AHOLE 29:27 - Sumi Naga CL (Re-edited) Bible (BSI)

²⁷ Kixikilami ye amikuchomi zülo aphikümqhüpue eno müzüchoi kemi ye kixikilami no ju aphimqhü cheni.

BAIBEL (BSI)

²⁷ Amikuchomiye kixikilami jumithi cheni eno kixikilamino amikuchomi jumithi cheni.

AHOLE 29:27 ပူးပေါင်းရင်းမြစ်များ

LESHELE 101:4

Chighichilai keu mlo ye I launo putosüve nani; ni ye kixikila kiumu ithimo nani.

LESHELE 119:115

I launo chevelo, nongu alhoksa kümlami, tishiaye ni ye I Lhou zakütsü papelu nani.

LESHELE 139:21

O Ampeu, ni ye O mithi chekemi mithi chenike kumo? Ni ye O hebide chekeqo I phimqhü chenike kumo keshea?

LESHELE 139:22

I mlo kümtsü no I no panoqo mithi cheni; ni ye panoqo pesü I ghümi kepi kihi cheni.

LESHELE 6:8

Nongu alhoksa kümlami kümtsü I launo chevelo, kughengu Ampeu no I küqa sütsa chiluvae.

LESHELE 69:4

Kütsazü shi I mithi chekemi no I kütsüsa nguno akichiu ani; akimki lono I ghüzani ye akemi, I kütsani ye akemi ye akumtomi ke. I no püka lumomu ni ye itehi ti lochileve masa keshea?

AHOLE 12:8

Milakhi no akükümsü kivi akeu vecheo akishe ithulu cheni, ikemu ihoghülai keu mlo xapu chekemi ye thogha cheni.

AHOLE 13:19

Akupulo shikupulu keu ye angulho lokiqipu ikemu mbomzümi ye alhoksa lono tsüghüve keu aphimqhü cheni.

AHOLE 24:9

Anikhami no kuchughu chekeu ye axine ke, thoküghami ye timi kümtsü kimthibo ke.

AHOLE 29:10

Ajiküxümi ye tukutiye küha kemi jumithi cheni eno müzüchoi kemi küxü phucheni.

AHOLE 30:1

Hi ye Jakeh nu Agur tsa, Alhouw müzüküsü tsa. Timi no pi, O Alhou, ni ye akulho shivae; ni ye akulho shivae, O Alhou, eno akumto kühavae.

ZEKHARIA 11:8

Aqhi lakhi lono I no ambekhemi küthü kütsave. Ikemu panongu lau Ni ye kheakulu shimlave eno panoqo ghi I jumithive.

MATTHEW 10:22

I je ghenguno timi kümtsü no nongu mithi nani. Ikemu khuu no ashekha kutolo puqhe luni keno, pa xalu nani.

MATTHEW 24:9

“Tileno nongu pesü shikighime eno pithive penike küghaluve nani, shiye kümtsü no I je ghenguno nongu jumithi nani.

John 15:23

Khunono I mithi keno, I Pu ghi mithi cheni.

John 17:14

I no O tsa pesü panoqo tsüe, eno ayeghilomi no panoqo mithi, kughengu I no ayeghi laumi kumo ketoi panongu ye ayeghi laumi kumoe.

John 7:7

Ayeghilomi ye nongu mithi mlae, ikemu I mithi ani kughengu I no pano kümla lhoksa ghili pitsüke.

1 John 3:13

Athiküzümiqo, ayeghilomi no nongu mithi kelo nongu ye akichiqhi kevilo.