu “Alhou ye aqheküzami mjochile cheni, ikemu aqhokighemi lau küpükini tsü chenie.”

Piyeküsü 22:15

Kughengu khalau ye atsüqo, küdüu kishimi, ashupu asalhami, ghikiqhimi, ajulho kümllami, eno pishikiqhi kimiye no tipau lono xüche kemi no acheni.