AHOLE 1:31 - Sumi Naga CL (Re-edited) Bible (BSI)

³¹ tighenguno pano no xüchekeu kiqi lono axathi xolu nani, eno pano no kuchughu chekeu huno pano kive pichhitsü nani.

BAIBEL (BSI)

³¹ Tishiaye, nonguno kiu ithulu kuzupu keno tipau ithulu nani eno nolikhi nokumlano nongu ngaqhi nani.

AHOLE 1:31 ပူးပေါင်းရင်းမြစ်များ

JOB 4:8

I no ithuluve ketoi, khunono axine hokide cheni eno aküküpna xusüni keno athoshi xolu chenie.

LESHELE 81:13

O, Iw timiqo no I tsa initsü keaye, Israel ye I laghi lo checheni cheke!

AHOLE 12:14

Milakhi saxü ye pa kichi lono pikeu shou bepe ani, milakhi no mla püakeu ye pa lau ideighi cheni.

AHOLE 13:2

Milakhi ye pa kichi lono akivi tsa pikeu xathi chucheni, ikemu mqümghami no khelho chekeu ye shiküpsa ke.

AHOLE 14:14

Athiu idewove kemi ye pa kümla xathi xopipe nani, eno akivimi ghi pa kümla xathi xolu nani.

AHOLE 22:8

Khunono achipikumo yisü keno kütsakungo xolu nani, eno pa loghu küsü ye icheve nani.

AHOLE 5:22

Kixikilami ye pa xine no meluve cheni, eno pa xine kighi no tsatsai pa tsüghave cheni.

AHOLE 5:23

Pa ye alikhi aghasükulu kühakeu lono thive cheni, eno pa ghüzü kije ghenguno pa ye ala vepimive cheni.

AHOLE 8:36

ikemu khuu no I phumoni keno pa likhi pa ghüzavae; I mithi chekemi kümtsü akithi kimiye cheni.”

ISAIAH 66:4

Ni ghi panongu ghenguno aghimepu kishetsü nani; eno panongu no msa chekeu panongu shou pukutsü nani, kughengu khunomu I no kukeu lo khochile moe, I no pütsa kelo, panongu no ini tsümoe; ikemu kiu no I nhethe lo axine keno, panongu no ti shike, eno I no pulomo keu kishelu ke.”

JEREMIYA 14:16

Eno timi khunoqo lau panongu no tungkuptsa pi cheni keno tipaqo ghi püqümiye ngo azütakikihi no Jerusalem laghila lo vepheve nani. Panongu nipu momu apu-anga khunomu pano shiqhomo nani. Kughengu I no pano lhoksa pesü pano shou lepuku nani.

JEREMIYA 2:19

O lhoksa no o ghimeqhi nani, o hekibede no o sakiyi nani. O Mpeu Alhou pheve keu ye alhoksa eno khumtsai kepi ithilo, I sümsa keu o lolo kühae, aqokitikhi Mpeu Alhou no sheshu ani.

JEREMIYA 21:14

Nongu kümla xathi kiqi lono I no nongu ghime nani, ipi Ampeu no asheshu; I no li ghasü lo ami süvetsü eno tino li hokümxa kümtsü pitive nani.”

JEREMIYA 6:19

O ayeghi, inilo, I no timi hipaqo shou pano mqü lhoksa xathi ghenguno amhekiqi süghini cheni, kughengu panongu no I tsa lo amlo tsümove eno I yezah milive ke.

EZEKEL 22:31

Tighenguno I no I loghu panoqo shou lepuku ke. I no I loghu miküqü pesü panoqo pitive. I no panoqo laghi pesü pano kütsü lo lepuku tsü kepi Ampeu Alhou no sheshu.”