AHOLE 20:7 - Sumi Naga CL (Re-edited) Bible (BSI)

⁷ Amikuchomi khuu no akikhishi xücheni keno pa tianuli pa thiu chekemi ye akümghapue!

BAIBEL (BSI)

⁷ Atianuli khunono apuh amikucho eno achipiu shichekemi aghini keno tipano kumghae.

AHOLE 20:7 ပူးပေါင်းရင်းမြစ်များ

BOTHUBO 17:7

I no o Lhou eno o thiu tikughukomi Lhou shinike Iw puloshoqhi Nikujo dolo shi nani eno o thiu tiqheli kupuju lo shekhaha puloshoqhi shi nani.

JOB 1:1

Khaghi Uz yeghi lo timi lakhi Job ipikeu ache, pa ye tukutiye kühano müzüchoi kemi, Alhou sükümsami eno alhoksa lono tsüghüve chekemi.

LESHELE 112:2

Pa tikughukomi ye ayeghi lo akughushu shi nani; amikuchomi tianuli ye kükümgha shi nani.

LESHELE 15:2

Timi khuu no tichetighe küha, achipiu shicheni eno pa mlo lono kuchou tsa pi cheni keno;

LESHELE 26:1

I chipiu saphu tsülo, O Ampeu, kughengu ni ye akikhi lono checheni, eno ni ye lhelhei mono Ampeu lau pükhübe ighivae.

LESHELE 26:11

Ikemu I ghengu ye, ni ye I kikhi lono cheche nani; I qhüchile tsülo, eno I lau küpüqhiyi tsülo.

LESHELE 37:26

Pa ye alhokuthu nibonilei pünatsü cheni, eno pa tianuli ye kükümgha shi cheni.

AHOLE 13:22

Timi kivimi ye pa tianuli tianuli kutolo amheghi qhitsü cheni, ikemu axinemi küakini ye amikuchomi sala qhivetsü cheni.

AHOLE 14:2

Khunono müzüchoi xücheni keno Ampeu sümsa cheni, ikemu mqümgha shiche kemi ye Pa jukünatha cheni.

AHOLE 14:26

Ampeu sükümsa lono amlo kumto shilu cheni, eno pa tianuli ye sükusho anani.

AHOLE 19:1

Kumlhomi shino akikhi shi akeu no anikha shino kimkimi shi akeu nguno akiviue.

ISAIAH 33:15

Khuu no amikucho la lo cheghi eno athotsa picheghini keno, khuu no süxa pesü ala shini keu milive cheni keno, khuu no külügho luve nosa kehu au kukhu qhive cheni keno, khuu no aji peleni keu kukughu ini tsümoni eno alhoksa lono pa nhethi miyi luveni keno,

JEREMIYA 32:39

I no amlo lakhi eno alaghi lakhi panoqo tsü nani, tishianguno panongu no alholo I sümsa nani, ti ye panongu eno pano tianuli kivipu ghenguno eno pano thiu atilimi ghengu ghike.

Luke 1:6

Pama gha Alhou zülo amikuchomi, eno Ampeu zakütsü ngo ayezah kümtsü tukutiye kühano papeche.

Apostolmi 2:39

Kughengu ashoqhi ye nongu eno no tianuli eno khunoqo putou ani keno, Ampeu ni Lhou no Pa lau kulu kemi kümtsü ghenguno ke.”

2 Kor. 1:12

Kughengu ni qheküzapu ye hi ke, ni lolo kiviküsa lotsü no ashepe tsü anike ningu ye ayeghi lo akikhi eno Alhou lau amlo tsüqhiyi shi, ayeghi lo lokütsü lono kumono Alhouw küpükini lono xücheni, eno akhoto no nongu lau tishi acheni.