AHOLE 3:6 - Sumi Naga CL (Re-edited) Bible (BSI)

⁶ Nono mlaitha keu kümtsü lo Ampeu kümsülu lo, eno Pa no o laghi kümtsü shikümzü tsü nani.

BAIBEL (BSI)

⁶ Nono mlakeu thwokhalo AMPEU kumsululo eno pano alaghi achipiu opiye nani.

AHOLE 3:6 ပူးပေါင်းရင်းမြစ်များ

YEKIKITHI ATUGHIU 28:9

“I nu Solomon, amlo kümtsü süno puloniqhiyi keu kükümsü xapu o pu Lhou ithilo, kughengu Ampeu no timi mlo lheju no alolo kughu eno kümsüpu akeu kümtsü ithi achenie. Nono Pa phuju aye phulu nani, ikemu nono Pa qhive aye Pa ghi alhokupuju ghenguno o qhive nani.

EZRA 7:27

Ningu puasü Lhou, Ampeu sheqhelo, Pa no Jerusalem lo Ampeu ki akeu pesü juviqhiyi tsüniye hitoi keu pesü akükau mlo lo sütsü ke,

NEHEMIA 1:11

O Ampeu, O kini kughope O qeu kighini chilu tsülo, O qemi kütami O je sümsa chekemi kighini ini tsülo, ishi no ni O qeu lau tokulu puwu tsülo, eno timi hipau zülo ow kimiyekini I tsülo.” Ni ye akükau jukhu kipeu shi cheke.

NEHEMIA 2:4

Akükau no pi, “No ye kiu qhüiniju ani kea?” Tileno I no kungugha Lhou vilo inikhu.

NEHEMIA 7:5

Tithiu sakiphemi ngo hiyampemi eno timiqo kukütsü no pano lagha kughuko kiqi lono aje yekithi penike I Lhou no I lolo müzüsü tsü. Khunono atüghüu shi ideighi keno, tipaqo je yepüa keu kaku I no phulu, tile ishi yepüaghi:

LESHELE 32:8

Nono wu masa keu laghi lo I no o kütsü shika nani; I nhethi pesü o shou jupuku no I no o vilo piputoni.

AHOLE 11:5

Akikhimi ye amikucho pesü pano laghi shikümzü cheni, ikemu kixikilami ye paw kixikila vecheo ikiqive cheni.

AHOLE 16:3

Ampeu lau o kümla eno o kukughu kulhuqhi tsülo eno Pa no tipaqo iqhikumto tsü nani.

AHOLE 16:9

Timi no amlo lono pa küxü laghi kughuphe cheni, ikemu Ampeu no pa pukhu nepa iqhikumto tsü cheni.

AHOLE 23:17

Axinemi jumine kevilo, ikemu aküxü tivilo tamono Ampeu sükümsa lono xülo.

ISAIAH 26:7

Amikuchomi laghi ye müdüniyi; Nono pano laghi külaqa tsüke.

ISAIAH 30:21

Kughou nongu no ajeu momu piyiu tsüghüveni keno, nongu thiu no, “Ala ye hike, hipa la pülalo” ipikeu sütsa nongu kini lono chilu nani.

ISAIAH 45:13

I no achipiu-mikucho lono pa xukuthovae; pa laghi kümtsü I no shikümzüve tsü nani; Pa no Iw mishighüna shiqhe nani eno Iw timi haphe sawuve kemi khaqhiphe nani, ame momu asaxü ghenguno pa ye hi shimo nani,” ipi aqokitikhi Mpeu no piani.

ISAIAH 48:17

Israel Lhou akimtheu, nongu Xachilekuluu, Ampeu no ishi piani: “Ni ye nongu Mpeu Alhou, I no nongu pelo ala shipenike shika cheni, nongu laghi kichepiye cheni.

JEREMIYA 10:23

O Ampeu, timi küxü ye paw kumoe pi I no ithi ani, timi ye pa kutoshi pa nepa kichetsü mlae.

JEREMIYA 42:3

tishikeu lono Ampeu o Lhou no ningu ye khila wukepu keno alaghi ni piye peni eno ningu ye kiu shikepu keno ni vilo pitsü peni.”

AKIKIHI 9:20

Khaniloye khüngküsü no atsala hami likhi ache, eno Ampeu zakütsü lono panongu no aghazü lo ngove no itaghi iqewuve che.

1 Kor. 10:31

Tighenguno, nongu no chuna shona kiukiu shinamu kümtsü Alhou juküvüpu ghenguno shilo.

2 Kor. 8:16

Alhou shikimthie, Pa no Titus mlo lo I no nongu ghenguno alomsü chekeu atho sütsü ke.

FILIPIAMI 4:6

kiu lonomu amlo kütakihi kevilo, ikemu thokha lo shikimthikütsü gholono akighini eno akupulo pesü Alhou lau qhüiniju lo.

Kolosiami 3:17

Nongu no kiukiu mla namu, atsapi eno akümla lo Ampeu Jisü je lono Apu Alhou shikimthi ghi thokha shilo.

Kolosiami 3:23

Nono kiukiu mla namu timi ghenguno kumono Ampeu lau mla akeshi amloqi qhiyi mlaitha lo,

James 1:5

Nongu gholo khami no alokütsü mikhe aghi aye, pa ye Alhou lau khulo eno ti pa tsü nani; kughengu Alhou ye khumu sakiyi mono kümtsü tsü cheni.

SAMUEL ATUGHIU 30:8

Eno David no Ampeu vilo ighiju, “Ni ye hipa mqo hawu nima? Ni ye panongu halu nanima?” Pa no khochile, “Hawulo, kughengu mtsüqheino nono haluve no xaphelu nani.”