AHOLE 31:31 - Sumi Naga CL (Re-edited) Bible (BSI)

³¹ Li no kiu shikeno ti kümtsü ghenguno agigihu tsülo, li kümla ghenguno khagho lo aqha zülono akishe tsülo.

BAIBEL (BSI)

³¹ Lino kiu shikeno tipaqo kumtsu ghenguno li saxu tsulo. Liye timi kumtsuno sumsa kuzuke.

AHOLE 31:31 ပူးပေါင်းရင်းမြစ်များ

LESHELE 128:2

No ye o likhi o u no mlaqhikulu xathi chulu nani; no ye alokivi shi nani eno o ghenguno akivipu shi nani.

AHOLE 11:30

Amikuchomi xathi ye aküxüpu sübo, eno alokütsümi no aküxü pükhalu cheni.

AHOLE 31:16

Li no chheju no ayeghi qhü cheni; li u ghülono ithulu keu pisa pesü atsailu chicheni.

AHOLE 31:30

Puyelei keu ye pishikiqhi, eno ajukivi ye amekühae ikemu totimi khuu no Ampeu sümsa cheni keno akishe tsüküzüe.

YETSAPIU 1:1

Hi ye Yetsapiu tsa, pa ye David nu Jerusalem lo akükau.

MATTHEW 7:16

Nongu no panoqo xathi vecheo ithi nani. Atsaithi ye asahubo lono xolu cheni keo, moaye koghesahubo lono mubuthi xolu cheni kea?

MATTHEW 7:20

Ikehu nongu no tipaqo xathi vecheo ithi nani.

Apostolmi 9:39

Peter no ithu pama gholono wuve. Pa no ighi kelo pa sasü kunguu chebo lo iku. Chimemi kümtsü pa phivilo ngono mloqa eno Dorcas no panoqo gholo ache kelo mlakeu phimini pa piye.

Rommi 16:12

Ampeu kümlapu lo akemi, Tryphaena ngo Tryphosa pama lau petha tsülo. Kimiyekicheu Persis khuu aka-aveshi Ampeu kümlapu lo acheni keno petha tsülo.

Rommi 16:6

Nongu ghenguno aka-aveshi mlaitha tsükeu Mary ghi petha tsülo.

FILIPIAMI 4:17

Ni ye agho laju anike kumoe; ikemu nongu no kike achekeu lo alau kighishelu penike phucheni.

1 Tim. 5:25

Tihutoi akümla kivi ghi pekiphe shive cheni, eno pekiphe shi aghimo namu alhokuthu küsüve mla nani.

IBRIMI 6:10

Alhou ye achipiu kehu nongu no akümla eno kikimiye, Pa je lono küpülümi lau pephe püakeu eno itehi kutolo mu tishi akeu juzüvetsü nanike kumoe.

Piyeküsü 14:13

Tishino kungugha lono asütsa lakhi I no chilu: “Hi yelo, hinguno hilau ye khunono Ampeu laumi shi thiveni keno akümghapue.” Aghungu no piqatsü, “Iyei akümghapue, panongu ye pano ghime lono akulhoqhi luniae, kughengu panongu kümla no pano pape chenie!”