AHOLE 29:4 - Sumi Naga CL (Re-edited) Bible (BSI)

⁴ Akükau no kuchou xakütha pesü pa shiaye shiqhe cheni, ikemu pa no külügho luuve aye tino xaleqhive cheni.

BAIBEL (BSI)

⁴ Kughono akukauno achipiu xakutha ghenguno amlo suni keno ashiayehye mutotoi nani ikemu pano pisalo likhi amlo suauve aye paye pa ghakhu shipuhave nani.

AHOLE 29:4 ပူးပေါင်းရင်းမြစ်များ

SAMUEL AKINIU 8:15

David no Israel kümtsü shou ayepe luve. Pa no kuchou xakütha eno aqhemi lono timi kümtsü shou ayepe.

KUKAMI ATUGHIU 2:12

Tithiu Solomon no papu kükalakhü lo ngove, eno pa kükaqha ye iqhikumto luve.

YEKIKITHI AKINIU 9:8

Ampeu o Lhou shelo! Pa no o shou amlokiqi shino o pesü Israel kükalakhü lo qhie! Kughengu Ampeu no alholo Israel kimiye ke ghenguno Pa no o pesü akükau shike, tishikeu lono o pelo achipiu eno amikucho shi peniye ke.”

JOB 11:6

Pa ye küsü püakeu lokütsü tsaqo pesü o vilo piniche! Kughengu Pa lokütsü ye aghola kütüta acheni. Ikehu Alhou ye o xine jume nguno akimkheu betsü anie.

LESHELE 89:14

Achipiu mikucho eno kuchou xakütha no O kükalakhü boqha; iqemokeu kikimiye eno pükhükulu no O züu checheni.

LESHELE 99:4

Akükau no pa kumto lono kuchou xakütha kimiye cheni. Nono kümtsü lau aghibiu shi; Nono kuchou xakütha süghi eno Jacob lau achipiu mikucho süghike.

AHOLE 14:34

Achipiu mikucho no shiye süqhe cheni ikemu timi khuno khuno laumu axine no akukujopu süghi cheni.

AHOLE 16:10

Akükau ye müzüküsü tsa piqhi cheni, pa kichi loye küghakütha tsa pive no axine shichemoe.

AHOLE 16:12

Kükami no alhoksa mlakeu ye aphikümqhüpue, kughengu kükalakhü ye achipiu mikucho pesü puthuphe püani ke.

AHOLE 20:8

Akükau khuu no küghakütha-a lo iqa cheni keno pa no alhoksa ithulu kelo amuu toi kümtsü fuleve cheni.

AHOLE 29:14

Kükami no kumlhomi chipiu süshotsü aye pa yekipe ye alholo iqhikumto tsünani.

AHOLE 8:15

I vecheo kükami no ayepe cheni, eno yepemi no achipiu xaküthaza tsülu cheni;

ISAIAH 49:8

Ampeu no ishi piani: “I no ado achipi lono nongu khochile tsüke; xakulupu tsalani I no nongu kuphuke; I no nongu khe eno süsho nani, nongu vecheo timi kümtsü sasü puloshoqhi shinani; eno pighive keu yeghi pesü amheghi shi tsüchile nani.

ISAIAH 9:7

Paw yepeka eno külakishi ye kishekhave mono ikoishe nani, Pa no David kükaqha shou hipa ghuloki lono lhokta kutolo kuchou xakütha eno amikucho shosütsü eno puthuphe tsü nani. Aqokitikhi MPEU kupulo lono hipau shi nani.

DANIEL 11:20

“Tithiu pa züqhulo milakhi ithughi no kükaqha juküvü ghenguno zame qhawu penike puwu nani. Ikemu axukighide momu aghüshi lono kumo püzü ado kushuo womono pa ye kütsave nani.

MICAH 7:3

Panoqo u ye tsaqüi alhoksa shiniye tipau shou bepe ani; yepemi ngo xaküthami no külügho khu, eno kijemi no pa lolo küsakügha shinishi keu picheni; ikehu panoqo no kuchughu küqha cheni.

SAMUEL ATUGHIU 13:13

Samuel no Saul vilo pi, “No ye mbomzü kümla shivae. No ye Ampeu o Lhou no azah o tsükeu pemovae. Kughengu Ampeu ye alholo o kükaqha pesü Israel kümtsü shou iqhikumto tsüniye ake.