AHOLE 3:1 - Sumi Naga CL (Re-edited) Bible (BSI)

¹ I nu, I kükütsü kümsüma kevilo, ikemu o mlo lo I zakütsüqo qhilo,

BAIBEL (BSI)

¹ Inu, ino kiu oshikapiye keno pheve kevilo. Ino ovilo kiu shilo pikeno pulhapuju kumsupulo.

AHOLE 3:1 ပူးပေါင်းရင်းမြစ်များ

LESHELE 119:11

I mlo lo O tsa pekütsü luvae, tishikeu lono ni ye O hebide keu xine shimo niye ke.

LESHELE 119:153

I ghime kitikhi ithulu tsülo eno I xalulo, kughengu ni ye O yezah kümsümave chemoe.

LESHELE 119:16

Ni ye O kükütsü tsa lo azüküvü shi nani; ni ye O tsa kümsümave monani.

LESHELE 119:176

Pühave keu mbe toi ni ye ala vepimivae; O qeu phu tsülo, kughengu ni ye O zakütsüqo kümsümave moke.

LESHELE 119:34

Vethakulu I tsülo, tishiaye ni ye O yezah pelu nani eno I mlo kümtsü no tipau papelu nani.

LESHELE 119:61

Kixikilami kighi no I kitime anamu, ni ye O yezah kümsüma moe.

LESHELE 119:93

Ni ye khilemu O yezah kümsümave monani, kughengu tipaqo vecheo Nono aküxü I tsüke.

LESHELE 91:16

Axükupushu pesü I no pa ghapiqi tsü nani eno Iw xakulu pa piye nani.”

IPEKULU 20:6

ikemu khunono I kimiye eno I zakütsü pape cheni keno tipaqo lau iqemokeu kikimiye tiqheli qhethonhe kutolo piye cheni.

AHOLE 1:8

I nu, o pu kükütsütsa inilo, eno o zaw shiküka milive kevilo,

AHOLE 16:31

Asa kümpa ye ajuküvüpu kütsükuqho ke, amikucho küxü no ti qelu cheni.

AHOLE 2:1

I nu, nono I tsa ikhilu eno o küxü lo I zakütsüqo akughupushi pelu aye,

AHOLE 23:26

I nu, o mlo I tsülo, eno o nhethi no I no xüchekeu laghi chheju lo.

AHOLE 31:5

tikumo aye panongu no aji shove no xaküthaza tsüpüakeu kümsümave no aghimemi chipiu tuchighive tsü nosake.

AHOLE 4:2

kughengu ni ye mtsümishei keu kighithi nongu tsü cheni; I no shika keu pheve kevilo.

AHOLE 4:21

Ti ye o launo povepe kevilo; ikemu o mlo alou qhilulo.

AHOLE 4:5

Alokütsü; kuthoküzü kighithi phulo, I kichi lo tsaqo kümsüma momu kughucho kevilo.

AHOLE 8:1

Alokütsü no ku anike kumo? Vethakulupu kighithi no asütsa süqhe igha anike kumo?

AHOLE 9:1

Alokütsü no li ki shiqhe; li no atsükucho tsüni mlae.

ISAIAH 51:17

O küdaputhulo, o küdalo, O Zion, puthugho lo, nongu khunoqo Ampeu loghu jukhu lono shojuve akeno, nongu no tipau yekhave eno tipau no o pelo izüvuive peke.

JEREMIYA 31:33

Tithiu I no itehi Israel kibo sasü puloshoqhi shini keu ye hike, Ampeu no sheshu: I no I yezah panongu lolo sütsüni, panongu mlo lo yesü tsüni. I no panongu Lhou shinani eno panongu no Iw timi shinani.

HOSIYA 4:6

Iw timiqo ye akighithi mikheke ghenguno kütsavae; kughengu nongu no akighithi milive ke, I chinemi shipe monike I no nongu milivae. Eno nongu no nongu Lhou yezah kümsümave akeke Ni ghi nongu tianuliqo kümsümave nani.

ZAKINIU 4:23

Ikehu kutokupui lo, tikumo aye nongu ye Ampeu nongu Lhou no nongu sasü puloshoqhi shikeu pheve no Ampeu nongu Lhou no shi kevilo pikeu julho mlano mllauve nosae.

ZAKINIU 4:9

“Kutokughoi lo, eno müamzü nongu küxü jukuto lo, tikumo aye nongu nhethi no ithuluve keqo kümsümave nosa, eno no küxü tivilo nongu mlo lono hauve nosake. Tipaqo ye no tianuli eno atilimi pelo ithi pelo.

ZAKINIU 5:16

“‘Ampeu nongu Lhou no azah tsüke toi o pu ngo o za gihu lo, tishianguno no ye axüshu nani, eno Ampeu o Lhou no o tsü akeu yeghi lo no ye thokha kümtsü akivipu shilu nani.

ZAKINIU 5:33

Ampeu nongu Lhou no azah tsükeu kümtsü shilo, tishianguno nongu ye xülu nani, eno nongu no pükhalu niye akeu yeghi lo nongu ye akivi shino eno axüshu nani.

ZAKINIU 8:1

“Ishi tsala lo I no azakütsü nongu tsükeu kümtsü tsaqüi papelo, tishianguno nongu ye xülu, ikowolu, eno Ampeu no nongu puasüqo lau tushoqhi keu yeghi lo ilo ngolu nani.