AHOLE 25:25 - Sumi Naga CL (Re-edited) Bible (BSI)

²⁵ Aghakhu kütau lono asütsa-ale kivi süghi keu ye azü kumko pesü tüghüthi akeu kughoki pütsülu ketoie.

BAIBEL (BSI)

²⁵ Ashekhashi, aghache yeghi lono kiyephi kithe chilu keuye tughuthi akelo azu kumko yelukeu toike.

AHOLE 25:25 ပူးပေါင်းရင်းမြစ်များ

BOTHUBO 45:27

Ikemu panongu no Joseph tsa, khikhi pa no panoqo vilo pi keno, ti kümtsü pa vilo pi kelo, eno pa no Joseph no pa tsüpuwu keu tinhemgha kupu mishikuluqo ithulu kelo, pa nguagha ye xüthileive.

SAMUEL AKINIU 23:15

David no tüghüthi qhiyi pi, “O, khuana no Bethlehem zükhe khagho phivilo akeu lono azü pewo I piyelu keaye lae!”

LESHELE 63:1

O Alhou, No ye I Lhou ke; I no puloniqhiyi O phucheni; I ngulho no tüghüthi O laju ani; qhai eno aghime yeghi khile azü küha keno tile akeshi I phi-ashi no thiqhi O laju ani.

IPEKULU 17:6

Julo, I no Horeb lo atuqu shou o zülo puthugho nani, no ye tilehi atuqu shou ghapuku lo, tipau lono azü ipeghi nani, eno timiqo no azü yelu nani.” Moses no Israel lo layemi zülono tishie.

AHOLE 15:30

Agi küvü huno amlo lopiqitsü cheni eno asütsa kivi no aghi anhü shipüxü tsü cheni.

AHOLE 25:26

Timi kivimi no kixikilami qhou shive keu ye azüpuki momu azükikhe shipuqove keu toike.

ISAIAH 52:7

Naghutoqo kathasü asütsa kivi pesü ighikeu pukhu ye kiutoi juvi kelae, pa no alakishi peighi ke, eno alokivi sütsa peighi ke, pa no Zion vilo ishi pi, “O Lhou no ayepe ani.”

ISAIAH 55:1

“Khunono tüghüthi ani keno ighilo, azü hilau ani; khuu no pisa küha keno, ighilo, qhüchulo! Ighilo, ame sümono atsaizü ngo akichhizü qhülo.

JEREMIYA 18:14

Lebanon mürasü ye Sirion tuxu lono hauve cheni kea? Naghuto zü, aghoki kumko zü ye qhaive cheni keshea?

NAHUM 1:15

Khuu asütsa kivi pecheni eno külakishi sheshu cheni keno, naghuto lo chenike julo! Ow tiqhetiniqo pini lo, O Judah; o shoqhiqo shikupulo, kughengu amekükühami ye khilemu o leighi kithemae; pa ye qhoi kütsapinyivae.

John 7:37

Aghulhu tsala ashekhau, kümtsü nguno akhotou tsala lo Jisü no puthugho no ighamku pi, “Khukhumu tüghüthi aghi aye, I lau ighi no yelulo.

Rommi 10:15

Atsapemi puwumo keloye kishino panongu ye asheshuni kea? Ti ye ishi yepüake toi, “Atsakiviu sheshu chekemi pukhu ye kiu toi jukivi kelae!”

1 Tim. 1:15

Hi ye pükhübekulupu eno ikhikulupu tsae: Khristo Jisü no axinemi xalu nike ayeghi lo ighikeu gholo ni ye axinemi kümtsü nguno alhoksau ke.

JOSHUA 22:33

Ikelo asütsa tipau no Israelmi nhethe lo achipishi ithuluve. Eno Israelmi no Alhou sheqhe no Reuben, Gad eno Manasseh shiaye tüxa no küghüna akeu yeghi kütsave tsüni keu khilemu pimove.

Piyeküsü 21:6

Pa no I vilo pi, “Hi no tavae! Ni ye Alpha eno Omega, abothu eno ashekhau. Tüghüthi kemi lau aküxüpu züpuki lono I no ame lumono tsüni.

Piyeküsü 22:17

Aghungu eno külaliu no pi, “Ighilo.” Eno khuu no hipau chiluni keno pa ghi ishi pilo, “Ighilo.” Khukhumu tüghüthi keu no ighilo; khuu no pulo ani keno aküxüpu zü ame sümono lulo.