AHOLE 17:17 - Sumi Naga CL (Re-edited) Bible (BSI)

¹⁷ Shompami ye ado kümtsü lo kimiye kile cheni eno athiküzümi ye aveküsa tüqhüdo ghenguno punu püani.

BAIBEL (BSI)

¹⁷ Shompamiye pulhapuju kikimiye piyekile cheni. Shiluksa kusajeniye kethono kiume athikuzumi shiani kya?

AHOLE 17:17 ပူးပေါင်းရင်းမြစ်များ

SAMUEL AKINIU 1:26

I thiküzüu Jonathan, o ghenguno ni ye ijuime anie; no ye I lau ighono alokepu shie; I lau ow kikimiye ye akighiche, totimiw kikimiye vekiye ke.

SAMUEL AKINIU 15:21

Ikemu Ittai no akükau khochile, “Ampeu xü ani eno akükau I mpeu xü anike, khile khilemu I mpeu akükau no wukeu lo xümu thimu o qeu ghi wunie.”

ESTHER 4:14

Kughengu nono hipa tüqhüdo lo inaqhoive aye, Jewmi ghululu eno xaphe luni keu ye a-a kütau lono ighive nani, ikemu no eno o pu kibo ye pühave nani. Eno khuu no ithi ani kea no ye ado hitoi keu ghenguno kükaqha lo ighi aghiluvi ke!”

AHOLE 16:28

Küsaküghami no kuqhumo keu veküpha cheni eno xikishimi no aposhumi dolo küghüxave tsü cheni.

AHOLE 18:24

Shompami kutomo akemi ye kütsakungo süghive cheni, ikemu khami ye athiazü nguno punukhoi kemi acheni.

AHOLE 19:13

Mbomzü nu ye papu mhekiqi shitsü cheni eno mtomshu keu nipu ye aki alou tsütsüghu zü ijiqighi ake toike.

AHOLE 19:7

Kumlhomi ye pa thiküzümi no mithiuve cheni, imaye pa küsamiu ye kishita pa launo putosüve cheni kelae! Pa no qhüiniju pape chenamu panongu phulu chemoe.

IBRIMI 2:11

Kughengu khuu no axine shikimthe cheni eno khunoqo no mithe luve cheni keno kümtsü akuhu aghü lakhi lono ke. Tighenguno pa ye panoqo vilo athiküzümie pini keu kujo chemoe,

RUTH 1:16

Ikemu Ruth no khochile, “I vilo o qhive lopi kevi momu o papemo no idewove lopi kevilo. Kughengu nono khile wuni keno ni ghi wuni eno nono khile ngoni keno ni ghi ngoni. Ow timi no Iw timi shiveni eno o Lhou no I Lhou shiveni.

SAMUEL ATUGHIU 18:3

Jonathan no David sasü puloshoqhi shi, kughengu pa no pa ampi kimiye aketoi David kimiyeve.

SAMUEL ATUGHIU 19:2

Jonathan no David vilo pi, “I pu no o pithive niye ani. Tighenguno thanau inaqhe o jukuto luve lo. Tuqhou-a lakhi lo itshü luve lo.

SAMUEL ATUGHIU 19:3

I no wuno aluza khile nono ani keno tilehi I pu phivilo ngono pa vilo o ghili pini. Tsala I no kiuala ithilu aye o vilo pini.”

SAMUEL ATUGHIU 20:17

Jonathan no David kimiye kehu itaghi pa pelo tushoqhipe, kughengu pa no pa ampi toi David kimiye ke.

SAMUEL ATUGHIU 23:16

Saul nu Jonathan no Horesh lo David lau wuno Alhou kumto lono pa shikumto tsü.