AHOLE 29:25 - Sumi Naga CL (Re-edited) Bible (BSI)

²⁵ Timi jupe msa chekemi ye pa sala alichhe mla ani, ikemu Ampeu shou pükhübe kemi ye sükusho ani.

BAIBEL (BSI)

²⁵ Kutamiye ojupe kiu kumsu ani kelapi omlo susushi keuye akuighupuke ikemu nono AMPEU pukhu aye oxaphelu nani.

AHOLE 29:25 ပူးပေါင်းရင်းမြစ်များ

BOTHUBO 20:11

Abraham no pi, “I no tishive keu ye ishi kümsülu kehue, ‘Hipa-a lo ye Alhou sükümsa küha mithe, eno panongu ye I nipu ghenguno I heqhive nanie.’

BOTHUBO 20:2

Abraham no pa nipu Sarah pesü, “Li ye I chepu” ipive. Ikehu Gerar kükau Abimelek no timi hami puwu no Sarah sawuve.

BOTHUBO 26:7

Kughou tipa-a lo timiqo no pa nipu vehu iniju keno, pa no pi, “Li ye I chepue,” kughengu pa ye, “I nipu” ipini keu msave ke, “tikumo aye hipa-a lo timiqo no Rebekah ghenguno I heqhive nosae” ipi kümsüve, kughengu li ye ajukivi ke.

KUKAMI ATUGHIU 19:3

Elijah ye msave no pa küxü pükha nike posü Judah lo Beersheba lo ighi, eno pa qeu tile qhive.

YEKIKITHI ATUGHIU 5:20

Panongu no Hagritmi ngo pano gholo akemi shou toluve, kughengu panongu no aghüshiqa lono Alhou lau pükhübe no kuphu penike khekulhoshi khu kelo Alhou no chilu tsüno aghümi pesü pano u lo sütsüe.

LESHELE 118:8

Timi shou pükhü akepu ye Ampeu ijeluve keu pavie.

LESHELE 119:117

I sünhe puthulo, tishiaye ni ye sükusho anani eno alhokuthu O yezah gihu anani!

LESHELE 125:1

Khunono Ampeu pükhü cheni keno pano ye Zion Toghi toike, ti ye khilemu süküghütha mlae, ikemu alholo ache nani.

LESHELE 69:29

Ikemu ni ye aghime shi ani eno aküsü lo ani; O Alhou, Ow xakulu no qhemghai I süqhe tsülo!

LESHELE 91:1

Khuu no Shishe Akiqheuw sükusho lo acheni keno pa ye Akughushuu kicheqho lo cheche nani.

LESHELE 91:14

“Kughengu pa no kikimiye kumto lono I tsüqüpe ngoke, I no pa xalu nani; I no pa süsho nani, kughengu pa ye I je ithi ani.

AHOLE 16:20

Kütsüshika kelo amlotsü qhiyi keu ye akivi phuphelu nani, khuu no Ampeu shou pükhüni keno akümghapue.

AHOLE 18:10

Ampeu je ye aqoghe kumto ke, amikuchomi no tipau lo poilo sükusho ithulu cheni.

AHOLE 28:25

Alakimnemi no kuqhumo keu huthu cheni, ikemu Ampeu shou pükhübe kemi ye kinikülü heshetsü nani.

AHOLE 30:5

Alhou tsa ye kümtsü achipi kepi phuphelu cheni; Pa sükusho phuighi kemi kümtsü lau Pa ye azüto lakhike.

YETSAPIU 7:18

Hipau tsüqü luve keu no o ghenguno alo, eno lakhiu ghi pheve kepu kumoe. Kughengu khuu no Alhou sümsani keno, pa ye ti küma kinikujo lono pojolu nani.

ISAIAH 57:11

Nongu ye khuu ju püzü msave keno, I lau miki, I kümsümave, eno amlo lo qhimove kea? I no ado kushuo inaqhoi kutuu pesü ngove keghi, nongu ye I msa mono anike kumo?

DANIEL 3:28

Nebuchadnezzar no pi, “Shadrach, Meshach, eno Abednego noqo Lhou sheqhelo, Pa no Paw kungumi puwu no Pa qemi, Pa pülübe chekemi xaphelue, panongu no pano Lhou likhi kumo aye kütami lhou qe eno mlla moniye akükau yezah qhive no pano phimpi ghi pephe tsüve ke.

DANIEL 6:23

Ikehu akükau ye shishe alovive, eno Daniel ye abongshuu ki lono ikhipheve penike azah tsü. Tighenguno Daniel ye abongshuu ki lono ikhipheve, eno pa shou kiu ghüzaku mu ithulu moe, kughengu pa no pa Lhou shou pükhübe ke.

MATTHEW 10:28

Khunoqo no aphimpi pithivetsü cheni mu angulho ye pithilu chemo keno, nongu ye panoqo msa kevilo. Tishini kepu ye Alhou khuu no alhomi lono aphimpi ngo angulho kütsalu nani keno, Pa msalo.

MATTHEW 15:12

Tileno pa khopemi no pa lau ighi no pi, “Nono pikeu tsa no Phariseemi mlo pünave tsüapi no ye ithi anima?”

Luke 12:4

“I küsamiqo, I no nongu vilo piani, aphimpi pithive tsüni kemi msa kevilo, tinguno alau panongu ye kiumu shilu moae.

John 3:2

Pa no putho lono Jisü lau ighi no pi, “Rabbi, nino ithi anike no ye Alhou launo ighikeu shikükami, kughengu Alhou aghimo keloye khunomu nono amchipu kümla shi akeqo shimlae.”

John 9:22

(Pa puaza ye Jewmi msake ghenguno hipatsa pike, kughengu Jewmi no khukhumu Jisü ye Khristo kepi piphe keu ye sinagog lono hapheveni keu shi xathave ke.)

ZAKINIU 1:17

Xakütha lo agi jumoni. Kitilami na kijemi namu aphiphi shi küghatha lo. Khunomu nongu shikümsape kevilo, kughengu xakütha ye Alhouw ke. Aküküpna khikhi no nongu ghenguno kushokütsü keno I lau süghini, eno I no ti xathatsü nani.’

1 Peter 1:21

Pa vecheo nongu no Alhou Khuu akithi lono Khristo xüputhupe ajekipi Pa tsü keno, Pa lau pülübe cheni, tishianguno nongu küpülü eno lajupu ye Alhou lau apeniye ke.

XAKUTHAMI 16:11

Pa no khochile, “Panongu no peitha jumphi keu akighi kithe pesü I phedave aye ni ye miqemleive nani eno timi kütami toive nani.”

SAMUEL ATUGHIU 15:24

Saul no Samuel vilo pi, “I no axine shivae, kughengu ni ye Ampeu zakütsü eno o tsa lumove keu xine shivae, kughengu ni ye timiqo msave no panongu tsa luve ke.

SAMUEL ATUGHIU 21:13

Ikehu pa no pano zülo pa ghilisüqe kilive no küghüzümi toi amqü shi, eno khagho lashe lo inapügha jeli kixi puku no pa mtsazü no akichimhi lo iji iqighipe.

SAMUEL ATUGHIU 27:1

David no pa mlo lono kümsü, “Ni ye ghulo lakhi lo Saul u lono thive nani. I ghengu ye Philistiami yeghi lo pove keu nguno akiviu kühae. Tileno Saul ye Israel ghuthu lo I phuju pühave no aghüthi süve nani, eno ni ye pa u lono pokaluve nani.”

SAMUEL ATUGHIU 27:11

David no Gath lo asütsa süghi pemo niye kiptimi totimi khumu püxü moe, pa no kümsü, “Tikumo aye panoqo no ningu ghili pive tsüno, ‘David no ishi mlae,’ ipive nosake.” Pa no Philistiami yeghi lo xüake tivilo pa khuaye ye hitoi ache.