AHOLE 31:9 - Sumi Naga CL (Re-edited) Bible (BSI)

⁹ O kichi xükhope amikucho shi küghatha tsülo; kumlhomi eno aveküsami chipiu süsho tsülo.

BAIBEL (BSI)

⁹ Panoqo ghenguno pitsulo eno amikucho shi kughakuthau shitsulo. Kumlhomi eno kuhakemi chipiuqo susho tsulo.”

AHOLE 31:9 ပူးပေါင်းရင်းမြစ်များ

SAMUEL AKINIU 8:15

David no Israel kümtsü shou ayepe luve. Pa no kuchou xakütha eno aqhemi lono timi kümtsü shou ayepe.

JOB 29:12

kughengu akukuphu küha kemi kumlhomi eno mighimi I no xaphe cheke.

LESHELE 82:3

Miqemlei kemi eno mighimi lau kuchou xakütha tsülo; aghime lo akemi eno aqüaghami chipiu peithathi tsülo;

AHOLE 16:12

Kükami no alhoksa mlakeu ye aphikümqhüpue, kughengu kükalakhü ye achipiu mikucho pesü puthuphe püani ke.

AHOLE 20:8

Akükau khuu no küghakütha-a lo iqa cheni keno pa no alhoksa ithulu kelo amuu toi kümtsü fuleve cheni.

AHOLE 29:7

Amikuchomi no kumlhomi chipiu ithi cheni, ikemu kixikilami ye titoi keu kighithi vethalu chemoe.

ISAIAH 1:17

akivi mlani keu shika lulo; kuchou xakütha phulo, nedaqodave kemi süsho tsülo, kuchou xakütha pe mighimi tsülo, chimemi ghenguno puthugholo.”

ISAIAH 1:23

Now sakiphemi ye hekibidemi eno küpkami gholo kichemie. Kümtsü no külügho kimiye eno müamzü tughotili phu acheni. Panongu ye mighimi lau kuchou xakütha tsüchemo, eno chimemi ghenguno puthugho tsüchemoe.

ISAIAH 11:4

ikemu kuchou xakütha pesü kumlhomi tsü nani, eno akuchunimi ghenguno aghibiu lono xathatsü nani; pa kichi lo ayiküsü akeu pesü ayeghi shou hepuku nani, eno pa tuthukishe pesü kixikilami pithive nani.

JEREMIYA 21:12

O David kibo! Ampeu no ishi piani: “‘Ina atsütsü lo kuchou xakütha peitha lo, pükaqhive no itaghi qhasüpe akeu xaphe lulo, tikumo aye nongu kümla lhoksa ghenguno I loghu no ami toi ghapinhe mlano piti nani.’”

JEREMIYA 22:3

Ampeu no ishi piani: Kuchou xakütha eno achipiu mikucho shilo, eno püka luve tsüno itaghi aküpkau no qhasüpe akeu xaphe lulo. Inaghami, mighimi, eno chimemi lau anguka eno akumou shi kevilo, a-a hipau lo pimihami ji pele kevilo.

JEREMIYA 23:5

“Jualo, Ampeu no asheshu, I no David ghenguno amikucho Loka lakhi süqheni keu tsala cheni, pa no akükau shino alokütsü lono ayepe nani, eno ayeghi lo kuchou xakütha ngo achipiu mikucho anani.

JEREMIYA 5:28

panongu ye chhikhoi eno atha pubeivae. Panongu kümla lhoksa ye ashekha küha; pano ye mighimi chipiu süsho tsünike achipi lono xathatsü chemo, aveküsami chipiu süsho tsümoe.

DANIEL 4:27

Ikehu, O akükau, I kükümsü o lau ikhikulupu shitsülo: achipiu mikucho pape keu vecheo o xine phevelo, eno aghime no qhasüpe akeqo lau kikimiye pephe keu vecheo ow küsaküghaqo phevelo, tishiaye ow küakini ye pepushu luvike.”

ACHINE 19:15

“Küghaki lo achipi kumo shimoni. Kumlhomi lau agiju no kinimi saphuve moni, ikemu amikucho lono akisüghüu shou xathani.

ZEKHARIA 7:9

“Aqokitikhi Mpeu no hitoi piani, Kuchou xakütha tsülo, lakhino lakhi lau kimiyeqhiyi keu eno küpükini piyelo,

ZEKHARIA 9:9

Shishe alovilo, O Zion limi! Ighamku lo, O Jerusalem limi! Julo, o kükau ye o lau chenie; Pa ye achipiu eno xakuluu, aqhokigheu shi khurha sacheni, khurhati shou ikuno chenie.

John 7:24

Agi juno küghatha kevilo, ikemu achipiu küghakütha pesü küghatha lo.”

ZAKINIU 1:16

I no nongu shou xaküthami azah tsü, ‘No thiküzümi dolo aküküpnaqo tsaqüi inilo, Israelmi athiküzümi dolo na inaghami lakhi pano gholo akeu sasü namu, kuchou xakütha shilo.

IBRIMI 1:9

Nono achipiu mikucho kimiye eno küsakügha mithike ghenguno O Lhou, Alhou, no alopivitsü chekeu thazü pesü O küsami züuno O nukishelu ke.”

Piyeküsü 19:11

Tithiu kungugha khaqhi keu I no ithulu, eno julo, khurshi kimiye lakhi cheghi! Tipau shou iqa cheghi keu je ye Pükhükulu eno Kuchou, eno pa ye achipiu-mikucho lono küghathabe eno aghüshi chekemi.

SAMUEL ATUGHIU 19:4

Jonathan no David ghili kivi küsaje eno pa pu vilo pi, “Akükau pelo pa qeu David shou axine shi penishi amoe, kughengu pa ye o shou axine shi püamo, eno pa kümla no o lau akivi süghi püanie.

SAMUEL ATUGHIU 20:32

Tile Jonathan no pa pu khochile, “Kushiye pa pithini kea? Pa ye kiu shive kea?”