AHOLE 31:30 - Sumi Naga CL (Re-edited) Bible (BSI)

³⁰ Puyelei keu ye pishikiqhi, eno ajukivi ye amekühae ikemu totimi khuu no Ampeu sümsa cheni keno akishe tsüküzüe.

BAIBEL (BSI)

³⁰ Puyeleyikeuye pishikiqhike eno ajukiviye hauve cheni ikemu totimi khuuno AMPEU gihu cheni keno tipau sheqhe kepue.

AHOLE 31:30 ပူးပေါင်းရင်းမြစ်များ

SAMUEL AKINIU 14:25

Tipa ghuloki lo Israel lo timi khumu pa ju kivi ghenguno Absalom toi akishe ithulu keu kühae. Pa pukhu lono akütsü kutolo pa ye tukutiye kühae.

LESHELE 112:1

Ampeu sheqhelo! Khunono Ampeu gihu cheni, eno Pa zakütsü lo alokiqi shi cheni keno alokivipue!

LESHELE 147:11

ikemu khunono Pa sümsa eno Paw iqemokeu kikimiye shou pükhü cheni keno Ampeu ye pano lau alokiqi acheni.

AHOLE 1:7

Ampeu sükümsa no akighithi hukuthu ke; mbomzümi no alokütsü ngo akükütsütsa jukünatha cheni.

AHOLE 11:16

Küpüqhiyi keu totimi no agigihu ithulu cheni ikemu ngukangugha kiptimi ye küakini likhi ithulu cheni.

AHOLE 11:22

Totimi lakhi no juvi aghi namu kimchikulupu kighithi küha aye awo nheghu lo ameshoyi nguthi tshüqhipu aketoie.

AHOLE 22:4

Aqhokigheu eno Ampeu sükümsa saxü ye küakini, agigihu eno axükushu.

AHOLE 31:29

Pa no picheni, “Totimi kutomo no akighiche shi mlaitha cheni ikemu nono tipaqo kümtsü shoqalu chenie.”

AHOLE 31:31

Li no kiu shikeno ti kümtsü ghenguno agigihu tsülo, li kümla ghenguno khagho lo aqha zülono akishe tsülo.

AHOLE 6:25

Khilemu o mlo lo liw jukivi mine kevi eno liw ghaghu nhethi no o müsü luvepe kevilo;

AHOLE 8:13

Ampeu sükümsa kiqi ye alhoksa mithini keu ke. Ni ye aqheküza, akülaki, eno alhoksa laghi ngo sabideve keu tsapi mithi cheni.

YETSAPIU 12:13

Avehu kümtsü chiluve kethiu ashekha lo hi ani: Alhou msa lo eno Pa zakütsüqo pelulo, kughengu hi no timi kümtsü kümlapu ke.

YETSAPIU 7:18

Hipau tsüqü luve keu no o ghenguno alo, eno lakhiu ghi pheve kepu kumoe. Kughengu khuu no Alhou sümsani keno, pa ye ti küma kinikujo lono pojolu nani.

EZEKEL 16:15

“Ikemu nono o jukivi shou pükhübeve eno o kighiche ghenguno kütüqhauve eno khukhumu iqhoiqi cheghi kemi shou o salha lepuku tsü; o jukivi ye paw shiveke.

Luke 1:6

Pama gha Alhou zülo amikuchomi, eno Ampeu zakütsü ngo ayezah kümtsü tukutiye kühano papeche.

Rommi 2:29

Ikemu Jewmi kuchou ye alou noe, eno aphighüyiko kügha ye Aghungu vecheo amlo lo shikeu thono pimheye lono kumoe. Hitoi kemi ye timi launo kumono Alhou launo shekiqhe ithulu cheni.

1 Kor. 4:5

Tighenguno ado tomphi züuno eno Ampeu no ighi mphi lono küghathabe kevilo. Pa no aküzü lo küsü püakeqo aküvü lo süipeghi nani eno amlo lo kümsüpu akeu lhaphe piye nani. Tileno pütüta müzülo Alhou launo sheqhe kepu ithulu nani.

James 1:11

Kughengu khetsünhe no akülü kushu shi ipeghi no atsüni phuqhive cheni; tipau kupu ighiqive cheni eno jukivi ye hauve cheni. Titoi kinimi ghi pa kümla püzüche kelono hauve nani.

1 Peter 1:24

kughengu “Timi kümtsü atsüni toi, eno pano jekipi huno atsüni kupu toike. Atsüni no ighüive cheni, eno akupu no ighiqive cheni,

1 Peter 1:7

tishianguno nongu küpülü ye ghukimthepe athicho shilu peniye ke. Ameshoyi ye ami lono piti kimthe anamu pühave cheni, ikemu nongu küpülü ye ameshoyi nguno amekushou kehu Jisü Khristo pephe piye kelo shekiqhe, ajuküvü eno agigihu ithulu kepu shimasae.