AHOLE 14:2 - Sumi Naga CL (Re-edited) Bible (BSI)

² Khunono müzüchoi xücheni keno Ampeu sümsa cheni, ikemu mqümgha shiche kemi ye Pa jukünatha cheni.

BAIBEL (BSI)

² Kuchou shilo eno tino noye AMPEU gholu anikepi piye anike; kuchou kumo shikeuno noye AMPEU gholu chemokeu piye anike.

AHOLE 14:2 ပူးပေါင်းရင်းမြစ်များ

SAMUEL AKINIU 12:9

Kushiye no ye Ampeu zülo kiu küsakügha shiniye Pa tsa jukümghaleve kea? Nono azütakikihi pesü Hittimi Uriah ghiqhive no pa nipu pesü o nipu shiniye luve tsüae eno nono Ammonmi zütakikihi pesü pa pithivae.

KUKAMI ATUGHIU 3:6

Solomon no khochile, “Nono I pu David o qeu lau iqemokeu kikimiye kije piye, kughengu pa no O zülo pükhükulu eno mikucho lono, eno müzüchoi xüche ke. Nono O kikimiye kije tipau pa ghenguno qhitsü eno ishi ye pa kükalakhü lo iqalu penike anu pa tsüe.

KUKAMI AKINIU 17:34

Panongu ye ishi kutolo tipa khuaye pekishe chephi. Panongu ye Ampeu msa chemo, eno akhuaye, pimheye, ayezah, momu azakütsü khikhi Ampeu no Jacob, Israel ipi kuvetsü keu, polo kughukomi tsü keno tipaqo pape chemoe.

JOB 1:1

Khaghi Uz yeghi lo timi lakhi Job ipikeu ache, pa ye tukutiye kühano müzüchoi kemi, Alhou sükümsami eno alhoksa lono tsüghüve chekemi.

JOB 12:4

I küsami zülo ni ye azükutunupu shivae, Alhou ku kelo Pa no khochile tsüche, achipiu eno atiche kühakeu huye azükutunupu ilhouvae.

JOB 28:28

Pa no timi vilo pi, ‘Ampeu sükümsa no alokütsüe, eno alhoksa lono tsüghüve keu no vethakulu ke.’”

LESHELE 112:1

Ampeu sheqhelo! Khunono Ampeu gihu cheni, eno Pa zakütsü lo alokiqi shi cheni keno alokivipue!

LESHELE 25:21

Akikhi eno achipiu pesü I küxü süshope qhitsülo kughengu ni ye O ngokhe ani.

AHOLE 11:12

Khukhumu kütami jukuloti chekeu ye kümsükulu kühae ikemu vethakulumi ye inaqhoi acheni.

AHOLE 16:17

Akümzümi laghi ye alhoksami launo putou acheni, khuu no pa laghi jukutoni keno aküxü pükhalu cheni.

AHOLE 16:6

Iqemokeu kikimiye ngo pükhükulu vecheo axine pevetsü cheni, eno Ampeu sükümsa vecheo alhoksa lono tsüghülu cheni.

AHOLE 19:1

Kumlhomi shino akikhi shi akeu no anikha shino kimkimi shi akeu nguno akiviue.

AHOLE 2:15

aküxü ihoghülai kemi eno pishikiqhimi launo o xalu nani.

AHOLE 28:6

Kumlhomi shino akikhishi xükeu no kinimi shino chighichilai xüche keu nguno akiviu ke.

YETSAPIU 12:13

Avehu kümtsü chiluve kethiu ashekha lo hi ani: Alhou msa lo eno Pa zakütsüqo pelulo, kughengu hi no timi kümtsü kümlapu ke.

Luke 10:16

“Khuu no nongu tsa chiluni keno, I tsa chilu ani, eno khuu no nongu kileveni keno, ni eno I puwu keu kileve ani.”

Luke 16:14

Phariseemi ye küakini mineqhiyi chekehu kughou no atsa hipaqo chilu keno, panongu no Jisü thaigha junu.

Apostolmi 10:22

Panongu no pi, “Kungumi kimthe no azah tsüke toi Cornelius, aqhe zatsüu, süchomi, Alhou sükümsami, Jewmi shiye kümtsü no gihu chekeu no nono kiu pikepu ani keno ininike o pelo pa kilo ighitsü peniye kupuwu ani.”

Apostolmi 10:35

ikemu shiye kümtsü gholo khukhumu Pa sümsa eno achipiu shikeu ye ikhikulupu shicheni.

Apostolmi 9:31

Judea, Galilee, eno Samaria qha kümtsü lo akukuhou ye iqüghai keu do sholu eno shikumtolu ae. Ampeu sükümsa lono chewu eno Aghungu Kimthe no shikumto keu vecheo ikowolu.