ACHINE 3:1 - Sumi Naga CL (Re-edited) Bible (BSI)

¹ “Milakhi no külakishi kümllagho tsünike Ampeu zülo amishi süghi aye, atsü aqu khikhiu namu tukutiye kühakeu shini.

BAIBEL (BSI)

¹ Kughokughomu timi lakhi no pa mishi lakhi pesu kuposhukulu kumllagho mllani keno tiye amshi tsu momu amshiqu tukutiye kumu kuhakeu shilo.

ACHINE 3:1 ပူးပေါင်းရင်းမြစ်များ

YEKIKITHI ATUGHIU 21:26

David no tilehi Ampeu ghenguno akümlla-khache shiqhe eno akipti kümllagho ngo külakishi kümllagho pesü tsü püzü Ampeu qhüiniju kelo Pa no khochiletsü ghi kungugha lono akümlla-khache shou ami piqitsü.

IPEKULU 20:24

Ayeghi no shikeu kiptia I ghenguno mlalo eno akipti kümllagho ngo külakishi kümllagho, nongu mbe ngo amshitsü tipau lono aghashini. I je kümsülu penike I no kishetsü ke-a lo nongu lau ighi nani eno nongu kümghatsü nani.

IPEKULU 24:5

Eno pa no Israelmi lhothemi puwu no panoqo pelo Ampeu lau akipti kümllagho ngo amshitsü pesü külakishi kümllagho ghakishi shipe.

IPEKULU 29:28

Tipau ye Israelmi launo alholo Aaron ngo pa nuliqo saje shini, kughengu ti ye qhaphelu keu lakhi ke. Ti ye Israelmi no Ampeu lau panoqow külakishi kümllagho tsükeu lono qhaphe keu shini.

AHOLE 7:14

“Ni ye aghakishi kümllagho tsünikeu shi ake ishi no tsüve no tipau shi pewo püani;

EZEKEL 43:27

Kughou panongu no atsala hipaqo kupuveni keno, atsala akütacheu nguno hulau ye achinemi no akümlla-khache lono akipti kümllagho eno külakishi kümllagho mllani, eno I no nongu ikhilu nani ipi Ampeu no asheshu.”

EZEKEL 45:15

Axine peve tsünike ghenguno athi kümllagho, akipti kümllagho, külakishi kümllagho gholo Israel yeghi lo azü akeu-a lo atsüni mzachu chekeu ambe loji aqhe kini akelo lakhi pesü tsülo ipi Ampeu Alhou no asheshu.

ACHINE 1:10

“Tsala pa kipti kümllagho no ambe momu ane shiaghi aye, ti ye atsü tukutiye kühakeu shini,

ACHINE 1:3

“Tsala pa no kuchopu kipti kümllagho shinike amishi süghi aye, ti ye atsü tukutiye kühakeu shini. Ampeu no ikhilu tsü penike pa no tipau sasü kuposhukulu phiki kulaghi lo ngoni.

ACHINE 17:5

Hi ye Israelmi pelo khalau no aghakishi lhoxü heqhi süghi mono kuposhukulu phiki lo achineu lau süghi no Ampeu lau külakishi kümllagho shipeniye ke.

ACHINE 3:6

“Milakhi no külakishi kümllagho tsünike Ampeu zülo ambe süghi aye, atsü aqu khikhiu namu tukutiye kühakeu shini.

ACHINE 9:18

Tithiu timiqo ghenguno külakishi kümllagho mishitsü ngo anetsü pesü pa no aghashi. Aaron nuli no lhoxü ji pa tsükelo pa no akiptia vehomxa leqhive.

ACHINE 9:4

külakishi kümllagho ghenguno amshitsü ngo anetsü Ampeu zülono aghashi lo, eno athi kümllagho thazü gholo kiteve keu süghilo, kughengu Ampeu ye ishi nongu lau ipeghini cheni.’”

AMUS 5:22

Nongu no akipti kümllagho ngo athi kümllagho süghi namu I no ikhilu tsümo nani; eno now athakupu lhoxü pesü külakishi kümllagho shikeu Ni ye tipa shou jupukumo nani.

MALAKI 1:14

Pishikiqhiu khuu no ambeloji lo atsü lakhi akeu pesü mllani kepi tushoqhive no tukutiye akeu pesü Ampeu lau agha shini keno pa ye angusüpue. Kughengu Akükau akijeu ye Ni ke, aqokitikhi Mpeu no pi, eno shiyeqo dolo I je sümsa nani.

MALAKI 1:8

Kughou nongu no anhethi kighiche lhoxü pesü aghashi mllani keno, ti ye küsakügha kekumo? Eno nongu no lhonima momu aküsü lhoxü pesü mlla keu ye küsakügha kekumo keshea? Tipau pesü nonguw Angh agho chhejulo; pa ye nongu ikhilu momu kimiye tsü nani keshea? ipi aqokitikhi Mpeu no pi.

AKIKIHI 15:8

Kughou nono amshitsü pesü akipti kümllagho momu ashoqhi shikupu keu ghakishi momu külakishi kümllagho shini keno,

AKIKIHI 6:14

eno akipti kümllagho ghenguno ampe lakhi mbetsü, axine kümllagho ghenguno ampe lakhi mbequ, eno külakishi kümllagho ghenguno anetsü, lakhikhi tukutiye kühakeu pesü pa kümllagho shi ghi Ampeu tsüni;

AKIKIHI 7:17

eno külakishi kümllagho ghenguno amshitsü kini, ambetsü pungu, anetsü pungu, eno ampe lakhi mbeti pungu. Hino Amminadab nu Nahshon kümllagho.

AKIKIHI 7:59

eno külakishi kümllagho ghenguno amshitsü kini, ambetsü pungu, anetsü pungu, eno ampe lakhi mbeti pungu. Hino Pedahzur nu Gamaliel kümllagho.

ZAKINIU 12:27

eno no kipti kümllagho, ashi ngo aji ishi pesü Ampeu nongu Lhou kümlla khache lono mllalo. Nongu ghakishi lhoxü ji ye akiptia lo lepukuve no ashi ye nongu no chuveni.

Kolosiami 1:20

eno ayeghi lona kungugha lomu Anu vecheo thokha Pa lau alupekili niye kros lono pa ji pele keu vecheo külashi tsüe.

IBRIMI 10:22

ningu kuchou mlo xapu tsaqüi keu küpülü qhini, alhoksa lotsü lono ningu mlo shikimtheve no azü kütsüghü pesü ni phimpi qhuve püzü Alhou kupunu wuni nolo.

1 John 1:3

Ningu no khikhi ithulu eno chiluve akeno nongu lau pikülha ani, tishianguno nongu ghi ni gholo kuposhulu peniye ke; kuchou no ningu ye Apu eno Pa Nu Jisü Khristo sasü kuposhu acheni.

XAKUTHAMI 20:26

Ikehu Israelmi ghüshimi kümtsü no Bethel lo iqho mloqa. Panongu no Ampeu zülo iqa no tipani kijiliu shiveke kutolo kümvü, eno akipti kümllagho ngo külakishi kümllagho pesü Ampeu lau tsü.

XAKUTHAMI 21:4

Thanau inaqhe itheno timiqo no akiptia lakhi mlano akipti kümllagho ngo külakishi kümllagho pesü Alhou mllae.